بما اني حديث التخرج حاليا بشتغل مراقب جودة في شركة فرست برنت للطباعة ومواد التعبئة والتغليف...عايز اسلك سكة المحاسبة اللى هي اصلا تخصصي فيه فرصة للعمل محاسب داخل الشركة وفيه فرصة اني اشتغل محاسب في مكتب (تدريب يعني بالنظام المعروف)...فأيهما افضل وله مستقبل محاسب يبدأ من مكتب محاسبة مع مرتب قليل وربما بدون مرتب ثم التدرج الى محاسب قانوني ولا محاسب في شركة كبيرة ومرتب محترم ...ايهما يصنع محاسب افضل وله سعر محترم...اشيروا علي خاصة الإخوة المحاسبين .
[FONT="Comic Sans MS"]مكاتب المحاسبة >>>>>>>>>>>>>>خبرة
الشركات>>>>>>>>>> فلوس /FONT]
انا برده اسمع ان اللى يبدا فى شركة محاسبة يبقى محاسب على حق
طب مانا ممكن اشتغل فى شركة و اخد مرتب محترم و اكمل فيها و اثبت نفسى بدل البهدلة
ليه مفكرتش فى بنوك؟؟
اللي اعرفه و اللي بسمعه من الناس :) يعني كله كلام بس كلام صحيح
انه مكاتب المحاسبه مشوارها طويل بس يستحق يعني بتبتدي بمرتب تعبان جدااا او يمكن مفيش اصلا زي مانت قلت بس بعد فتره بتترقى جوه المكتب و تمسك حاجات كبيره و يبقى عندك خبره كبيره قوي و ساعتها بيبقى قدامك فرص كتيره اوي و لما تبقى محاسب قانوني و تتسجل في جمعيه المحاسبين هتبقى حاجه كبيره اوي ساعتها
اما المحاسب في الشركات فبيبتدي بمرتب لابأس به و يترقى كذا مره بس اخره يبقى مدير مالي و بيبقى خبره في المحاسبه بس //مش محاسب قانوني يعني
انا بقى عن نفسي رحت اتدرب في مكتب محاسبه لمده يوم فقط :))))))
هو يوم اه بس اتعلمت كتير قوي قوي ما بالك لو رحت قعدت سنتين اكيد اكيد هتبقى حاجه جامده جدااااا
على العموم شوف ظروفك و دماغك و هترتاح فين و ربنا معاك و معانا :)
و شوف اللينك ده في معلومات حلوه كتير [url=http://dvd4arab.maktoob.com/f1197/1849140.html]
بص لو بجد هانتكلم كلااااام عقل وموزون جدا وخصوصا فى الاوقات الحالية فى مصر والاحوال المنيلة بنيلة دى يبقى فى شركة طبعاااا وبعدين انت ممكن تكون متميز فى الموضوع ده بدون ماتاخد فترة تدريب وخصوصا انها بتطول دلوقتى... افضلك حاليا ابدا بالشركة... وبعدين صلى صلاة استخارة وربنا ااولا واخيرا مش هايقدم ليك غير الخير..
ربناااا معاك ويوفقك..:)
انا لا اعمل في المجال دة . لاكن اعرف ناس شغالة فية .
والي شايفة .
تشتغل في مكتب وهايطلع عينك بمرتب مش كويس اوي . لاكن بعدها هاتكسب حاجتين علي المدي الطويل
(الخبرة - هاتكون محاسب قانوني - راتب افضل بعد مدة )
لو شركة .
مرتب كويس حاليا . بس
الخبرة مش هاتكون كبيرة لان اغلبهم بيعمل عمل روتيني ومافيش جديد وكل المحاسبة بالبرامج المحاسبية .
(كل يوم زي التاني )
المكتب افضل علي المدي الطويل .
موفق ان شاء الله
البنوك شغلها ربا عدا الإسلامية واي بنك إسلامي برضه هيحتاج لواسطة ...الميزة في المكتب بعد فترة انك تبقي محاسب قانوني وممكن تفتح مكتب لوحدك لكن الشركة تحت اي ظرف لو خرجت منها هخرج منها ايه ؟ بس تبقي معضلة الجواز وان لازم يكون ليك دخل قائمة ....لو فيه مكتب ينفع اتدرب فيه بعد الشغل وادفع انا التأمينات يبقي حلو اوي .
اقتباس:
المشاركة الأصلية كتبت بواسطة matrix_it
اقتباس:
المشاركة الأصلية كتبت بواسطة nooooour
اقتباس:
المشاركة الأصلية كتبت بواسطة al_manara
اقتباس:
المشاركة الأصلية كتبت بواسطة aboelsoud
اقتباس:
المشاركة الأصلية كتبت بواسطة midoabdeen
انا حاليا بندم أشد الندم إني ما اتدربتش في مكتب محاسبة، وبالذات بقى لو تعرف تذاكر معاها شهادة زي cma. صدقني لو ما فيش وراك مسئوليات (متزوج مثلا) شد على مكتب محاسبة بعد صلاة الاستخارة.وربنا يوفقك.
+1اقتباس:
المشاركة الأصلية كتبت بواسطة midoabdeen
+الخبرة >>>>>>>>>> فلوس اكتر
انا بدأت فى مكتب محاسبة كبير جداً فى مصر (من الاربعة الكبار)
وبجد اتعلمت وفهمت يعنى ايه محاسبة و مراجعة كمان صحيح العائد المادى مش كويس اوى والسحل للركب يعنى شغل يومي مش اقل من 12 ساعة بس بجد اتعلمت هناك فى سنتين اللى متعلمتوش فى الكلية فى 4 سنين
وخلال شغلى كان بيتعرض عليا عروض كتير بمرتبات احسن بكتير من اللى كنت باخده فى المكتب بس سمعت النصيحة وتقلت شوية لحد ما اتعلمت كل اللى انا عوزه وبعدين قبلت عرض كويس جداً جداً والحمد لله
الخلاصى ان كل سنة بتقضيها فى المكتب بيزيد فيها سعرك فى السوق 4 اضعاف سعر اى محاسب تانى شغال فى شركة وفى نفس سنك
نصحيتي لك
1- صلاة الاستخارة
2- لو المكتب مشهور يبقى تقبل انما لو مش مشهور يبقى فكر واحسبها كويس
وربنا يهديك لما فيه الخير والبركة
الاختيار يتوقف على حجم المكتب يعنى لو مكتب مشهور او مكتب له وضعه فى السوق يبقى ممكن تضحى بالشركه و الاستقرار وتختار المكتب
اما لو مكتب مستواه عادى لما الشغل بيخف بيسرح المحاسبين بتوعه وبالتالى الشركه بتكون احسن
اما بالنسبه للبنوك فهى عاوزه واسطه وكمان البنك مش هايخليك محاسب كويس لانه سيستم وما عليك الا انك شغال على السيستم ده بس
اما من وجهه نظرى المتواضعه ابدا فى مكتب كبير هاتبقى محاسب كبير
ولو شركه (يفضل شركه صناعيه) ويا سلام لو محاسب تكاليف تبقى قوى جدا وليك وزنك برده وربنا يوفقك
زى كل الاخوة اجمعوا، التدريب فى مكتب محاسبة الاول افضل، هتتبهدل شوية - واذا متبهدلتش دلوقتى هتبهدل امتى؟ - بس المردود على المدى الطويل افضل ولو زوت شهادة مهنية هيكون افضل. لو ليك استفسارات للشهادات ابعتلى على الخاص.
والسلام ختام
انا اخدت اخويا الصغير بعد الجامعة مباشرة من ايده على مكتب محاسبة ودلوقتى بقى اسمه شركة محاسبة مش زى زمان مع انى كان ممكن اشغلة معايا فى الشركة اللى انا فيها قلتله اتعلم بكره يبقى ليك سعر مش مشكلة هتاخد كام لو حتى هدفعلك انا مرتبك المهم الحمد لله بعد ثلاث سنوات خد كارنيه المحاسب القانونى وراح شركة كبيرة وهما اللى كانوا بيجروا وراه علشان يروح معاهم توكل على الله المكتب اولا وبعدها انطلق
برده مكاتب المحاسبه الكبيره عايزه واسطه
وبصراحه الواحد ميضيعش سنتين ولا تلاته فى مكتب تعبان
اقتباس:
المشاركة الأصلية كتبت بواسطة hesham hamza
مش كلها المهم الواحد شخصية قوية ولغة كويسة ومبادئ واساسيات المحاسبة موجودة وهيخش على طول
اختلف مع حضرتك المكاتب الكبيرة بتبقى متخصصة يعنى مثلا حضرتك بتشتغل فى قسم الضرائب او شركات المقاولات وهكذا فبتاخد الخبرة فى مجال واحد فقط ودى بتحدد انك بتبقى قدامك اما الاستمرار فى المكتب الكبير بمميزاته الكبيرة برضه او شركة فى نفس المجال المكتب المتوسط بتشتغل فيه كل حاجة شركات اشخاص شركات مساهمة ضرائب عامة وضرائب مبيعات ومراجعة وبنوك شركات تجارية شركات صناعية مقاولات وكل حاجة يعنى تقدر منه تروح اى شركة وانت متمكن فى جميع النواحى المحاسبيةاقتباس:
المشاركة الأصلية كتبت بواسطة hesham hamza
هو تقريبا اللى بيشتغل فى مكتب محاسبة بينسى انه انسان يعنى شغل كل يوم 12 ساعة و مرتب قليل و كدة
لو انت شايف ان اساسيات المحاسبة عندك كويسة ومستواك عالى ودا تحكم عليه من مستواك فالكلية طبعا يبقى تتكل على الله وتروح الشركة عشان متضيعش وقت ويبقى فى دخل كويس وفيها هتتعلم كل حاجة وتستوعبها بسرعة والعكس صحيح لو انت شايف انك مش تمام اوى فالمحاسبة يبقى تروح المكتب تتاسس صح وبعد كده اكيد ربنا هيكرمك بشركة محترمة ان شاء الله بس تعمل حسابك على سنتين او تلاتة شغل طحن ومفيش فلوس بالعكس هتصرف كمان وربنا يوفقك ان شاء الله