على فكرة العرض بتاع افق كاونتري كلوب حينتهي كمان 48 ساعة
عرض للطباعة
على فكرة العرض بتاع افق كاونتري كلوب حينتهي كمان 48 ساعة
عرض افق غير صالح للاستخدام الجماعي زي ما قالو
وما بيردوش على التليفون نهائي عشان اعرف اخد منهم عرض
وبرضه لسه ماستقريتش على موضوع ارابيان نايتس
وبحاول اجيب عروض افضل وارقي شوية عشان اليوم ما بيتكررش كتير وبحاول يكون راقي مش تلاقو رحلات مادارس ورحلات جامعات وعيال صغيرة داخلين وسطنا ويبوظو اليوم
يا مسهل
أعانكم الله يا كريم
في الانتظار !
علي فكره يا باشا لما بنعمل مقابله في اسكندريه مش بنعملها علشان هي جنب البيت
ولا بتتعمل في اسكندريه علشان سواد عيون الاسكندرانيه
مع ان دايما نسبه حضور القاهرويه في اي مقابله بتكون اعلي
ودايما المقابله بتكون برائ الاغلبيه
لو الاغلبيه اجمعت علي مكان بيتراح
وعموما تقريبا مفيش اسكندرانيه غيري بيروحوا مقابلات بره اسكندريه واحيانا جواها كمان
فحددوا المكان اللي يعجبكم وروحوه
وطالما هي بالنسبه يبقي ملهاش لازمه الاسكندرانيه يحضروا مقابلات علشان عددهم قليل
وظبطوا المقابله علي ظروفكم طلعوا ظروف الاسكندرانيه والمشوار عليهم من حساباتكم
وشكرا علي رايك
انا ماقصدش والله الي انت فهمته يا شنوري
اذا كان يا راجل انت اول مرة تشوفني كنا في الزقازيق
يعني الموضوع بالنسبالي مش مسألة مسافة او أغلبية
بالعكس انا بحب السفر جدا وجو البحر والمقابلات
انا أقصد ان لو حد هيجيب معاه اسرته او اطفال فبالتالي جمب القاهرة تبقي فكرة لطيفة واسهل
لكن انا ماقصدش خالص ازعلك يا شنوري
واسكندرية والأسكنرانيين علي راسي من فوق
ولو علي زعلك اعتبرني ماقولتش حاجة واعتبرني حتي مش جاي
لكن ماحبش انك تزعل مني انت او DarkMagician
وبالنسبة للعدد انا ماقصدش الأغلبية قد ماقصد مسألة المسافة الي عدد كبير هيقطعها واحنا كان ممكن نتقابل جمب القاهرة
واحب اوضحلك ملحوظة
اسكندرية كوقت اقربلي من مدينة نصر (انا ساكن في نهاية فيصل يعني اسكندرية بروحها في ساعتين - مدينة نصر ممكن اروحها من جوة البلد في ساعتين ونص)
اقتراح فارما علي الصحراوي الكيلو 55
ارابيان نايتس علي صحراوي الفيوم علي بعد حوالي 20 كيلو
يعني في كل الأحوال هطلع صحراوي والتجهيزات بالنسبالي كلها واحد - همشي علي الصحراوي بعربيتي العارجة
انا كل قصدي اقرب علي القاهريين المقابلة
والله المستعان
،
،