جالى فيزا عمل فى الكويت من ناس معرفة
عايز اعرف اية اخبار الدنيا هناك سوق العمل هل حعرف الاقى شغل ولا صعبة وهل حعرف اشتغل بتخصصى انا خريج تربية انجليزى
يعنى هل حلاقى شغل بسهولة ولا صعبة شويتين ؟!!!؟
عرض للطباعة
جالى فيزا عمل فى الكويت من ناس معرفة
عايز اعرف اية اخبار الدنيا هناك سوق العمل هل حعرف الاقى شغل ولا صعبة وهل حعرف اشتغل بتخصصى انا خريج تربية انجليزى
يعنى هل حلاقى شغل بسهولة ولا صعبة شويتين ؟!!!؟
انا مش فاهم يعني ايه فيزا عمل يعني الفيزا جاي باي مهنة
انت خريج تربية انجليزي ممكن تشتغل مدرس لغة انجليزية في المدارس الخاصة بس لازم التقدير جيد والمرتب في المدراس الخاصة لايزيد عن 300 او 350 دينار علي ما عتقد طبعا السكن غالي والاسعار غالية
انت ممكن تروح السفارة وتقدم في وظائف وزارة التربية وتتعين في وزارة التربية مدرس طبعا المرتب هيبقي غير يوصل الي 500 دينار في الشهر او لما تيجي تقدم في الوزارة هنا في الكويت اذا كان اعلان تعاقد داخلي وربنا يوفقك
مدرس هناك مرتب المدرسة مش الاساس الدروس هناك الدرس بالساعة وربنا يوفقك ان شاء الله ويجعل ليك الخير هناك باذن الله
الدروس مش زي انت متخيل وخصوصا في المرحلة الابتدائي والمتوسط مش بيخدوا دروس طول السنة زي مصر وبالحجز الدروس هنا قبل الامتحانات بس مش طول السنة هي ممكن تبقي ماشية في الثانوية ومواد معينة طبعا الرياضيات والكيمياء واخواتها انما مرتب المدرس الحكومي معقول مش وحش وربنا يوفق الجميع بس المدرس اللي شغال دروس صح في مصر مش بيجي الكويت لانها احسن منها الف مرة وكفاية انه مش متغرب
طب انا ليا سؤال
انا لو رحت وباخد 350 دينار ياترى دول يكفوا معيشه حد لوحده وعايز يحوش؟؟
واقدر احوش منهم فحدود قد ايه؟؟
لو لوحدك ممكن تحوش
يعني هتصرف في الشهر في حدود 80 الي 100 دينار اكل وشرب وسكن واكيد هتسكن مع ناس يعني هتدفع مثلا في السكن من 30 الي 50 دينار حسب المكان والعدد اللي في الشقة انا باخد 388 دينار بصرف 100 في الشهر وبحول لاهلي 100 مصاريف شهرية بصراحة انا بقالي ست سنين محوشت حاجة نهائي بس ولادي في مصر عايشين مرتاحين والحمد لله وانا بنزل مرتين في السنة واحيانا 3 مرات فطبعا تذاكر الطيران بتكلف برضه بس هنعمل ايه الوضع في مصر لايسر عدو ولا حبيب ولو انت مش متجوز ومش وراك مسئوليات يبقي هتعرف تحوش وربنا يوفقك