عايز اسئل الجيتز ثباتها عامل ايه بعد ال140 ؟؟ كويس ولا فيرنا ولا اوحش من الفيرنا والفرامل كذلك!! شكرا
عرض للطباعة
عايز اسئل الجيتز ثباتها عامل ايه بعد ال140 ؟؟ كويس ولا فيرنا ولا اوحش من الفيرنا والفرامل كذلك!! شكرا
متااااااااااااااااااااااب ع
جنط هتبقه كويسه غير كدة العربيه خفيفه
يعنى لو جنطت هيبقى اخرها كام يعنى اجرى واخفش من غرز او افادى اى حاجة ؟؟
ألعربيات دي خفيفة جدا سواء هيا ولا الفيرنا والجنوط مش هيديك اللي انت عايزه
احسن حاجة هيا العشفة السبور والبارات وانسى كلمة تعويم في العربية دي
وبالنسبة للفرامل بردو محتاجة تعديل
ادة هى الجيتز ينفع فيها تعديل العفشة والبارات و ياترى العفشة هتوجع الضهر ولا انشف شوية من العادية ؟؟ وتعديل الفرامل هيبقى عبارة عن ايه
من الاخر لو بتفكر فى الثبات متفكرش فى هيونداى الجنوط هتظبط فرامل وثبات بس مش الى فى دماغك وعموما فيه ناس بتمشى بيها 180 واكتر وهيه على حالتها
بس الجيتز افضل من الفيرنا كثبات علي ما اظن
ولكن ليس كمان تظن
تحياتي
طب ما بلاش هيونداى علشان اولوياتهم الشكل و السرعه و اخر حاجه بيهتموا بيها الامان و الثبات و الفرامل :\ يعنى ممكن مثلا تجيبلك بى ام e30 مثلا موديل تسعينات و شدها حلو كله على بعضه ممكن يجيب معاك تمن عربيه جديده من الكورى , بس هتبقى ثبات ماشاء الله و شكل طبعا حلو و المانى و قطع غيارها هتبقى ارخص من الهيونداى او قدها ....... لو عجبك الراى ده بقى ابقى ادخل فى قسم البى ام و هيظبطوك ان شاء الله
هات السرعة اللي انت عايزها في خط مستقيم
عايز تغرز وتاخد ملفات يبقي أسألك ال budget !
نصيحة بلاش عشان السيارات الكورى عموما بتبقى خفيفة بعد 140
لو عايز حاجة ثابتة وجميلة وعايز هيونداى يبقى هات العربية وركب عفشة كونى كاملة وstablizer bar وجنوط 15 ماتزودش عن كدة للفيرنا او الجيتز عشان العفشة هتعرض الكاوتش شوية يبقى تخلية على 195 وشدادات وكمان تحاول تجيب فرامل اقوى
انا عايز اجيب العربية ب65 ضوابطها ب4 الاف بس عادتها صيغتها كويس عشان لو حصل. وسافرت برة اسكندرية نيقوسيا قلقنا من الطريق
اجيبها ب65 و اصرف 4 عشان الثبات عشان لما اسافر بيها مبقاش قلقان من الطريق
شوف انا بكرة هيونداى لسببين مرة باكسيل بدوس فرامل قويه على 70 كنت هتقلب والعربيه عامت وانا فى خط مستقيم---مرة تانيه واحد بمرسيدس لمس الاكصدام الامامى لهيونداى اكسنت 2000كنت هترمى فى الجزيرة--ومرة تانيه ميكروباس قفل عليا الطريق بدوس فرامل موت العربيه يمين فى شمال فى يمين والحمد لله وقفت--غير لما بعدى جنب نقل الهوا بتاعه بيسحبنى--غير الجرس الى بعد سرعه 120-----انا بكرة هيونداى--ولما كنت بجرب هيونداى ار بى بتاعت صحبى بعد 140 كنت مرعووووووووووب مستقيم زى الفل --غرز انته بتغامر وبايع نفسك
طب لو عايز اجيب حاجة فىحدود 70 نفس الكاتيجورى بتاعت جيتز مانيوال وقطع غيارها موجودة اجيب ايه
انته ممكن تجيبها بس بلاش غرز والجرى بحساب
ماتقلقش انا بس عايز الفرامل والثبات عشان اخطاء الغير مش هلعب بالعربية على الطريق
و بصراحة الجيتز داخلة دماغى اوى بذات المانيوال بفتحة سقف
توكل على الله وهاتها عربية محترمة
وماتورها قوى جدا عليها
واقتصادية فى البنزين
انا شايف انك تركبلها جنوط بس وهتبقى معاك تمام
متقلقش وصلى صلاة استخارة
هو أنت هاتجيب العربية علشان تقضي بيها مشاويرك و لا علشان الغرز و تفصيل القماش ؟؟
لو عايزها علشان المشاوير و السفر فهي كويسة و تنفع زيها زي أي عربية
لو عايزها علشان السبق و الغرز يبقي زود شويتين و هات لك فيراري و لا بوجاتي و برضه مش هتلاقي طريق تمشي بيها عليه
يا جماعة انا شاب اة و هلعب شوية بيها بس مثلا فى شوارع المحروسة لو حصل موقف جامد على 140 دة على افتراض انى مسافر العربية رد فعلها هيكون اييييه ؟؟
انا مش عايز عربية اتنطط بيها على الخلق ولا اهزر بيها على الطريق انا بس عايزها عربية تقضى الغرض لحد 140 مش اكتر
هو ثباتها و فراملها زى كورولا موديل 2004 ؟؟؟؟؟؟؟؟