الموضوع: اسوأ مركز صيانه كيا اسمه ابو رواش

المشاركة الأصلية كتبت بواسطة muhamedaly

عملت صيانه ال120 الف امبارح في مركز ابو رواش لعربيتي الكيا برايد سيدان 2002 وللاسف لاحظت الاتى.1-العربيه صوتها بقي وحش خالص عن الاول وحسيت بعد ممشيت من المركزاني دي مش عربيتي واني راكب نقل.2-لمبة الحزام اللي في التابلوه كانت شغاله ودلوقتي اختفت.مش عارف لغوها ليه الظاهر مش عاوزيني استخدم الحزام.3-العربيه بقت تحدف يمين لدرجة اني رجعت بيها المنيا وانا متضايق ومتغاظ لانها كانت زي الساعه وطارة الدركسيون بقت مش عدله ومش عارف اشوف العدادات كويس 4-الاسوأ اني وقفت في الطريق للاستراحه ولما حبيت اكمل فوجئت ان العربيه مش عاوزه تدور الكلام ده بالليل علي الصحراوي الغربي ومعايا مراتي وولادي ووالدتي المهم رفعت الكبوت لاكتشف ان المركز المحترم مربطش كابل البطاريه السالب وفك من مكانه.ركبته باليد لغاية ما ارجع ولكن طول الطريق وانا خايف ليكون في عجله مش مربوطه ونضييع بسبب ناس مستهتره .لكن احمد لله وصلنا بالسلامه.5-كنت عاوز الصق جلده مش عارف اسمها ايه وبلغت مهندس الاستقبال بيها لكن للاسف سابوها علي التابلوه.6-الخدمه محترمه وناس اخر ذوق لدرجة ان المهندس مشى الساعه 4:30 من غيير ما استلم العربيه وسلمهالي عامل الغسيل اللي غسل العربيه ولم اجد احد يسئلني اخبار العربيه ايه او انت مبسوط ولا لأ او يجرب معايا العربيه.طبعا انا اتصلت بخدمة العملاء واشتكيت فقالو هنخلي المهندس اشرف يكلمك لكن انا رفضت لانه من الذوق انه كان استني وسلمني العربيه لاني المفروض في مكان محترم بيحمل اسم كيا مش في الشارع.وبالتالي اي واحد صحبي بيفكر يشتري عربيه هنصحه يبعد عن كيا .واللي معاه كيا يبعد عن فرع ابو رواش.ان شاء الله لو هغير العربيه مش هتكون كيا

علي فكرة دفعت 2400 جنيه في صيانة ال120 الف وتغيير تيل فرامل والطنابير الاماميه و3 لمبات فوانيس.وافتكرت حاجه تانيه لما اشيل رجلي من علي الاكسراتير الاقي النور الواطي يضعف خالص ولما ازود يعلي تاني ويعيني علي التوكيل .وصلت التوكيل الساعة 8 ومشيت الساعة 5 المغرب. بصراحه من امبارح وانا مش عاوز اشوف العربيه .الله يسامحهم خلوني كرهت عربيتي .

بصراحة مفيش بعد السبع

المشاركة الأصلية كتبت بواسطة ahmadm

السلام عليكم

بصراحة انا بروح توكيل ابو رواش من ساعة ما اشتريت العربية كيا برايد سيدان اوتو 2003 و عمر الحاجات اللى حضرتك قولتها دية ما حصلتلى خالص. كانت عاملة 19 الف و الان عاملة 80 الف
و زى الفل و عمرى ما رحت و العامل هو اللى سلملى العربية لازم المهندس يجرب معاية.

انا بكلمك في حاجه حصلتلي بالفعل والمهندس كان اسمه اشرف ممكن تبقي تسأله هو مشي الساعه كام وانا معايا ورقه المبلغ المدفوع بكارت ال atm عليها الوقت الساعه 5 وانت عارف انهم بيمشو 4:30 .والعربيه هوديها لمركز صيانه اسمه المجد فاتح جديد في بني مزار علشان يظبطي الزوايا وطارة الدركسيون.ويظبط صوت الموتور.وعلي فكرة كابل البطاريه لسه مفكوك مربطهوش للأن لاني مش عاوز اشوف العربيه من وقتها.

اتصل بي اليوم المهندس المشرف علي صيانة عربيتي في مركز صيانة كيا ابو رواش ليوضح لي ما حدث وان العربية كان من المفروض ان تبقي ليوم اخر بالمركز .وطلب مني الرجوح مرة اخري لفحص العربيه واستكمال ما بها .فسألته هل احجز ميعاد للقدوم اليكم فاجاب لا واعتبر ان دي عربيتي.بصراحه انا مبسوط ان مركز كيا بيحترم عملائه وبيحترم الاسم اللي بيحمله kia .إن شاء الله انا هرجع للمركز تاني وهكتب اللي حصل معايا .والمكالمه دي تجعلني احس ان اللي حصللي مكنش مقصود وان ده مش اسلوب فرع ابو رواش .شكرا EIT واتمني ان تكونوا في المقدمه دايما