أنا خلاص تعبت من ونة الفتيس وقررت أنى أقدم شكوى فى الرقابة الصناعية فى شركة الأمل لأن الظاهر كده مفيش فائدة من الكلام بالزوق والاحترام ولازيت نافع ولا ايزى نافع فى ونة على الاول والتانى وفى الرجوع للخلف وحاسس انها بدأت تدخل على الغيار الثالث على خفيف كده فكده حرام بجد عربية زيرو وفيه مشكلة زى دى ميرضيش ربنا والله حرام بجد العربية زى الفل فى كل شئ بس موضوع ونة الفتيس دى معقدانى منها وخلاص كده كفاية سلبية أنا هروح اقدم شكوى فى الرقابة الصناعية لأنى بجد مش عارف أعمل ايه فى الصوت ده خلاص بجد قرفت.
اتوكل على الله حماية المستهلك هتحللك المشكلة و هيغيروا الفتيس
لو مافيش حد اتصل بيك او حللك المشكلة دى ... طبعا من حقق تروح لحماية المستهلك ... وكمان حاول تشوف اكتر من ميكانيكى يكون بيشتغل فى اليابانى ... وتاخد رأية فى صوت الونة اللى عندك ... علشان تكون مطمئن وانت بتشتكى
يا جماعة صوت الونة دى تقريبا فى كل عربيات byd f3 2011 يعنى ده عيب تصنيع مش عيب فى عربية وأنا سألت اكتر من ميكانيكى وكلهم أجمعوا أنه عيب صناعة ولازم أروح التوكيل واقولهم يشوفوا حل فى الموضوع ده العيب جاى من مجموعة بللى كرونة الفتيس لازم يتغير وطبعا انا مش هلعب فى العربية بره المفروض انهم ملزمين بتطبيق سياسية خدمة ما بعد البيع والا العربية دى فعلا هتقع ومحدش هيشتريها واللى معاه العربية هيفرط فيها رغم انها عربية محترمة بس فيها عيب مش ممكن التغاضى عنه بجد قربت اكرها واكره نفسى بسبب ونة الفتيس دى وان شاء الله هاخد اجازة الاسبوع اللى جاى و هروح للرقابة الصناعية مباشرة لانى كلمت حماية المستهلك وقالولى قدم الشكوى مباشرة فى الرقابة الصناعية هناك هتبقى الاجراءات اسرع بكتير .
لا مش في كل العربيات و لا حاجة في عربيات كتير بس مش عيب عام
توكل على الله و اعمل الشكوى و ده حقك
انا خلاص كتبت الشكوى وجاهزة أن شاء الله لو ملحقتش بكره أوديها يوم الاحد هتكون هناك .
انا راييى شبل من دماغك موضوع الونة ده واخزى الشيطان لانه موش ماثر على اداء السيارة فى اى شئ وبيروح بعد سرعة 40 ك/س تقريبا