مطلوب أطباء.. الزقازيق أو ميت غمر أو ديرب نجم
السلام عليكم
.
صيدليتي
بقرية تابعة لمركز الزقازيق
ميت أبوعربي
على الطريق بين (الزقازيق-ميت غمر)
على بعد 10 كيلو من الزقازيق تقريبا..وعلى نفس البعد تقريبا من ميت غمر
تم الإتفاق على شقة .. هستلمها يوم الجمعة
تم تجهيز العيادة فيها .. بشكل بسيط
مكتب
شيزلونج
بارافان
جهاز ضغط
جهاز سكر
جهاز جلسات تنفس بخار
ميزان
.
شوية كراسي بره
بس
مطلوب أطباء إختصاصات مختلفة
بالإتفاق على النسبة
الطبيب لايتحمل أي نفقات للشقة أو الإيجار أو راتب البنت الي هتدير المكان
ومش ملزم بكتابة أنواع معينة
ومش ملزم بتوجيه الناس لصيدليتي
.
حسب مانا أعرف الاتفاقات في الأوضاع المشابه
الطبيب يحصل على 75% من إجمالي الكشوفات
والــ 25 % للعبد لله
الأخصائيين هيتم تحديد سعر الكشف(حسب وضع البلد)15 ج
والأطباء فوق الــ 35 سنة .. سعر الكشف هيكون (20ج)
ولو طبيب بكرش زي محمود كده.. سعر الكشف هيبقا 100 ج
ههههههههههههههههههههههههه ههههههههههههههههههه
الكرش له إحترامه برضو
حبيبي ياحودة
المهم
خدمة لأخوكم أحمد العلاوي ياشباب
أي طبيب من أطباء المنتدى له الرغبة .. يشرفني وينورني
مع العلم
البلد هنا
كان فيها 5 أطباء
3 منهم سافروا .. وواحدج ربنا توفاه من فترة بسيطة.. والأخير(حاليا) مصاب بعد حادثة
يعني
البلد بقت
doctors-free
مفيش دكاترة تقريبا خااااااااالص
الــ 5 أطباء الي كانوا فيها..كانوا شغالين جدااا
البلد محتاجة جدااا أطباء
يعني - بإذن الخالق - الشغل فيها هيكون مضمون
أنا عملت دعايا بقالي إسبوعين
حاطط الشيزلونج في الصيدلية..للفت الإنتباه
وحاطط لوحة كبيرة جوه الصيدلية..وبره على باب الصيدلية
وطبعا عرفت القاصي والداني بموضوع العيادة
الناس بدأت تسألني كتير فعلا.. هتفتحوا إمتى
؟
والله المستعان
مين هييجي يشرفني
أو
مين يقدر يخدمني .. ويشوفلي طبيب معرفة أو حد من عائلته من الأطباء..أو حتى صديق
طبعا
تخصص الأسنان صعب حاليا..علشان التجهيز بتاعها مكلف
