ازيكم يا شباب العربية ماشية 60,000 كيلو و فى مركز الصيانة قالولى هنغيرلك سيور و بوجيهات و الحاجات دى هتم ب 3500 جنية بس أصحابى بيقولولى ان دا شغل نصب و قاللولى غير البوجيهات برة و السيور كدة كدة مبتتغيرش دلوقتى .. أعمل اية ؟
عرض للطباعة
ازيكم يا شباب العربية ماشية 60,000 كيلو و فى مركز الصيانة قالولى هنغيرلك سيور و بوجيهات و الحاجات دى هتم ب 3500 جنية بس أصحابى بيقولولى ان دا شغل نصب و قاللولى غير البوجيهات برة و السيور كدة كدة مبتتغيرش دلوقتى .. أعمل اية ؟
طبعاً شغل نصب رسمى شوف سير الكتينه والدينمو وبلية الشداد والبوجيهات بتباعو بكام بره عند سرور او حد بتاع قطع غيار محترم وفلتر هواء بالمره كل دول مستحيل يعدى سعرهم 1000 جنيه ومصنعية تركبهم عند اتخن واحد فى مصر مش هتعدى 400 جنيه
ملحوظه السيور اتأكد انها ماركة دايكو عشان اى سير عليه جى ام اتأكد انو مضروب
وغير فلتر بنزين
طب هل هوه كده هيطلع من الضمان لو رفض التغيير ؟؟؟
هو عربيتو اساس برا الضمان
طبعا لازم السيور تتغير على ال 60 ألف ممكن البوجيهات اللى متتغيرش دلوقتى لو مش محتاجة
بس انا شايف بما ان عربيتك عديت ال 3 سنين و خرجت من الضمان فممكن تجيب الحاجات ديه من بره و تركبها بره و هتتكلف 1500 جنيه بالمصنعية تقريبا
يعنى الأسعار بره تقريبا
سير كاتينه 350
بلية شداد متحركة 450 و ثابته 375 و مش شرط تغير الاتنين لو واحده منهم كويسه ممكن تسيبها
سير دينامو 200
فلتر هوا 100
و دفعت مصنعية 150
اعملها بره احسن
طيب عنوان سرور دا اية ؟ و مين ميكانيكى كويس و عنوانة اية و شكرا يا شباب
اعتقد فى التوكيل بيغيروا كمان طرمبة المياة.اتاكد من اللى هيعملوه فى التوكيل وهات اسعار قطع الغيار من عندهم وقارنها ببره والارخص اشتريه وركب عند واحد بيشتغل فى التوكيل اضمن حاجة.
روح لسرور او اميريكان استورز فى شارع شمبليون ( الشارع اللى ورا دار القضاء )
او محل وطنية او البوشى ( شارع مرسيدس فى الحرفيين)
او محمد ربيع فى صقر قريش
• طقم بوجيهات Boush ألمانى 75 جنيه .
• طقم بوجيهات GM ألمانى 110 جنيه .
• فلتر هواء 60 او 50 جنيه .
• فلتر زيت 40 ا 35جنيه .
• فلتر بنزين 45 جنيه .
• سير كاتينة 110 جنيه ( Dycon Italy ) .
على فكره الصيانه دى فى التوكيل مش بتتكلف 3500 ولا حاجه !
انا كنت هعملها عند احمد سعيد الى فى محطه وطنيه مدينه نصر !
قالى 2800 بالمصنعيه ..
سير كاتينه
وفلاتر
وشداد دينامو
وبليه
وزيت موتور
روحت عملتها فى التوكيل ب 2750 !
الى قالك 3500 ممكن يكون عامل حسابه فى تغيير التيل
وعلى فكره اعملها بعد كده على 50 الف مش 60
الف شكر يا رجالة و الله بس انا عندى سؤال كمان دلوقتى انا باسمع صوت كركرة مع بداية كل نقلة العربية بتنقلها و الصوت دا بيروح لما ال rpm يعلى انا كنت شاكك ان البنزين مش نضيف فى الأول بس بعد تجربة اكثر من بنزينة الصوت لسه موجود فهل دا حاجة فى كهربة العربية مثلا ؟
والله الصوت عندي و مش لاقي حل ...بس دي وساخه بنزين علي مر الزمن مش من مره واحده ...
سرور فى شارع شمبنيون وسط البلد اول ما تنزل نزلة اكتوبر بتاعت وسط البلد تدخل تانى يمين هتلاقيه ولو سألت اى هد هناك هيدلك عليه وبالنسبه للميكانيكى لازم يكون بتاع اوبل فى احمد سعيد بتاع محطة وطنيه فى مديمة نصر بس هو قطع الغيار عندو غاليه يعنى ممكن تشترى وتغير عندو وفى واحد مش فاكر اسمو بس الرجاله هنا بتقول عليه كويس واتعاملو معاه
1000 شكر يا شباب انا روحت انهرده كشفلت على السيور و البلى و غيرت سير الكاتينة ( كونتينتال المانى ب 180 جنية ) و البوجيهات ( جى ام ب 110 جنية ) و دورت على فلتر بنزين بس مالقتوش للأسف .. لو فى حد عنده حل لصوت الكركرة دا يقول يا شباب و شكرا :)
لحد دلوقتى مش لاقى حل ..اول ما اعرف هقولك وانت لو عرفت قولى