مش اعرف عنهم حاجة
بس عايز اشترى كوتشى
ياريت الافادة
عرض للطباعة
مش اعرف عنهم حاجة
بس عايز اشترى كوتشى
ياريت الافادة
شوف في Adidas
ولا انت بتستفسر عن حاجة معينة ؟
لا مش حاجة معينة
انا بردو عاوز اشتري وروحت adidas من كام يوم اللي فوسط البلد لقيت الكوتشيات نار من 700 لـ900 وانت طالع وقالي هيعمل sale لسة في شهر 7
مفيش توكيل عامل sale دلوقتي او هيعمل قريب يا جماعة
فيه ال factory outlet الموجود ف شارع جسر السويس اللي علي ناصية شارع السباق وده بيعمل sale جامد وفيه كمان محلين قدام الميريلاند واحد جنب فرحات والتانى بعده بشوية وانت ماشى ناحية اشارة روكسى .. دول برضه فيهم sale .. و عندك طبعا نايكى و اديداس ف شارع طلعت حرب و جنينة مول بس لازم تكون مكيش .. و نصيحة منى ماتسترخصش ف الحاجات دي لأنها مريحة وتعيش بس برضه مش لدرجة 900
في رافين جينز عامل تخفيضات واسعاره معقولة
ودي صفحته عالفيس فيها شوية صور للموديلات
Welcome to Facebook - Log In, Sign Up or Learn More
ليه فرع في الشواربي
فرع في سيتي ستارز دول اللي اعرفهم
في فروع تانية كتير
في اديداس ونايك الاسعار بتبدأ من 300
في بردو factory outlet بعد كارفور المعادي بشوية في ماركات متنوعة
adidas factory outlet بيبقى فرز تانى ولا فرز اول وايه نظامه
فيه معرضين فى ش فيصل عند ش المستشفى وواحد كمان فى كايرو مول
لو حد يعرف نظامهم ياريت يقول
رافين
اخباره ايه فى الكوتشيات ؟؟؟
سكيتشر منزل انواع فيها تكنولوجيا جديدة اسمها Shape ups دي بتقوي عضلات الرجل و بتحرق سعرات طول مانت بتستعملها لو تعرف حد ممكن يجيبهالك من امريكا سعرها حلو جداااااااا انا جايب واحد عامله 60 دولار يعني حوالي 360 مصري المفاجأة بقي كنت ماشي في سيتي ستارز من كام يوم و لقيت توكيل سكيتشر قلت حلو اجيبها من مصر لقيتها في المحل ب 1015 جنيه :_Alshmokh11:
هي تحفه و مريحه جداااااااا هتستغربها في الاول و تتعب منها لحد ما عضلات الرجل تاخد عليها بعد كدة مش هتعرف تلبس غيرها و في منها كوتشيات و كمان احذيه عاديه
السلام عليكم ورحمة الله وبركاته
أنا أعرف اللى فى كايرو مول فيه حاجات فرز تانى وسعرها بيبقى معقول جدا, والفرز التانى بيبقى حاجات ثانوية جدا يعنى مالهاش علاقة بالمكونات الأساسية: يعنى خياطة شكلها مش معدول مثلا. لكن المشكلة إن اختياراتك فى الشراء حاتكون محدودة جدا ويمكن ماتلاقيش مقاسك. محتاجين زيارات كتيرة لغاية ماتلاقى المناسب لك
انا شايف بلاش نايك او اديداس,اسعارهم بقى مبالغ فيها اوى هنا فى مصر,خليك فى تمبرلاند,جوده من اعلى مايمكن وراحه مابعدها راحه واشكال ظريفه وفى نفس حدود السعر واحسن من نايك واديداس بكتير,انا من كم سنه كنت رحت انا واحد اصدقائى عضو معانا هنا فى المنتدى كان جايب جزمه من تمبر وبعد شهر اتقطعت وقلتله ازاى هتروح ترجعها قالى جزم تمبر مش بتتقطع بسهوله كدا ومكنتش مقتنع بصراحه وراح رجعها وغيروهاله,انا مكنتش مصدق بصراحه,وانا نفسى عندى جزمه تمبر من حوالى سنتين ومش بتتأثر بأى حاجه تجرى فيها خالص
تحياتى
ممكن تشوف أبو علاء عنده أكتف وأديدس وماركات تانية وأسعار مختلفة
الفروع إللي أعرفها: المعادي - مول طلعت حرب - سيتي ستارز
انا اول مره
اشوف واحد بيستفسر عن الكوتشيات
هو خلاص يعني الخيارات قدامك متعدده اوي للدرجه
بص هلخصلك موضوع الكوتشيات في كام كلمه :)
في 3 انواع من الكوتشيات
... واحد خفيف وسمبل جدا وفلات من تحت وده بصراحه اشيكهم و بيليق علي اي لبس بس مشكلته زي ما قلت انه خفيف من الاخر هيقعد معاك سنه او اقل وتلاقيه فك لوحده .. وده هتلاقي منه نوعين واحد الرخيص اللي اغلب الناس لابساه هتلاقيه في المحلات العاديه زي مول طلعت حرب او كايرو مول اللي هي بتبقي تقليد ومكتوب عليه Vans او Polo او Tommy وده هيبقي في حدود 180 او 160 ... في نوع تاني اللي هو براند وده هيعيش اكتر بس مفيش اي فرق بينه وبين اللي هتجيبه ب 180 وده هتلاقيه في Jack and Jones او Pull and pear او Bershka ودول ليهم فروع في سيتي ستارز او مول العرب شوف الاقرب ليك وهتلاقي الكوتشي في رنج 350 او 400 بس بصراحه يستحق الفلوس
النوع التاني من الكوتشيات بيبقي اكبر ومش فلات يعني هتلاقي فيه لعب من تحت وده بيلبسه اكتر الشباب من سن 17 سنه لحد 20 ومش بيليق علي اي حاجه لانه كبير وده بردو نفس الكلام اللي فوق .. ممكن تجيبه من نفس المحلات اللي قلت عليها في المولات في سعر 180 لحد 200 وممكن تجيب حاجه محترمه من Reebok او Adidas هتلاقيهم في الاوتليت في رنج 300 او 400 و في العادي هتزيد 100 او 200
النوع التالت بقي اللي هو زي التمبر لاند و الكات اللي هو كبير جدا شخصيا انا مبحبهوش ..هو ليه ناسه برده .. بس طبعا ده اكتر نوع بيستحمل مطره بقي جري لعب تخبيط ولا هيفرق معاك بس بردو علي حسب .. هتجيبه التقليد اللي بيتباع ب 200 او 180 ج مش هيقعد معاك ولونه هيبهت وبيبقي باين عليه اصلا
في الكونفرس اللي هو في حته بيضا من قدام بس انا مش مستلطفه وهو موجود عند اي بقال :)
يا سلام يا جدع
ايه الغريب في كدة
طب ما في ناس استفسرت عن النظارات وناس تانية عن البنطلونات وعن البرفيوم (الي هو اصلا حاجة شخصية ولازم تشمها بنفسك) وناس عن الأكل
اشمعني يعني الكوتشي ؟؟؟
بالظبط كدة
انت لو بتلبس فورمال مش هتعرف الكاجوال
ولو لبسك كاجوال مش هتفهم في البدل والكلاسيك
1+
بس انا بقالي مايزيد عن ال12 سنة
ونفسي ومني عيني اشتري جينز وكوتشي وتيشيرتات بس للأسف ظروف شغلي بتمنعني اني البس بالشكل دة
شكرا ليك علي موضوعك
والله المستعان
،
،
من واقع خبرتى ف معظم انواع الكوتشيات لمده ما لايقل عن 8 سنين والحاجه الوحيده اللى بلبسها فى الشغل لمده 9 ساعات وبعدها ممكن اخرج بيها وافضل مستريح هيه كوتشيات Adidas او Reebok بتاعت ال Running / Training ..اللى هيه الكوتش بيبقى شبك ولكن عيبها انك لو محافظتش عليها الشبكه بتبوظ وانا استهلاكى لها تقيل واقل واحد قعد معايه ما لايقل عن 8 شهور
Timberland بصراحه حلوه بس انا شايف انها فى الكوتشيات مش عاليه اوى .. يعنى جزمها الكلاسيك فظيعه لكن غير كده الكوتشيات مش أوى .. وكمان الهدوم ال Hoodies بالذات بتوعها فظيع .
Nike جبته بصراحه بس مجبتش ال شبك بتاعه جبت موديل اسمه Nike Overplay IV .. ده بتاع Basket ball انا شبه مش بلبسه غير لو رايح حته فيها بهدله ركوب خيل مثلا . بيتش بجى .!! رايح خروجه فيها رمل وبهدله لانه دبابه لكن غير كده مش مريح ف الشغل خالص
صورته
http://www.stateside.co.uk/Admin/Pro...9063d39575.jpg
حلو السؤال دة
انا بقى عمري ماشتريت كوتشي .. و مش بفهم فيهم نهائي
وانا متابع الموضوع ...
مش مهم يكون الكوتشي ماركه عالميه او يعيش لأحفادي والاجيال القادمه :)
المهم يكون شكله شياكه وسمبل ومريح جداً .. ولما يبوظ ابقى اشتري غيره مش مشكله .. ماهو التغيير مطلوب بردو
وياريت نشوف صور بالموديلات والحجات اللي بتكلموا عنها .. علشان نشوف شكلها عامل ازاي
انا لقيت رد ليا من فتره كبيره جدا فى المنتدى ياريت تبقى تشوفوه
http://www.nilemotors.net/Nile/3873786395-post12.html
على فكره صوره الكوتشى اللى فى الموضوع ده هوه اللى لابسه لحد دلوقتى والله وزى الفل .. هوه بس رحت بيه سوق الجمعه امبارح ( انا مكنتش اعرف ايه سوق الجمعه ده واول مره اروحه ف حياتى واخر مره برضه لانه حاجه غير اداميه .. المهم رحت بيه واتنقر من على الجنب قدام ناحيه الصباع الصغير اتنقر نقره صغيره ) الطرق هناك اصلا زى الزباله والارضيه ترابيه وطوب تحس انك رحت الغيط !
دى صورته
http://picture.yatego.com/images/46e..._Duramo_3M.jpg
يعني كدى ال running shows هي احسن الأختيارات
وتحديدا اديداس ؟
طب متوسط الأسعار كام ؟؟
سواء من الوكيل
او من الأوتليت Factory Outlet
وهل في اديداس مضروب ؟؟
واعرفه ازاي ؟؟
والله المستعان
،
،
الشكر ليكم جميعاً
انا جبت الايداداس running اول ما لبسته مكنش مريح
بعدين ابتديت اتعود عليه
فيه صفارة بس ساعات فى المشى
جارى تحديد السبب والفحص
هيه ال Running انا مقولتش انها الاحسن من واقع خبرتى .. الاحسن دى ممكن تكون عند ناس معينه يعنى اللى تعيش أطول ! .. انا بالنسبالى الأحسن يعنى الاريح ويكون برضه عمره مش قصير ...
لكن انت لو عاوز الاطول عمرا ومش متعب برضه يبقى مش Running خالص لان ال Running بتاع جرى ف حتت نظيفه او مشواير نظيفه مثلا مفهاش بهدله وحتت مثلا كلها تراب وارض معفنه كده يعنى ..
لو عاوز حاجه الاطول عمرا يبقى عليك وعلى Adidas Originals وعندهم موديل مشهور أوى اسمه Adidas originals superstar ده أنا شايف انه من أقوى الكوتشيات اللى تستحمل الشغل الشاق من ا لاخر ولكنه بالنسبالى مش مريح اوى .. لكن مقارنه بنفس الفئه ف الكوتشيات العاديه المضروبه وكده فرق السماء عن الارض طبعا .
وطبعا برضه من الحاجات القويه جدا جدا Timberland موديلات ال Earthkeepers كلها
دى صورتهAdidas originals superstar :
http://195.154.158.1/uk/adidas/adida...2-trainers.jpg
عموما اللينك ده من موقع اديداس ا لاصلى ودى الصفحه بتاعت مصر اللى فيها ال Official stores اختار المدينه وهتلاقى الفروع الاصليه .. ومش معنى كده ان باقى المحلات الاديداس اللى فى مصر مضروبه .. فى توكيلات فى مصر ولكنها داخله مصر لوحدها كده يعنى صاحبها مثلا بيتعامل مع التوكيل بنفسه وبيجيب منه ( ده اللى اعرفه )
adidas STORE FINDER
طبعا فيه اديداس مضروب بس غالبا بره التوكيل
الاسعار ف ال Official stores من 350 جنيه وانت طالع
ف ال Factory outlet من 250 جنيه وانت طالع
انصحك تعمل اللى انا بعمله .. الكوتش اللى تشوفه مثلا هيكون عليه اسم موديل لو ناوى تشتريه ف ساعتها حاول تخش انترنت من موبايلك ودور على النت على الموديل وكده وشوف ايه الكلام
الف الف مبروك يا باشا وربنا يديك خيره ويكفيك شره .. صفاره كده تحسها وانت ماشى على ارضيه سيراميك صح ؟ دى حاجه عاديه انا بعتبرها فرامل ABS :up:
ياريت تقولنا اسم الموديل بتاعه :)
المفروض اديداس تدينى فلوس على الكلام اللى انا كاتبه ده :B4_444:
الصفاره دي فعلا زي الفرامل :) الكوتشي من تحت لو بصيت فيه هتلاقي طالع منه خطوط بشكل معين عشان متتزحلقش .. زي العربيه بالظبط :)
اي كوتشي اوريجنال لازم تسمع الصفارة دي وانت ماشي :-)
خاصة رخام وسيراميك عشان ما تتزحلقش
يوم الاحد الصبح وانا داخل الشركة شركة النضافة بتكون عملت جلي للرخام يوم السبت
ادخل الشركة اسمع احلي نغمات
انا لبسي كله جينزات وكوتشيات من سنين ولو كنت شوفت الموضوع من بدري كنت ساعدتك
بس بصراحة
الاوريجنال اوريجنال خاصة في اللي شايلك
حاجة كدة زي الفرق بين الفردة الوكهو والجي تي والفردة البريدجستون اليباني او الميشلان :-)
انت هتقولي ؟
انا اساسا بسأل ازاي اتفادي المضروب - لأني عارف اني هقابله هقابله
بس انا جمب بيتي factory outlet في فيصل
لما اشتري الجينز الأول هدخل واتفرج
ماهو مش معقولة هلبس كوتشي علي كلاسيك
والله انا مش بدور علي العمر الأفتراضي قد مانفسي فشئ مريح وشكله كويس
وانا طبيعي بحافظ علي حاجتي دة 1
الحاجة التانية اني مش هلبسه كتير لأن اساس لبسي كلاسيك
يعني بالكتير هلبسه كل جمعة ولا حاجة
انا اخر كوتشي اشتريته كان من حوالي 14 سنة ولسة عايش لحد دلوقتي وحتي كنت بلبسه ايام اللجان الشعبية
وعموما انا مش بمشي في اماكن معفنة
وان جيت للحق
مش المفروض اديداس الي تديك فلوس علي كلامك دة
المفروض الأدارة هي الي تديك وقف علي وصفك لشوارعنا المحروسة
ههههههههه
بهرج طبعا
انا بس هعمل تقرير مشاركة سيئة وهسيب التقدير للأدارة
1+
جايبه من اوتليت فيصل
275