شعار نيسان ال ع الشنطة ف الصني

**atlas_u** · 06-06-2008 04:15 PM

السلام عليكم

الحمد لله من كام يوم كنت راكن عند الشغل ف ارض الجولف - ش النزهة و نزلت لقيت و احد ابن ..... ((حلال)) خلع شعار نيسان ال ع شنطة الصني بتاعتي و خدو طبعا لا و المزيد من الدناوة و قلة الادب كان الوكيل (العوض) حاططلي شعارة برضو نيكل و شكلو نضيف برضو اتاخد مش فاهم لية.

- طبعا الحمد لله ع كل شيئ و انها جات ع الشعار و ما كملش ع الباقي.
- الميزة طبعا اني بقيت اعرف عربيتي من الف عربية راكنة ف الشارع(من غير شعار طبعا).
- كل ما تعدي قدامي صني و فيها العلامة ع الشنطة بحس ب شوية حقد(بهرج طبعا).
................
يا ريت ال يعرف ال شعار النيكل الاصلي ال ع الشنكة بتاعت الصني دا يتباع فين و بكام يفيد اخوكم المفجوع ؟؟؟؟؟ و لو موجود ف التوكيل و لا لاء.
.................
و شكراااااااا

**WalidAdel** · 06-06-2008 05:21 PM

هوه صراحه انا معرفش اذا كان موجود ولا لأ
بس بما انك بتروح ارض الجولف و كده تبقي من النواحي دي و ممكن تعدي علي توكيل نيسان اللي في الحجاز بعد بوني بيتي حتلاقي هناك معرض و مركز بيع ضقطع غيار نيسان ممكن تروح و تسال بس روح قبل الساعه 4 علشان بيقفلوا
و الله معك

**aadiab** · 07-07-2008 07:30 AM

الموضوع ده انتشر قوي " سرقه الشعارات" المشكله انه في كل العربيات مش بس النيسان ومش هتلاقيه في الحرفيين ولا مستعمل لازم جديد
انا مش عارف اللي بيسرقه بيبيعه فين .....بس موضوع سرقه الشعارات انتشر قوي بشكل تجاري ....انا حاسيس انه بيرجع المصنع تاني علشان العربيات الزيرو....هو ده الحل الوحيد

**zeyad1810** · 08-07-2008 05:18 PM

كويس انها جت ع العلامة بس
انت ريح بالك وسيبها كدة علشان الحرامى مايلاقيش شعار يسرقة :arghh:

**mohamed ibiza** · 08-07-2008 05:23 PM

هتتسرق تاني طالما الشكل عادي مش وحش يعني بلاش تحطه اسأل مجرب انا في الابيزا عندي سرقوا حرف s ادام بتاع الفابريقة في الدقي و جبت واحد و اتسرق تاني و جبت واحد تالت و لسه متسرقش بس عشان الشكل عندي وحش من غيرها انما لوعندك عادي كبر دماغك عشان دمك مينحرقش منهم

**amrtalaat** · 08-07-2008 05:40 PM

أنا فى الماتريكس الظاهلر إن الحرامى حاول يخلع كلمة ماتريكس وما عرفش لأن الكلمة مفرطة ومش متصلة إلا بخط رفيع تحت ...وبالتالى النتيجة كانت سرقة حرف ال M بس !!!!
وبقى عندى عربية atrix !!!!!

**atlas_u** · 11-07-2008 06:42 PM

السلام عليكم

ع فكرة يا شباب انا ركبت العلامة (NISSAN)ف التوكيل مع اخر صيانة و التكلفة:

- 90 جنية ثمن العلامة
- 15 جنية ثمن التركيب
.............................
105 الاجمالي

طبعا التكلفة غالية قوي ع حتة علامة بس بصراحة انا كسلت اضور عليها برة و معرفش كنت ها الاقيها و لا لاء و كانت ها تبقي بكام

وربنا يستر و ما تتسرقش تاني

**k0k0p0ps** · 07-08-2008 02:48 PM

انا ركبتها برضة ب 90 بس من غير مصنعية (السبع)

**l0new0lf** · 07-08-2008 03:27 PM

3awez te3raf el3alama bta3tak feen? erkab ay microbas hatla2e kol el3alamat 3ala etabloh
esawa2 beyede ay 3ayel fe share3 5gneeh we ykhaleh yekhla3lo ad 10-15 3alama