سيبك من الناس دي و خليك مع نفسك احسن و اللي يتكلم يتكلم و اللي يغتت احرجه و انا شخصيا بعمل كده
عرض للطباعة
سيبك من الناس دي و خليك مع نفسك احسن و اللي يتكلم يتكلم و اللي يغتت احرجه و انا شخصيا بعمل كده
وهو فى حد يتجوز فى الايام الجميلة الى احنا عايشنها دى؟؟؟
بس فى الاخر هتتجوز هتتجوز
نصيحة بقى منى اختار النت العروسة بدل ما هتتفرض عليك وكل سنه انت بتكبر فيها اختياراتك بتقل
بس طبعا صاحب الموضوع لسة 27 سنه فلسة الحياه حلوة قدامة
نفس الموضوع ونفس الحيرة،،،ربنا يرزقنا وإياك بالزوجة الصالحة
يارجالة.في واحدة صاحبة والدتي في الشغل.رشحتلها بنت قربيتها. وسابت لوالدتي صورتها.وانا شفت الصورة.البنت شكلها محترم جدا بصراحة وأمورة.والست قالت عنها اشعار!.المفروض ان في ميعاد زيارة يوم الاتنين اروح اشوفها.انا محرج جدا بصراحة. والحاجة مصممة اني اروح .
غير كدة مش عارف اخودلهم ايه وانا رايح!في ناس بتقول روح فاضي.وانا محرج اني ادخل فاضي كدة.
متاخدش بالصور وبعدين روح شوفها انت مش هتبقي خسران حاجة ادام والدتك واثقة فى صاحبتها وانت بتقول انها قريبة صاحبتها توكل على الله وروح ومفيش اكتر من المشاوير دى الواحد ياما راح وقابل وقبل ماتروح قول دعاء الاستخارة وربنا يرزقك بنت الحلال اللى تعفك وتصونك
والله مش عارف بس ممكن تاخد شيكولاتة او تورتة وشوف الزملاء هنا هقترحو عليك بايه وربنا يوفقك
عارف ربنا سهلهالك ليه
علشان مشدتش معاك على اكتوبر
يا باشا اتكل على الله
طالما البنت عجبتك و اخوها محترم و عجبك
يبقى استهبل عليه و قوله انك شفت بنت فى العماره لما كنت بتركب الفاميه و عجبتك و عايز تتقدملها
فا كنت عايز اعرف اصلها و فصلها
هيقولك دى اختى
قوله طب يلا انا عرفت اصلها و فصلها نقرا الفاتحيه بقا
بسم الله الرحمن الرحيم
و ربنا يتمم على خير ووعد منى يا باشا
لو جيت يوم خطوبتك هعملك زفه محلصتش
و هتشوف شقاوه مفيش بعد كده
مبروك مقدما و ان شاء الله تكمل على خير
ولو عندها اخت احجزهالى
^_^
تروح فاضي يا باشا و لما يحصل قبول إنشالله تجيب الدنيا كلها عن تجربة مع إبن عمتي أوعي تجيب حاجة علشان إحتمال كبير إن دي مش هاتكون أول مرة تروح تشوف فيها عروسة في البيت قدامك علي الأقل 10 مرات و لو كل مرة جيبت حاجة ب100 جنية و لا حاجة هايتخرب بيتك و لو جيبت حاجة و محصلش قبول هاتقعد تتحسر علي الحاجة اللي جبتها و تقول حار و نار في جتتهم فا ما فيش داعي أول مرة تروح فاضي بعد كدة لو حصل قبول و الدنيا تمام هات اللي إنت عايزة
خد معاك عليه شيكولاته محترمه
حتى لو البنت معجبتكش
لاكن انتا دخلت البيت لازم تخوش بقمتك
اعمل ايه انا دلوقتي طيب!. أخد حاجة وانا رايح ولا لأ.الرجالة معظمهم قال لأ وعادي انك تروح فاضي ومعظمهم قال خد حاجة معاك.اعمل ايه انا بقي.
خد حاجة معاك.مينفعش تدخل وايدك فاضية.
ما تروحش فاضي ..... علبة شيكولاتة محترمة من باشيونال .....
روح معاك شيكولاته
لو روحت فاضى بيتقال انك جاى تتسلى و لاثبات الجدية
حاجة بسيطة مش مكلفة دى لاول مرة
اهم حاجة البنت تطلع حلوة والناس يطلعوا طيبين.علشان انا مش ناقص صدمات.لأن البنت في الصورة شكلها حلو .مش عارف بقي علي الطبيعة هايبقي في ايه.
خد اي شي في المعقول ولو كان حتي طبق حلويات شرقيه من تسيباس او طبق جاهز من لابوار في حدود ٦٠ جنيه
والله ياسكرين انا حسبتها لقيت انك كدة كدة هاتتجوز فبدل ماتجوز عندي 30 سنة ولا اكتر يبقي اتجوز دلوقتي واخلص.لأن الجواز حاجة هاتحصل لأي واحد فينا عاجلا او اجلا.وحاليا سني داخل علي ال27. وعلي ماجهز نفسي وخطوبة وكدة يبقي 28 .ولا ايه رأيكم.
لا طبعا مش لوز لما يتجوز و وا عندو 30 سنه و بعد كده على ما يخلف و ابنو يبقى عندو 10 سنين هيبقى هوا عندو 40 سنه و بعد كده ابنو على ما يوصل 20 هيكون هوا بقى 50 سنه و ديه مشكله كبيييره لان الفرق الشاسع ده مخلي في مشاكل كتيييييييييير بتحصل بيني و بين والدي نتيجه اختلاف شاسع في الافكار مقارنه بصاحبي اللي ابوه متجوز و هوا عندو 22 سنه و بالتالي صاحبي لما وصل سن 20 سنه كان والده عندو42 و ده خلى في قرب في الافكار بينه و بين والده مقارنه بيا
و ربنا يسهلك يا كبير انا تعبتلك و الله
حتي الان في عروستين! ربنا يسهل وواحدة تعجبني فيهم.
ههههههههههههههههههههه انت كده عايز عروض جواز
مفيش حاجه اسمها لازم بعد 30
دي تختلف من واحد للتاني يعني في واحد تلاقيه عنده 20 سنه وراجل يستحمل مسئوليه وميسور ماديا بعض النظر الفلوس منه ولا من اهله وفي واحد تلاقيه عنده 30 سنه وختي لو مرتاح ماديا بس يقولك لاياعم دي مسئوليه وبتنجان وده اللي غالبا بيفضل يهرب من الجواز وعمره مابيبقي شخص مسئول ولما بيتجوز بيبقي جواز كله نكد وقرف
اخ I_am_Legend لو انت شايف نفسك قد الجواز وعايز تعف نفسك اتجوز وربنا يكرمك ان شاء الله بس خلي بالك الجواز ده رزق يعني ممكن ربنا يكرمك بواحده تعيشك في نعيم حتي لو مكنش حيلتك اللضي وممكن ربنا يبتليك بواحده نكرهك في الهواء اللي بتتنفسه وتفقرك ماديا ومعنويا
وعشان كده هتلاقي معظم الناس هنا بتقولك بلاش وبتاع وعيش حر عشان تصادف ان معظمهم متجوزين مصريات والمصريات مشهورين بحبهم للنكد والفشخره الكدابه وعدم تحمل المسئوليه وفهمهم للجواز علي الطريقه التركي
والمتهنين في جوازهم عمرهم ماهيتكلمو عشان هيخافو من الحسد وحط تحت الحسد دي تريليون خط
ياعم ابعد
ده مشروع اجتمــــــــــــاعي فاشــــــــــــــــــــــ ــل
وان كنت مصمم
يبقى شــــــــر لا بد منـــــــــــــــــــــــ ـــه
وقد اعذر من انذر
يارجالة انا رايح بكرة خلاص اشوف بنت ولا اعرفها ولا شوفتها قبل كدة! ربنا يسهلها بقي.
انا حصلي حاجة تموت من الضحك! اتصلت بالحلاق بتاعي امبارح ماكنش موجود! وكان لازم اظبط شعري ضروري جدا.رحت لحلاق تاني وحلقت! وياريتني ماحلقت!رحت الشركة النهاردة ويالهوي علي اللي حصل!
انا كنت حاسس ان في حاجة غلط في شعري!بس كنت منفض! اصحابي قالوا شعرك فيه عالي وواطي ومش مظبوط.اتصلت بالحلاق بتاعي.واخدت اذن من الشغل.وروحت له.ظبط الدنيا ورجعت كل حاجة تمام ومشيت مرتاح نفسيا.وربنا يستر بقي في مشوار بكرة دة. هاخدلهم جاتوة او شيكولاتة من قصر الاليزية في شبرا وخلاص.
صباح الخير يارجالة.ادعولي ربنا يوفقني.انا مقلق ومحرج اااخر حاجة. ويارب يطلع والد البنت لذيذ .ويكون بيفهم في العربيات. لأنة لو فتح معايا كلام في السياسة او الكورة .انا ولا اعرف اي حاجة عنهم اساسا.انا شكلي هاقعد ساكت احسن.
خليك علي طبيعتك
ربنا يسهل ياشريف ادعيلي البنت تطلع كويسة وعيلتها كويسة
روح وربنا يكرمك ويمكن تكون هيه صاحبة النصيب
انا رحت يارجالة ولسة راجع.الناس كويسين والبنت كويسة.بس انا مش عارف! ماحستهاش! وقلبي مادقش وماتشديتلهاش بصراحة.وباباها طلب رقمي. ومشيت وانا متضايق جدا لأني حاسس اني سببت جرح للبنت. انا لحد ما مشيت كان في ضحك وكدة والناس مرحبة جدا.بس انا ماحصلش بيني وبينها كيميا كدة. انا مخنوق قوي من نفسي.
و الله انت اللي بتخنق في نفسك و قربت تخنقني شخصيا هههههههههههههههههههه يا عم فكك بلا جواز بلا كلام فارغ
روح تاني وتالت ومش شرط يحصل قبول من اول مره
ياعم الجواز مش بالساهل زى مانت متخيل وخصوصا الايام دى بيبقو من بره هلله هلله ومن جوة يعلم الله فانت لازم تتعب امال عايز تتجوز واحدة وتامنها على مالك وعرضك واولادك ومتتعبش عقبال ماتلاقيها ربنا معاك