خـــبر حـــزين بشـأن معـــرض الفـــورميـــلا 28/3 الـقـادم

**Ahmed.TV** · 22-03-2012 01:10 AM

المشاركة الأصلية كتبت بواسطة zangry

الف شكر على الخبر

تسلم ياحبى

المشاركة الأصلية كتبت بواسطة me_medoo

بسم الله الرحمن الرحيم

بسمي وبأسم أعضاء تويوتا المحترمين ... ننقل لكم أشد تعازينا الحارة ... وأسفنا عن عدم تمكن شركة نيسان من التواجد في هذا المعرض ... ولكن أن غابت شمس نيسان عن المعرض فكلنا نيسان ... وسوف نقوم بوضع أكليل من الزهور بجوار قسم تويوتا ونكتب عليه نيسان ... ويكفي أن تكون نيسان في قلب كل رجل يدخل الى المعرض ... مع تحيات أبناء تويوتا الشقيقة اليابانية .

تسلم على شعورك الطيب .. وعلى كلامك العطر .. وحقيقى شرف وجودك معانا فى قسم نيسان وشرف حقيقى تقديرك الجميل ده

المشاركة الأصلية كتبت بواسطة mohdamin18

شكراً بس اكيد الجوك لو نزلت مش هتنزل موتور تربو ولا awd

لا طبعا مش حتنزل بماتور تربو
ده حتى الخليجى اللى هنا مش بماتور تربو

المشاركة الأصلية كتبت بواسطة ralliart

ازاي؟ المفروض ان نيسان تكون هي ماركة المرحلة الجاية لو عرفو يظبطوها بأسعار كويسة
يعني هما كانو بيشاركو ايام التيدا والصني ويوم ما ينزلو قاشقاي وجوك ينفضو!!
يا رب ما يتهبلو زي ميتسوبيشي وميسيبوش السوق للماركات اياها

السنة دى باذن الله والكام سنة حيكون عربيات نيسان منتشرة جدا .. بسبب القاشفاى الاتوماتيك والجوك والصنى الجديدة وكمان فى بعض السيارات الاخرى الجديدة مفاجاءة فى 2013 و2014
غير ان شاء الله مراكز الخدمة بتزيد
وكمان القسم عندنا بيكبر وحيزيد ههههههههه
فعلا السنين الجاية حتكون لنيسان باذن الله
وموضوع التواجد ده .. دى سياسة شركة واكيد فى اسباب .. صعبة ممكن اثرت علىا لتواجد
ويمكن يكون فى تغير ونسمع اى خبر يعكس كل الاتجاهات

المشاركة الأصلية كتبت بواسطة kareem fawzy

شكراً يا ابو حميد على الخبر مميز كالعادة

حبيبى يا كيمو .. تسلم ياحبى

المشاركة الأصلية كتبت بواسطة peaceman

شكرا يا احمد علي الاخبار الجديدة

العفو يا بوش بوش

المشاركة الأصلية كتبت بواسطة ahmed_rahem

خبر مش كويس امال هنروح نتفرج على اية؟

حتى لو كدا حنروح ونتجمع ونتفرج على باقى الماركات .. ونتفرج على اكسسورات السيارات ونشوف عروض الشركات
وكمان فى القريب حعملك مفاجاءة فى القسم تعوضكم عن المعرض باذن الله
بس لسه حرتب فيها مع التوكيل .. وقت ما يكون فى اتصال بينى وبينهم باذن الله
وان شاء الله خير

**Youssef.Awad** · 22-03-2012 02:06 AM

طبعا خسارة لكل محبى السيارات ورواد المعارض
بس فعلا السنة دى الوضع مختلف بسبب الاحداث ومهما يتعمل ويتصرف فيه مش هايجيب ثمنه خالص وخسارته هاتكون كبيرة بسبب التاجيل اكثر من مرة وهاتكون النتيجة النهائية ماسخة
عالعموم المعارض اخر 3 سنين فى مصر مستواها التنظيمى قل كتير عن زمان من 98-2008 وقتها تقريبا ما كنتش بافوت معرض لا فورميلا ولا اوتوماك .. مش عارف ليه مع ان عدد الموديلات زاد كتير عن الاول فى كل صانع

**Hossam_Zaky** · 22-03-2012 02:15 AM

خبر حزين بالنسبة لي لأني كنت منتظر أشوف الموديلات علي أرض الواقع بالقرب من بعضهم لأن ده بيسهل المقارنات بين أي موديل
لكن ده ميمنعش اني حروح برضه و أكيد لازم ننظم لقاء أو زيارة مع بعض في المنتدي

**Dr'AhmZZong** · 22-03-2012 01:18 PM

ياااااااااااااه يعني كده مش هنشوف ولا عربية جديدة في الفرمولا لنيسان !!!!!!!!!!!

عموما حصل خيييييير .. اللي خلانا نستنى 3 شهور نزود 3 تاني و إن شاء الله نلاقي الخبر اليقين ..

و كل تأخيرة و فيها خيرة ..

شكرا يا عم أحمد ..

**SonaSteel** · 22-03-2012 03:19 PM

تسلم يابو حميد علي الاخبار ديه ....... بس للاسف خبر مش ظريف
المفروض ديه سنة نيسان
كان هاينزل
الميكرا
والصني الجديدة
والجوك
والقشقاي
والناس تشوفهم علي الطبيعه وتقارنهم بالعربيات من الماركات التانية

والمفروض حتي لو عليهم نسبة خسارة مش مشكلة بس ده قصاد الانتشار
افضل دعاية لاي منتج الانتشار والتواجد ........ واتمني انهم يعدلوا عن رأيهم بصراحة
والله المستعان

المشاركة الأصلية كتبت بواسطة y2y1500

طبعا خسارة لكل محبى السيارات ورواد المعارض
بس فعلا السنة دى الوضع مختلف بسبب الاحداث ومهما يتعمل ويتصرف فيه مش هايجيب ثمنه خالص وخسارته هاتكون كبيرة بسبب التاجيل اكثر من مرة وهاتكون النتيجة النهائية ماسخة
عالعموم المعارض اخر 3 سنين فى مصر مستواها التنظيمى قل كتير عن زمان من 98-2008 وقتها تقريبا ما كنتش بافوت معرض لا فورميلا ولا اوتوماك .. مش عارف ليه مع ان عدد الموديلات زاد كتير عن الاول فى كل صانع

صدقت والله يا يوسف ..... الانتربلد السنة الي فاتت كان يعععع يعني
والمعارض كلها
اخر معرض تبع الشركة عندنا محدش عبر المعرض اصلا
وكتبت كده في الشكاوي ان مفيش اهتمام بالمعارض خالص
وربنا يصلح الحال يارب العالمين