دكنور يلحقني بسرعة ويطمنى

**theking2690** · 25-03-2012 09:22 AM

المشاركة الأصلية كتبت بواسطة sasa44

السلام عليكم ورحمة الله وبركاته
انا هدخل فى الموضوع علطول
انا من حوالي شهر واسبوع عربية خبطتنى على الطريق ورجلي اتكسرت
التشخيص المبدأي كان كسر فى عظمة الشظية وتمزق فى اربطة الكاحل والركبة
ومن ساعتها عملولي جبيرة من عند الانكل لحد الفخد تقريبا يعني رجلي كلها
ولسه فاكك الجبيرة النهاردة وكانت الصدمة
رجلي مورمة جدا من عند الانكل ومش قادر اثنى ركبتي خالص
الدكتور قالي ده طبيعي علشان بقالها 5 اسابيع مش بتتحرك
وادانى دواين واحد اسمه دافلون والتانى امبيزيم وقالي طول ما انت فى البيت 24 ساعة فى ال 24 ساعة تبقي رافع رجليك على مخده عالية شوية والورم هيروح لوحده
الصراحة انا مقلق من الدكتور ده ومش مطمن
وثانيا لما برفع رجلي على المخده واجي انزلها علشان ادخل الحمام بلاقيها بتحمر قوي
واحس ان الدم كله جري عليها
انا طبعا مش بقدر احمل عليها انا بمشي على عجاز
ياريت اي دكتور يطمني علشان انا مرعوب من شكل رجلي

هو قالك تعمل علاج طبيعى و لا لأ بص هو الورم و كل حاجه بتقول عليها طبيعى بعد الجبس عاوزك بس ترفع رجلك كتير على مخده وانت عامل كده تحرك كعب رجلك كأنك بتدوس بنزين و تسيب و واحده واحده الدنيا هتفك معاك وبرضه تحاول تعمل حركات رجلك الطبيعيه من ثنى و فرد هتكون مؤلمه شويه بس حاول تعملها بس هو الاصح انك كنت تعمل علاج طبيعى ده بيحسن الموضوع بطريقه اسرع

**sasa44** · 25-03-2012 10:19 AM

المشاركة الأصلية كتبت بواسطة theking2690

هو قالك تعمل علاج طبيعى و لا لأ بص هو الورم و كل حاجه بتقول عليها طبيعى بعد الجبس عاوزك بس ترفع رجلك كتير على مخده وانت عامل كده تحرك كعب رجلك كأنك بتدوس بنزين و تسيب و واحده واحده الدنيا هتفك معاك وبرضه تحاول تعمل حركات رجلك الطبيعيه من ثنى و فرد هتكون مؤلمه شويه بس حاول تعملها بس هو الاصح انك كنت تعمل علاج طبيعى ده بيحسن الموضوع بطريقه اسرع

لأ بصراحة هو مقاليش على العلاج الطبيعي خالص قالى خلال اسبوعين هتبقي كويس وقالي زي حضرتك كده ارفع رجلي على مخدة واحرك الرجل والكعب
بس المشكلة اني لما بحاول اتنى ركبتي بحس بألم فى نص الركبة بالظبط من فوق
وفيه حاجه تانية مخوفانى انى لما بنزل رجلي على الارض بلاقيها بتحمر جدا جدا وبحس الدم كلي جري فيها وشكلها بيبقي غريب...........
سؤال اخير : انا ازاي اعرف ان اربطة الركبة سليمة او فيها حاجه وانا فى البيت من غير ما اعمل اشعة رنين

**theking2690** · 26-03-2012 01:46 PM

بص هو ده فيديو بشرح اختبارات الفحص بتاعت الركبه لو انت مش قادر تروح لدكتور ممكن تتفرج عليه و تحاول تفهمه و تخلى حد يعملهولك بص الصراحه انا مش بفضل كده خالص لأن لازم اللى يعمل الموضوع ده يكون فاهم و عارف هو بيعمل ايه و عارف هو مستنى يشوف ايه ف الافضل لو انت شاكك فى حاجه انك تروح للدكتور Ligament Instability Test - Knee Physical Examination - Dr. Tony Jabbour - YouTube

**sasa44** · 26-03-2012 04:11 PM

المشاركة الأصلية كتبت بواسطة theking2690

بص هو ده فيديو بشرح اختبارات الفحص بتاعت الركبه لو انت مش قادر تروح لدكتور ممكن تتفرج عليه و تحاول تفهمه و تخلى حد يعملهولك بص الصراحه انا مش بفضل كده خالص لأن لازم اللى يعمل الموضوع ده يكون فاهم و عارف هو بيعمل ايه و عارف هو مستنى يشوف ايه ف الافضل لو انت شاكك فى حاجه انك تروح للدكتور

الف شكر يا باشا على الرد
وانا ان شاء الله هروح للدكتور فعلا افضل