السلام عليكم
.
إشمعنى إحنا يعني
في إطار ..تعديل وتظبيط عفشة مصر
وتركيب مقصات جديد..وتغيير المساعدين
عاوز من الإخوة الصيادلة
نبدأ حملة على الفيس
لتطبيق نظام الصيدلة الإكلينيكة
علشان نشتغل زي العالم الأول مابيشتغل
تشخيص المرض..إختصاص الطبيب
تحديد نوع الدوا..والجرعة .. إختصاص الصيدلي
الوضع ده لو إتطبق
له إيجابيات كتير
1. الصيدلي هيخلص من وضعه الحالي كبياع للدوا
2. مهنة الصيدلة .. هتبقا قاصرة على الصيادلة فقط ..بمعنى ان الصيدلية لازم هيكون فيها صيدلي
3.القضاء تماما ونهائيا..على قصة النواقص والبدايل
يعني الصيدلي يكون حر يطلع المادة الفعالة المناسبة..لأي شركة
ماتتخيلوش المآسي الي بنشوفها من قصة البديل لنفس المادة الفعالة دي
4. تقليل إسلوب الدعاية الرخيصة لمنتجات بعينها ..والعنيات والهدايا والتجارة بصحة المريض.من قبل الغير شرفاء
5. هيكون التنافس بين الشركات..على تقديم أفضل نوع دوا..وبالسعر المناسب للمريض
سلبياته
... ممكن صيدلي يطلع البديل الأغلى ..
دي لها حل لما المريض يعرف إن قدامه أكتر من إختيار لنفس المادة الفعالة
والموضوع يكون مقنن
بمعنى
مثلا يعني
الأدوية المحتوية للباراسيتامول(مثلا) يكون حيز سعرها مابين 5-10 ج
يعني حتى لو الصيدلي عاوز يفتري .. مايقدرش
علشان لو افترى..هيفتري في جنيه او اتنين جنيه فرق السعر
مش هيكون كبير
والمريض من حقه انه يختار الأرخص..أو الأغلى
.
الوضع مقرف
ماديا
ومعنويا
الصيدلي في مصر
مالهوش قيمة خالص
.