الى كل من قام بالتجربة

**zahy** · 21-03-2012 09:30 PM

الى كل من قام بتجربة انواع الزيوت لل byd نرجوا الافادة عن افضل انواع الزيوت بالتجربة الفعلية وما الفرق بينها وبين الزيوت الموجودة فى الاسواق واماكن توزيعها واسعارها علما بانى سالت فى توكيل القطامية وقالوا ان الزيت الموجود عندهم هوا من افضل الزيوت الموجودة وشكرا للاعضاء الكرام

**drpeter** · 21-03-2012 09:57 PM

موبيل وان ليس من افضل الزيوت بل اردئها

**rti** · 22-03-2012 02:34 AM

افضل الزيوت ليكوي مولي و اللينك بتاعه موجود على الموقع هنا فى الاعلانات اعلى الصفحة وهتلاقي كل التفاصيل

**lonedoctor** · 22-03-2012 05:10 AM

زيت شل الجركن الاصفر الصراحة فرق كتير معايا واظن الجركن الرمادى افضل بس صعب على اخلى الزيت 10000 كيلو فى السيارة

**aha3020** · 22-03-2012 03:42 PM

عن تجربة:
انا جربت زيت ليكوى مولى hI TECH
تمنة 250 جنية 0 بس انا حاسيت ان صوت الموتور على شوية هوة بيتغير بعد 15000 كيلو لكن انا هاغيرة بعد 10000 كيلو وهاجرب زيت فالفولين انا قريت عنة هنا ف نايل موتورز كمان فية رقم موحد لما بتتصل بية بتجيلك عربية الخدمة تغيرلك الزيت وتجيبلك الزيت المناسب لعربيتك0
ياريت لو حد جربة يقولنا رأية فية

**zahy** · 22-03-2012 05:25 PM

شكرا للاعضاء المتميزين ولكن وضعتم الاختيار بين ثلاث انواع شل الاصفر او الرمادى 2- ليكوى مولى 3- زيت فالفولين هل هناك من جربهم او جرب اثنين منهم يعطينا رايه ولماذا من جرب اليكوى مولى بيقول ان صوت المحرك ارتفع هل لان الزيت ليس على المستوى المطلوب ز وشكرا لكل من اعطى رايه وتجربته فى هذا الموضوع ولكن هذة الاراء والتجارب تفيد الكل وهذا هو المطلوب من المنتدى

**adel418** · 23-03-2012 02:07 AM

انا كمان استخدمت ليكوى مولى ولاحظت فعلا فى ساعتها ان صوت الموتور اصبح اعلى من الأول لكنى قلت لنفسى ان دا ممكن يكون بيتهيألى خاصة انى سمعت من الأخوة الأعضاء هنا انة بيوطى صوت الموتور بس بعد مشاركة حضرتك اتاكدت فعلا ان الصوى بيعلى مع زيت لوكى مولى ومش عارف اذا كان دا عيب فية ولا دا طبيعى

**lonedoctor** · 23-03-2012 01:53 PM

نفس المشكلة لما حطيت زيت فيسكو لما قرات شكر الناس فيه ومعاه اضافة اسمها ايزى او شئ زى كدة اشتريتها ب 100 من الوكيل فى القطامية وللاسف كنت راجع من اسكندرية بعد صيانة 10000 كيلو والسيارة صوتها سئ جدا ومرتفع وبعد سرعة 120 ك/س اعوذ بالله جرار زراعى اول ما وصلت القاهرة طلعت على بنزينة شل اللى جنب البيت عندى ورميت الزيت ده وحطيت شل الاصفر---توبة ان كنت اغيره بصراحة فرق السما من الارض
نصيحة لا فالفولين ولا غيره خليك فى شل وبس ---ثانيا السيارة دى موتورها بيستخدم زيت من جيل sg وطالع حسب ما هو مذكور فى المانوال بتاع السيارة وبالتالى الزيوت التخليقية الغالية دى مالهاش لازمة والتجربة اثبتت ارتفاع صوت المحرك معها
تقبلوا تحياتى

**lonedoctor** · 23-03-2012 02:07 PM

بالمناسبة يا استاذ زاهى انا اعرف انه معاك موديل g3 ؟انا اعرف انه الموديل ده الموتور فيها تصميم مختلف عن f3 ياترى فيه عندك نفس المشكلة فى ارتفاع صوت المحرك ولا ايه؟

**drpeter** · 24-03-2012 11:36 AM

استاذ لونى دكتور ياريت تقولى حضرتك بتستخدم شل ايه بالضبط
علشان اجربه بعد اذنك
واناى استغربت ان في ناس قالت ان الليكوى مولى بيعلى صوت الموتور وهو عكس ما قاله بعض اساتذتنا انه له تاثير سحرى على الماتور وانخفاض صوته