أنتهاء عرض درش لظبط الزوايا والترصيص والنيتروجين

**Nader** · 07-06-2008 03:06 PM

يا جماعة الناس اللي مش عاجبها النظام والادارة

اكرم لهم يسيبوا المكان اللي مش عاجبهم،، مفيش

حد هيلومهم، بالعكس دة اكرم لهم، اية اللي جابرهم

على المشاركة والاستمرار؟!!

اية اللي خلاهم يشتركوا اصلاً في المنتدى ويوافقوا

على شروط المنتدى قبل التسجيل؟!!.

في منتديات تانية مفيهاش ادارة اصلاً،، وبينتقدوا

نايل موتورز، انا بدعوا اي حد مش عاجبة المنتدى

وهو مشاركاتة محصلتش 100 ولا 200 مشاركة

دة غير اللي لسة تحت الـ50 مشاركة!! انا بدعوهم

للاشتراك في المنتديات التانية اللي فاتحة مخصوص

لانتقاد نايل موتورز لانهم مش عاجبهم الادارة برضة

ومثبتين مواضيع مخصوص لكدة،، دة طبعاً بيعكس

نجاح منتدنانا نايل موتورز لانة لو مش ناجح مكانش

حد هيهتم بة او يغير منة مثلاً.

اللي مش عاجبة المنتدى ورجع في كلامة بعد ما وافق

على اتفاقية يسجيل العضوية ببساطة يقفل المنتدى

واكم لة ميدخلش علية تاني علشان ميزعلش نفسة.

اما بالنسبة للاخ الفاضل درش فانا بلومة لعدم ابلاغ

الاعضاء بموعد انتهاء العرض قبل انتهائة فعلياً.

وبخصوص الاعلانات التجارية فلها شروطها التي تسري

على الجميع، فقسم البيع والشراء مفتوح للجميع لبيع

وشراء مسلزماتهم اما السلع والخدمات التجارية فيجب

ان تكون عن طريق التنسيق مع الادارة كاي مكان محترم

تسري فية قواعد تحكمة وتنظمة.

المنتدى دة لو مكانش فية قواعد تضمن التعامل السوي

والمحترم بين اعضائة وتنمي بينهم مشاعر الصداقة

والاخوة مكانش نجح وكل يوم اعضائة بيكتروا عن اليوم

اللي قبلة،،، اما الاقلية الشاذة عن الجماعة بالكل بينكرهم

ويتجنبهم. والدليل على نجاح النظام الاداري الحالي هو

تعاون الاعضاء نفسهم في توجية الاعضاء الجدد منهم

ونصحهم بالالتزام بالقواعد وتنبيهم اذا خالفوا، دة غير

تقارير المشاركات اللي الكل بيبعتها احساساً منة بالمسؤلية

تجاة بيتة التاني نايل موتورز

**Dr Ahmed** · 07-06-2008 03:22 PM

يا أستاذ أحمد
فيه عضو عامل إشتراك جديد مخصوص علشان ينقد الإدارة .. ليه مشاركتين بس نقد فقط .. تسمى دا إيه؟
ثانيا : عمر ما حد هيختلف معاك فى حرية النقد - لكنها لا تعنى حرية التجريح..
يعنى بصراحة نقدك للإدارة كان أسلوبه غير جيد بالمرة وكان رد الإدارة عليك طبيعى

يعنى لو عايز تنقد انقد .. كلنا بننقد .. لكن خلى كلامك موضوعى
إنما داخل تقول لهم يا دكتاتورية يا مخجلين يا معتقلين يا أسوأ ما فى المنتدى يا يا !! إيه ده؟ نقد ده؟؟

**ahmad3330** · 07-06-2008 03:35 PM

عندك حق انا زودتها حبتين
بس للأسف عشان انا بحب هذا المنتدى واريد له ان يتطور
اصل انا عندي حساسية من شيء اسمه الكبت من ساعة ما جيت مصر و هي كلها خنقة وزحمة و ما فيش حرية وتخاف تكتب كلمة كدا ولا كدا عشان ما تروحش السجن
انا صحابي اللي في الفايس بوك اللي بيشتركوا في اضراب او حاجة بعملهوم دليت على طول
على فكرة 1- درش غلطان 100% انا لا ادافع عنه اطلاقا
2- انا مشترك بقالي اكتر من سنة وباتابع المنتدى اسبوعيا

**Nader** · 07-06-2008 03:36 PM

المشاركة الأصلية كتبت بواسطة ahmad3330

انا المنتدى عاجبني جدا بس الادارة هي اللي مش عاجباني
و لو الادارة مش عايزاني تتفضل تفصل عضويتي انا مش حازعل اطلاقا
مادام مفيش حرية ابداء الرأي

يا سيد احمد، لو المنتدى نال اعجابك

ونويت المشاركة فية بفاعلية واكيد

المفروض ان مشاركاتك مش هتتعدى

حدود اللياقة والزوق العام، فاية المشكلة؟؟

كدة الادارة ملهاش حاجة عندك،، لا ضرر ولا ضرار.

ولا عند اي حد ملتزم، ثم ان حتى الان مشاركاتك و

احتكاكاتك بالادارة لاتذكر لانك مازلت عضو جديد

حتى لم تتخطى الخمسين مشاركة، لو انت فعلاً

حابب انك تكون في مكان محترم والكل فية بيحترم

الاخر فانت نفسك اللي هتقف بجانب الادارة والمنتدى

وتوجة اعضائة الجدد من نفسك.

**جمال** · 07-06-2008 04:07 PM

بصراحة الادارة ليها حق
انا من الاول كنت مستهجن توقيع الاخ درش اللى هوة عبارة عن اعلان شكله كان مش ظريف

**MMamdouh** · 07-06-2008 05:01 PM

يا جدعان لازم ناخد الامور بهدوء و عقل...

1- اعتقد لازم العروض لمقدمة من اى مؤسسة لاعضاء المنتدى تبقى مكتوبة وواضحة الشروط و المدة عشان منع اى لبس زى ما حصل مع درش.. هو اتفق مع هانى بايو على سنة بس مكنش مكتوب فى اى مكان (على الاقل فى اى جزء من المنتدى انا قريتة) ان الاتفاق سنة و بالتالى دة ادى الى الوضع الحالى... كمان موضوع الاعلان عشان العرض و القصص دى مع بعضيها ساعدت على نشوء الخلاف... القصة محتاجة شوية تنظيم بسيط و تنتهى كل المشاكل... القصة لا اتطهاض ولا عند و لا حد بيكرة حد.. عمرنا فى نايل موتورز ما كرهنا بعض ولا حيجى اليوم دة.. شوية تنظيم نحل كل مشاكلنا يا جماعة

2- اى عضو بيشترك فى المنتدى بيوافق على الشروط و القواعد بتاعتة... اللى عندة اعتراض على بند او اكتر يكتب فى الشكاوى و يناقش الادارة فى مطالبة بشكل محترم لانالمداخلات من عيار "الادارة مستبدة" و "مفيش ديمقراطية" و الكلام دة مياكلش عيش ولا طريقة ناس محترمة فى المناقشة... عنك اعتراض سجلة فى قسم الشكاوى و الاقتراحات و ناقش الادارة بموضوعية و يا تقنعم يا يقنعوك

3- عدم ظهور المديرين بشخصهم ميفرقش حاجة معانا... فى الاخر هو فرد من الادارة بيمثل المنتدى و بالتالى لما يمضى الادارة 3 او فلان الفلانى مش حتفرق... غالبا اللى بتفرق معاة بيكون شخص عايز يعمل قفلة مع شخص بعينة... المديرين و المشرفين ممثلين للمنتدى و اى حوار بينا و بينهم ليس له علاقة بصفاتهم الشخصية و بالتالى اظهار او اخفاء شخصيتهم ميفرقش معانا حاجة

4- الناس اللى بتطالب الادارة بانها تلغى عضويتهم... طيب ليه و ايه الحكمة؟ لو انت مش عاجبك المنتدى سيبة... ليه عايز الادارة تلغيلك عضويتك؟ الادارة عايزة تحافظ على المنتدى كمكان لتبادل المعلومات و التواصل بين الاعضاء و بالتالى مينفعش الادارة تلغى عضويتك لانها يهمها انك تبقى عضو... الا اذا واحد تعدى حدودة بزيادة و بقى مضر للمنتدى و بالتالى ازالتة من عضوية المنتدى تصبح حتمية و ضرورية

يا جماعة احنا حياتنا مليانة مشاكل و خلافات خلقة و مش ناقصة نفتح على نفسنا فتحات بدون داعى... معتقدش حد فينا لما داس على "موافق" فى شروط المنتدى لما كان بيسجل عضويتة لاول مرة كان بيفكر انه يجى عشان يعمل مشاكل او يتخانق... كلنا عايزين نستفيد و نتواصل... يبقى نركز على كدة و نبعد عن كل ما يثير المشاكل

درش: رسالة صغيرة للادارة بقرب انتهاء العرض بتاعك كانت تلافت كل القصة دى... صح؟ انا معاك انك اتفقت مع هانى و كدة بس معلش... خليها عليك المرادى و ابعت مش حتخسر حاجة... و طالما هدفك خدمة المنتدى يبقى مش حتبخل عليهم برسالة :)

الادارة: ممكن نكتبف فى مكان ما تفاصيل كل عرض بياخدة اعضاء المنتدى زى مدة العرض و نسبة الخصم و السلع/الخدمات اللى داخلة فى العرض عشان كل عضو يبقى عارف راسة من رجلية و ايه اللى بيستفيد منة و لحد امتى؟؟

شكرا حلينا المشكلة... و ربنا يجعلها اخر المشاكل

MMamdouh

**Karim_Monir** · 07-06-2008 10:05 PM

المشاركة الأصلية كتبت بواسطة Maged.Sarwat

الأحترام لأهل الأحترام يا كريم

وانا ماعرفش حد من الإدارة غاللي أنت بتدافع عنها دي لان كل واحد فيهم مستخبي ورا رقم وهمي رقم لا دلالة له اللهم إلا إن دل فهو يدل على أن الإدارة تتخفى وراء أرقام وهمية (إدارة 1 وإدارة2 ومعرفش أيه) بصراحه أسلوب التخفي بتاع الإدارة الغريب ده أنا عمري ما شوفته في أي منتدى محترم أبدا

ولحد دلوقتي ماظهرش حد من الإدارة إللي انت ببتكلم عليها دي مافيش غير واحد مستخبي ورا رقم 3 فوق وبس

============
يرجى من العضو الكريم
عدم التعليق على كيفية ادارة الإدارة للمنتدى
حيث انه لا يسمح بذلك على سبيل النقد
وانما يقبل على سبيل الأقتراح في ساحة الاقتراحات
وهذا مخالف للقوانين المنتدى
وشكرا

الإدارة 3

لتاني بخاطبك رسمي واقوللك يا استاذ ماجد
انا ماشلتش التكليف بيني وبينك ومش سامحلك انك تشيل التكليف
لما انت داخل تشتم في ادارة المنتدي اللي انا منها عايزني اتقبل كلامك ازاي
الادارة 3 بترد لانه المشرف المخصص للرد في هذا المكان
ودي اداريات ماتخصكش
دول اعضاء خدوا الاشراف خدمة لوجة الله واصرارك على معرفتهم مش هايكون غير لانتقاد شخصهم
وليس لانتقاد الادارة موضوعا
اما عن المنتدي فهو محترم سواء شئت ام ابيت
واذا كانت مش محترم سيادتك قاعد فيه ليه

-

-

الموضوع: أنتهاء عرض درش لظبط الزوايا والترصيص والنيتروجين

LinkBack

أدوات الموضوع

عرض

-

-

-

-

-

-

المواضيع المتشابهه

بكام تكلفة ظبط الزوايا والترصيص؟

احسن مكان لظبط الزوايا لاوكتافيا

استفسار عن ظبط الزوايا والترصيص؟!!

انتهاء عرض مركز درش لظبط الزوايا

الكلمات الدلالية لهذا الموضوع

المفضلات

المفضلات

ضوابط المشاركة