استشارة ميكانيكية

**mona_881** · 22-03-2012 12:18 AM

السلام عليكم ورحمة الله كل سنة وكل أمهات الأخوة الأعضاء الكرام بخير
أرجو المساعدة باستشارتكم عندي العربية بتبقي ماشية علي الهادي كويس علي الاول والتاني تمام ولما باجي ازود السرعة وانقل علي التالت بحس انها مخنوقة لمده ثانيتين او تلاته مثلا وبعدين فجأة تتعدل والسرعة تزيد وتبتدي تسحب

أرجو الافادة علشان اختكم معلوماتها الميكانيكية علي قدها وشكرا

**ibnelfared** · 22-03-2012 12:33 AM

والله أعلم دى بوجيهات

**Eng_hatemfathy** · 22-03-2012 12:37 AM

حضرتك الموضوع ده ليه اكثر من سبب ممكن
أعتقد ان عربية حضرتك انجكشن-لو صح هتحتاج الكشف على البوبينه وسلك البوجيهات وطلمبة البنزين ولو العربيه على اسبراتير الكترونى هيحتاج الكشف عليه وعلى البوبينه وسلك البوجيهات وايضا طلمبة البنزين
اعتقد العيب هيكون محصور فى المنطقة دى وحضرتك التوكيل هيوفر على حضرتك اللف على الميكانيكية والتغيير العشوائى على مبدأ التجريه والخطأ -اى يوم فى نص الاسبوع بيكون الضغط خفيف والشغل هادى وربنا يعينك وياريت تطمنينا

**MEKAWY2000** · 22-03-2012 01:52 PM

متابع

**mona_881** · 22-03-2012 06:19 PM

السيارة كاربرتير مو 2008 مصري

**MEKAWY2000** · 22-03-2012 10:06 PM

السياره الكار برتير
لوحصل فيها العيب ده هو تقصير فى تغديه البنزين ممكن يكون من الطرمبه وغالبا من بيك السرعه فى الكاربرتير اماالكهرباء فى السياره تعمل برجله فى السحب واكتر شئ هو الكوندنسر فى كلا الحالتين راجعى الميكانيكى فى الكهرباء فقط اما لو كاراربرتير يبقى ورشه متخصصه فى الكاربرتير