الموضوع: حساس الشكمان طلع بايز :(

المشاركة الأصلية كتبت بواسطة amr_adel00

بعد ما حت العربيه على الجهاز,, قالى انت عندك حساس الشكمان بايز,, و فك سلك كده تقريبا بتاع الحساس و فضل يجرب بسلك معاه و يلمسه فى السلك بتاع الحساس و بعد كده قالى انت عندك حساس الشكمان بايز و محتاج يتغيير..

حساس الشكمان لما بيكون سليم بتلاقي قراءته متغييره بين لحظه والتانيه , يعني مره تلاقي القراءه 800 ومره 300 ومره 500 وهكذا
ولو بايظ تلاقي القراءه بتاعته شبه ثابته , او مجال التغيير قليل , يعني تلاقيها ثابته على 380 مثلا ولما تزيد تلاقيها 400 , وترجع تاني
حضرتك بقا شوفت حاجه من الكلام ده بعنيك ؟؟؟؟؟ للتأكد فقط مش اكتر

المشاركة الأصلية كتبت بواسطة amr_adel00

1- هو حساس الشكمان يخلى العربيه مخنوقه و مش بتسحب كويس ؟؟ و خصوصا فى الطلعات ولا الحساس ده ملوش دعوه بالخنقه اللى بتحصل عندى ؟؟

ايوه لو بايظ يقلل من سحب العربيه ويخنقها

المشاركة الأصلية كتبت بواسطة amr_adel00

2-حساس الشكمان له علاقه بالتاخير فى الدواره ولا ملوش علاقه ؟؟

اعتقد لا , وممكن ننتظر الزملاء يأكدولنا المعلومه

المشاركة الأصلية كتبت بواسطة amr_adel00

3-حساس الشكمان يخلى العربيه تستهلك بنزين كتيير ولا ملوش دعوه ؟؟

طبعااااااااااااااااااً يزود الإستهلااااااك

المشاركة الأصلية كتبت بواسطة amr_adel00

4-اخيرا تنصحونى اجيب حساس جديد ولا استيراد ؟؟ و لما اغير حساس الشكمان هل فى اى خطوات بعملها زى مثلا الايدل ليرن ؟؟ وان وجد ممكن التوضيح بعنايه..

والله الافضل انك تجيب حساس جديد , بس يمكن تلاقيه حاليا غالى (اظن في حدود 350 جنيه) ولو هاتجيبه استيراد ممكن يعمله 100 جنيه تقريبا , ومفيش اي اجراء بيتعمل غير انك المفروض تحط العربيه على الاسكانر تاني وتشوف (بعنيك) قراءة الحساس
(هتلاقي على الاسكانر قراءات كتيره من ضمنها واحد مكتوب عليه O2 Sensor - هو ده الحساس)

انصحك بتصفح الموضوع ده
http://www.nilemotors.net/Nile/109552-a.html

المشاركة الأصلية كتبت بواسطة tarek_2005

القراءات بتاعة حساس الشكمان بتبقي كما يلي

عفول أستاذ طارق دى مواصفات الربط على المسامير

أو الحساسات لكن قراءة الحساس على الاسكانر بتتراوح بين 100 - 1000 مللى فولت

باستمرار يعنى متغيرة دايما زى مأ قال محمد الشامى

دى قراءات حساسات اللانوس

المشاركة الأصلية كتبت بواسطة mitsukero

استاذ محمد الشامي

بجد انا قريت كل كلمة في الرد و انا مليش دعوة بالموضوع بس الرد مفصل و عجبني جدا جدا

ربنا يبارك فيك

ربنا يبارك في حضرتك وكلك ذوق والله :)

المشاركة الأصلية كتبت بواسطة mahmoudbadr

قراءة الحساس على الاسكانر بتتراوح بين 100 - 1000 مللى فولت

+1