مبارك عليك العربية الجديدة ربنا يبارك لك فيها يارب
بس مش فاهم يعنى ايه "وظيفته الاساسيه انه بيشتغل لما العربيه بتدور فقط" :)
عرض للطباعة
مبارك عليك العربية الجديدة ربنا يبارك لك فيها يارب
بس مش فاهم يعنى ايه "وظيفته الاساسيه انه بيشتغل لما العربيه بتدور فقط" :)
طيب ان جماعة انا دلوقتى جبت جهاز الانذار اللى هوا
SPY 2-way 5000
ياريت لو حد فيكم يعرف كهربائى كويس يرشحه ليا علشان اركب عنده
والف شكر على تعبكم معايا
بص ياباشا اي كهربائي شاطر عادي هيركبه لو انت مجرب حد معين ركبه عنده عادي جدا ومتخافش من حاجه السيريون طلعت عربيه عاديه خالص لا تقلق :)
استاذ byma
انا بصراحة مجربتش اى كهربائى مع العربية لان الحمد لله محصلش معايا اى مشاكل في الكهربا
هيه الفكرة على حسب أراء الناس فيه صنايعى شغله نضيف في التعامل مع الضفيرة
وكمان جهاز الانذار محتاج واحد شاطر شوية علشان يشغل كل امكانياته بس ديه الفكرة
والف شكر على اهتمامك
ها يا جماعة حد عنده رد عليا
على ايه بالظبط يا أكرم
استاذ ابو عبد الله
اخبار حضرتك ايه
اولا يا استاذنا انا اسمى احمد كارم مش اكرم اليوسر نيم بتاعى akarem يعنى a for ahmed
وبعد كده karem
ثانيا انا ركبت خلاص جهاز الانذار كنت بسأل على واحد كهربائى شاطر لكن محدش رشحلى حد معين و الردود اتأخرت قوى على عكس عهدى بالمنتدى فركبت عند واحد بتاع انذار اصلا والحمد لله ركب كويس
بس مارديش يركب وحده مانع الدوران اللى بتخلى العربية ماتدورش لما اكون قافل العربية بالانذار قالى العربية بتاعتك فيها كنترول وساعات ممكن يعلق مع جهاز الانذار
ولو حصل كده هتضطر تروح التوكيل قالى بتحصل كتير مع العربيات الصينى قولت له يا عم ديه عربية يابانى قالى براحتك عاوز تركبها اركبها لك بس انا عامل عليك انت
فالصراحة قلقت قولت له خلاص هسال في الحكاية ديه ولو مافيش حاجه هبقى اعدى عليك تركبها لى
الجهاز جميل بس شايلين منه وحدة الميكرووايف اللى بتحس باى حركة جنب العربية في فترة 15 ثانية تقوم عامله صوت
وطبعا محتاج يكون فيه مكنة رفع علشان لو سيبت الازاز مفتوح يقوم قافل لوحده
يعنى الجهاز عموما حلو وبرضه جبت قفل دركسيون مع الجهاز يعنى الواحد بياخد بالاسباب وربنا هو الحافظ
لو حد عنده رأى في حكاية مانع الدروان ديه يقولى فيه مشاكل والا عادى اروح اركبها
وربنا يحفظنا حميعا ويحفظ عربياتنا
والف شكر ليكم جميعا
لسه مركبين ابو 900 فى التوكيل اللى هو بتاع التريوس بيركب على فيش العربيه ومفيش فى اي امكانيه اعتقد ب500 جنيه ممكن تركب جهاز بره افضل مليار مره
ايوه يا استاذ احمد ما انا ركبت خلاص جهاز اللى هوا spy two-way 5000
ب 450 جنيه بالتركيب كمان
بينى وبينك انا مصدقت العربية خلصت فترة الضمان وقولت انطلق بقى
الجهاز الحمد لله ركب كويس بس زى ماقولت في الرد اللى فات الراجل قلقنى من حكاية تركيب مانع الدوران ده فقولت اسال هنا الاول