الموضوع: سيارة مصرية بثمن اقل من 45 الف جنية

مفيش غير كلمتين بس يتقالوا : افلح ان صدق

كلامه بيفكرنى بكلام الراجل اللى سبقه (رئيس شركة النصر للسيارات فى اوائل التسعينيات المهندس عادل جزارين) حين بشر الشعب المصرى بإنتاج سياره اقتصاديه تحل ازمه المرور فى مصر و بسعر خرافى و كانت النتيجه هى انتاج ميكروباص الترامكو و سيارات الشاهين ...

المفروض يفكروا العربيات اللي بيستوردوها و اللي ناويين يصنعوها (هاتتركن فين و تمشي فين ؟؟؟ )
ده الموتوسيكلات مش لاقية مكان يا راجل تمشي فيه ؟

و هايجيبوا بنزين منين للعربيات دي ؟؟؟؟ أذا كان احنا دلوقتي بنستورد بنزين و الشعب ما شاء الله أرانــــــــب بيخلف بسرعة الصاروخ

المفروض التركيز يتم على بناء قطارات لربط كافة أنحاء القاهرة و الأسكندرية و بقية المدن يهتموا بالمواصلات العامة و تحسينها و القضاء على سواقين الميكروباظات الحاليين (99 % أخلاق مفيش ) .

عربيات زيادة ....... أرجوكم لاءة و أرجوكم ما ترخصوش أسعار العربيات .... البلد ما بقاش فيها خرم أبرة

في اليابان مفيش ترخيص بيطلع إلا لما صاحب العربية يوفر مكان دائم للركن عند التقدم لشراء سيارة جديدة.

أحنا بجد ممكن نركز على صناعة الأوتوبيسات و تطويرها و صناعة القطارات (هانستفيد جامد ) .

المشاركة الأصلية كتبت بواسطة Elawany13

[img2]http://img823.imageshack.us/img823/7766/22197050.jpg[/img2]

المشاركة الأصلية كتبت بواسطة shaddadfalcon1

مصر كده كده بيدخلها لاف العربيات كل سنه ويمكن توصل لمئات الالاف كمان يعني مش تصنيع العربيه اللي هيبوظ الدنيا

وبعدين الزحمه في القاهره وحتت من الأسكندريه بس ودش مشكلتها مش في العربيات مشكلتها ان الناس تبطل تتكدس في مكان واحد

أنا برضه أتكلمت على اللي بنستورده
مش اللي ناويين نصنعه بس يا أستاذ شادا فالكون

المفروض يفكروا العربيات اللي بيستوردوها و اللي ناويين يصنعوها (هاتتركن فين و تمشي فين ؟؟؟ )

و تعالى نفرض أن مشاكل الركنة و السير في شوارع القاهرة و الأسكندرية أتحلت (و ده صعب في ظل الفساد اللي موجود )
بس هانفترض أن كل المشاكل دي أتحلت

هانحل مشكلة الوقود أزاي ؟؟؟

أحنا كل يوم بنزيد بأعداد كبيرة و اللي مُكتشف من البترول في مصر مش بيكفي الأنتاج المحلي و كدا كدا البترول من المنتجات الغير متجددة
يبقى الصح نفكر في وسائل المواصلات الجماعية كوسيلة فعالة للقضاء على الزحام في الشوارع و لتوفير البنزين و كمان هاتحافظ على البيئة لأن القطارات على سبيل المثال بتسير بالكهرباء
و ممكن الكهرباء توليدها من الغاز - الطاقة الشمسية - طاقة الرياح و فيه وسائل تانية كنا درسناها زمان في الكيمياء و لكن لا أحد يقوم على ذكرها و لأني غير متخصص هاتكلم على اللي أعرفه بس .

دي مش مشكلة مصر بس ........ دي تقريبا مشكلة العالم كله بأستثناء الدولة الغنية في أنتاج البترول زي الخليج و روسيا و أمريكا و بعض دول أمريكا الجنوبية و بعض الدول الأفريقية الغنية بالأنتاج زي نيجيريا .

أنا مش بحجر على الناس يكون عندها عربيات و لكن المفروض أستخدام العربية يقتصر على الضروريات و السفريات بس .
إنما التنقل داخل المدن و الذهاب للعمل يوميا .... لايد من أستخدام المواصلات الجماعية .
تخيل معايا عربية ميكروباص مش ميكروباظ (اللي موجود دلوقتي ميكروباظ علشان اللي سايقه أبن *&^%#$# )
فيها 16 أو 15 بني آدم ..... و نفس الحجم تقريبا سيارة عادية ملاكي تحمل شخص واحد فقط لا غير (أغلب الأوقات )
يبقى أيهما أفضل ؟؟؟؟
دي وجهة نظري اللي أقصدها