عرض للطباعة
موضوع بصراحة ولا اروع فى تنسيقه
وكمان طريقة توضيح مكان التركيب .. تحفة بصراحة
تسلم ايدك بجد
بس انا شاكك فى موضوع ان الفلتر ده اصلى .. لان ممكن الاستيكر اللى عليه بيتلزق عادى والحاجات دى بتضرب
الفلتر فى التوكيل الاصلى او فى محلات قطع الغيار المعتمدة لنيسان بيتباع ب 180 تقريبا
قول لو كان اصلى فعلا .. وشايل منه الضريبة والذى منه .. يبقا مثلا 150 او 120 زى تمن التايوانى
قووول 100 جنيه .ز لكن مش يابانى اصلى اصلى ب70 جنيه .. !!
الموضوع فى انة .. وزتونة مش عارفه ..
بس متفهمش كلامى عليك فى حاجة او غلط .. انا قصدى على اللى باع
وممكن يكون يابانى .. بس شركات .. زى ما كان معايا البولو مثلا واشتريت بلى عجل المانى .. وكان سعره 120 جنيه .. والاصلى الاصلى الالمانى من فولكس فاجن كان معدى 250 جنيه على ما تذكر
فممكن يكون كدا
بس على العموم كدا كدا تسلم ايدك بجد .. وفعلا زى ما انت قولت ووضحت ان بيتغير كل 20 الف .. وممكن مثلا ده يتغير كل 15 الف ..
بصراحة عجبنى تصويرك جدا .. واضح وهايل ومبين جدا طريقة الفك والتركيب .. بسم الله ماشاء الله عليك
حيتضاف فى الفهرس
تحياتى ليك علىا لمجهود الرائع
تسلم ايدك تقرير جميل ومبروك على الفلتر
أهلآ بيك أستاذ أحمد
أشكرك على المشاركة بالتعليق و أضافة الموضوع الى الفهرس
أتمنى أكون فعلآ قدرت أفيد الأعضاء الكرام
هو فعلآ ممكن يكون شركة يابانيه منتجة قطع غيار لنيسان
بس بالنسبة للفلاتر اللى شفتها و بصراحه شوفت كتير دة أنظف و أفضل حاجة شوفتها
و بعد ما الاستاذ zoz111 لفت نظرى أنة كان كاتب عن المحل دورت على الموضوع لقيت مشاركة ده
فواضح أن المحل بيبيعه بسعر من 70 الى 100 جنية
تحياتى و أحترامى لشخصكم الفاضل
النتيجة بعد يومين من أستخدام الفلتر
مفيش تأثير على قوة دفع الهواء أو درجة التبريد
الروائح أختفت من العربية حتى مع فتح دوره الهواء
الحمد لله النتيجة مرضيه جدآ
:F_eyeb1[1]:
النتيجة بعد 3 أسابيع من تركيب الفلتر
لا تأثير لقوة دفع الهواء
و لكن الروائح السيئة لسة بيظهر فى التكيف بشكل مستفز
أعتقد أن الروائح دة سببها مشكلة فى التكيف نفسة و ليست مشكلة فلتر
فى حد عندة هذة المشكلة و هل وجد حل لها
السربنتينه الداخليه لازم تتنظف من بره بس المضوع ده صعب عايز حد يكون فكها أقبل كده
خرطوم الميه بتاعة التكيف أتأكد أنه سالك لأنه ممكن يوكون بجمع الميه وبتعمل ريحه
والله أعلم
كونت بعمل الصيانة من كام يوم ل 35 الف كيلو
و بلغت التوكيل بالمشكلة
كشف على التكيف و قال ان مفيش اى مشكلة فى التكيف
بس عمل عملية ريفريش للفريون التكيف
و حتى الأن لا يوجد أى رائحة