تاني مرة الأتراك يقلبوا الهزيمة إنتصار ....يا تري حيصمدوا في الأدوار الجاية .....نفسي بصراحة :)
عرض للطباعة
تاني مرة الأتراك يقلبوا الهزيمة إنتصار ....يا تري حيصمدوا في الأدوار الجاية .....نفسي بصراحة :)
تركيا حتلاعب كرواتيا .....و ألمانيا حتلاعب البرتغال .....تكسير عظم يعني :boxing_smiley:
اكيد طبعا تكسير عظام .. لأن البرتغال مش هتسيب عضماية سليمة في المانيا :chris:
البرتغال و ألمانيا حيبقى نهائي مبكر ....لحد دلوقت ألمانيا مستواها غير مقنع تماما.....أنا كمان مع البرتغال في الماتش ده :coool:
على فكرة أنا كنت بشجع ألمانيا لحد ما رحت ألمانيا .....فرانكفورت و بعديها بكام سنة برلين .....من ساعتها و أنا بكره ألمانيا و الألمان :ANSmile23:
ههههههههههههههههههههههههه
ليه بس ؟ ايه السبب ؟
صحيح انا شفت ماتش انهاردة و هما كسبوا بالعافية
و المانيا مش فريق مقنع و انشاء الله البرتغال تطحنه
انا النهائي اللي نفسي اشوفه في النهائي انشاء الله .. البرتغال و هولندا :chris: و اتفرج يا ريس عالطحن و الرعب في الملعب
محمود باشا ...و أنا صغير كنت بحب ألمانيا جدا ....لدرجة أني عيطت لما أتهزمت من ايطاليا في نهائي كاس العالم ٨٢ .....صورة الشعب الألماني كشعب مجد و منظم ساعدت في كده ....المعجزة الألمانية بعد الحرب العالمية التانية كمان كنت معجب بيها جدا .....بالاضافة الى عداء الالمان التاريخي لليهود
لما رحت المانيا الصورة اتغيرت تماما مثلا العداء لليهود ده كان جزء من عنصرية الألمان ضد الأعراق الأخرى ....بما فيهم حاليا المسلمين و العرب و الأقلية التركية في ألمانيا
كمان انطباعي عن الألمان في الزيارتين كان وحش .... شعب مفتقد للذوق و وقح و كمية الفجور في الأباحية غير معقول (طبع شعوب دول وسط أوروبا )
اللي زود الأحساس ده المقارنة ....لما رحت فرنكفورت كنت رايح اليابان ....شتان الفرق بين الشعبين .......برلين كنت جاي من باريس ....فرق السما من الأرض ......إيه ده أنا لييه قلبتها جد كده .....خلينا في الكورة يا باشا:)
يا جدعان الماتش اللي هيبقى ماتش هيبقى بين افضل الفرق في اوروبا والعالم اجمع وهو ماتش ايطاليا وفرنسا ده اللي هيبقى ماتش من اكتر من ناحية اولا كلا الفرقتين عندهم امل ان هولندا تفوز على رومانيا فوز وليس تعادل
اتنين لازم ايطاليا او فرنسا تفوز وذلك بعد خسارة رومانيا
يلا ان شاء الله ايطاليا هاتفوز على فرنسا ما خلاص راحت عليهم بعد ما مشي زيدان وهنري ما بقاش زي الاول
ان شاء الله ايطاليا هاتخش تاني