اللى تركيا عملته فى الناس المانيا طلعتوا عليهم المانيا تفوز فى الدقيقة 90 و الله عندك حق أخر 5 دقايق بالماتش كله مبروك لمشجعى المانيا و هارد لك لتركيا
http://www.postimage.org/aV13AmMr.jpg
عرض للطباعة
اللى تركيا عملته فى الناس المانيا طلعتوا عليهم المانيا تفوز فى الدقيقة 90 و الله عندك حق أخر 5 دقايق بالماتش كله مبروك لمشجعى المانيا و هارد لك لتركيا
http://www.postimage.org/aV13AmMr.jpg
ألمانيا تستحق ...... جوووو جيرمانى !!!
تركيا كانت بتعلب احسن , و الجون الاخير دة مكنش لة اى لازمة
انا عارف ان فيه ناس كتير زعلانة على تركيا بس الكبير كبير برده يدوبك الالمان جابو التلات تجوان و مشيوا
بجد بجد ...برافو تركيا ...عملوا اللي عليهم و زيادة
على فكرة زاي ما قلت قبل كده..... أنا كنت بشجع ألمانيا و أنا صغير .....بس بطلت لما زرت ألمانيا و اتعاملت مع الألمان ....
في النهائي أنا مع أسبانيا أو حتى روسيا :)
يا دكتور شيكو .. ملهاش علاقة بالتعامل مع الألمان و كده ... ملناش دعوة بالشعب كويس ولا متعصب ... ممكن الشوية اللى إتعاملت معاهم هما اللى وحشين يا سيدى ...
فريق ألمانيا بيلعب حلو و معندهوش كوسة خالص فى اللعب ... بالعكس فنيات الفريق عالية جداً و اللعيبة محترفة.
طبعاً تركيا كانت رائعة إلنهاردة .... بس خبرة ألمانيا كان ليها دور كبير .. و تركيا كانت قريبة من الفوز جداً ... بس زى ما قلنا فرق السن يحكم.
meza باشا ...ازيك يا باشا عاش من سمع صوتك بقالي كتير ما شفتش مشاركات ليك ...على فكرة أنا في معظم الأحيان باوفقك في الرأي:)
بص يا سيدي أنا زرت ألمانيا مرتين مش مرة وحدة ...رأيي شخصي بحت طبعا و يمكن يكون غير موضوعي كمان ...لكن المأخذ مش مجرد تعصب ...لا عنصرية صريحة و موجهة لينا ....مسلمين و عرب ....كان صعب جدا أتغاضي عنها بالرغم انها لم تمسني شخصيا
أداء الماكينات الألمانية كان سبب أساسي اني كنت بشجع ألمانيا زمان ......دلوقتي مش قادر افصل بين مشاعري و شغفي بمتابعة كرة القدم
على العموم أسبانيا كانت اختياري الثاني بعد تركيا من الأول و
:) Go Spain
عزيزى الدكتور شيكو ... صدقنى ما شغلنيش عنكم غير الإمتحانات ... و زى ما حضرتك عارف ... سنة تالتة أصعب سنة .. و الحمد لله عدت.
طبعاً رأيك له كل الإحترام ... بس بصراحة أنا إلنهاردة عجبنى قوى اللعب بتاع ألمانيا ... فتلاقينى ميال ليها شوية .. لكن على فكرة مش هو ده الفريق اللى كنت بشجعه من أول البطولة ... زى ما تقول كده هو ميل مؤقت ... يعنى لو أسبانيا لعبت أحسن ... هشجعها ... هى ماشية معايا حسب الماتش يعنى .. :D
ماشي يا meza باشا ..مبدأ كل ماتش و ليه ظروفه يعني :).... أو كي ....
سنة تالته ديه كانت أسوأ سنة في الكلية أيامي ..واضح انها ما تغيرتش كتير ....بالتوفيق إن شاء الله في كل اللي جاي
تركيا بجد ليها الشرف و هي خارجة من البطولة
شوفوا بتلعب من غير كام لعيب اساسي
و الناس كلها كانت متوقعة إن المانيا هتلعب بيها شمال يمين
تقوم تركيا تبدأ بالتهديف و تحرج المانيا و تقع في أخر دقيقة
فعلا برافو تركيا و هارد لاك
انا برده هشجع أي فريق ضد ألمانيا .. و انا حابب روسيا و اسبانيا
روسيا الفريق جديد و جامد اوي الصراحة
و اسبانيا توريس و فابريجاس و كاسياس ! ناس من الأخر يعني
كفاية توريس