ياجماعه القشقاي فئه و الاكستريل فئه تانيه اعلى منها وبالنسبه للكيلومتر 30000 ماتعتبرش حاجه لو استعمال نضيف اما السعر فمش هافتي فيه و شكرا
ياجماعه القشقاي فئه و الاكستريل فئه تانيه اعلى منها وبالنسبه للكيلومتر 30000 ماتعتبرش حاجه لو استعمال نضيف اما السعر فمش هافتي فيه و شكرا
شكرا يارجالة وماهو دة الى بتكلم فى على ما اعتقد ان انها دفع رباعى
انا شايف القشقاى حاجة ودى حاجة
انت كلامك مظبوط جدا و الاعضاء اللي دخلوا كلامهم مظبوط جدا جدا لكن انا شخصيا بتكلم من ناحية ان عربية شكلها تحفة و اثبتت نفسها في المانيوال و اللي اشتراها بيشكر فيها
و طبعا دي فئة و دي فئة تانيه
و انا شخصيا لو معايا 250000 جنيه برده هشتري القشقاي لأن بصراحة الاكس تريل اللي بتنزل في مصر غير اللي بره مصر من داخل العربية بالذات .. حاجه تانيه خالص
حضرتك شايف ان احتياجاتك اكتر بالنسبة للاكس تريل يبقي الف الف مبروك عليك يا باشا بس لازم تكشف عليها برده في التوكيل عندك اوتوايجيبت توكيل محترم و هيديك تقرير مفصل و طمنا عليك و الف مبروك مقدما
اولا الاكس تريل جديدة ب225 الف جنيه وممكن اجبهالك ب220 الف كمان .. فكدا نازل من تمنها 45 الف مش 70 الف جنيه .. فالسعر ده العادى مش لقطة زى ما الناس وضحوا ..
وطبعا القاشقاى حتكون افضل الا لو كان شغلك وطلبك من العربية انك تستخدم الدفع الرباعى
قبل اى حاجة .. حدد من العربية .. انت عايز منها ايه .. وحتفيدك فى ايه
ان مكنش شغلك والطرق اللى بتمشى فيها عالى وواطى ومدقات وصحراء والذى منه .. يبقا اكس تريل
وهى دى اللى حتفيدك
غير كدا يبقا ابعد عن الاكس تريل وخاليك فى القاشقاى .. ليه بقا :-
عشان القاشقاى 1600 سى سى مش 2500 سى سى يعنى استهلاك بنزين اوفر والضريبة بتعتها اوفر كمان فى الترخيص انت بتتكلم فى حوالى فى السنة 6000 جنيه ضربية
تانى حاجة القاشقاى عربية برستيج شكلا وموضوعا عن الاكس تريل من جوة ومن بره
القاشقاى حتنتشر اكتر الفترة الجاية وحيتوافر قطع غيار ليها اكتر من الاكس تريل ..
الاكس تريل قليل ما بشوفها ماشية كتير .. لان العربية دى ليها استعمال خاص
الاكس تريل تقفيل مصرى .. والقاشقاى تقفيل انجليزى طبعاااا
القاشقاى حتكون جديدة فى السوق وكمان جديدة معاك زيرو وحتفرح بيها اول فى اول ركوبة لما تكون انت المالك الاول .. وده بيكون ليها مذاق تانى
والقاشقاى مش مبنى للمجهول .. القاشقاى مبنى للمعلوم جدا واسالوا بره فى اوروبا عاملة ازاى ومكسرة الدنيا
بس ده رائى المتواضع
واتمنى انك تلاقى فيه الافادة باذن الله
تمام ياحمد باشا بس القشقاى قالو ليا الاستلام خلال اربع او خمس اشهر
ثانيا انا مش معايا عربية دلوقتى
والعربية دى سى سى بتاعها عالى زاى ماهو عيب فى البنزين والضريبة بردة متعة
والعربيه الصراحة شوفتها حاسيس انها زيرو
فيها اوبش كتير فيها دى فى دى جديد الوحدو فى ب 5000 كنود
انا حاسيس انى واخدها اكتر من تمنها ب 5 او 7 الف
كمان انا وصلت لسعر 175 الف
بس الميزة الى فيها الكيلو متر بتاعها
بس المشكلة انا عايز اكشف فى اتو اجيب مركز الخدمة بس مش عارف هوما هيرضو من غير حجز ولاة لازم حجز
السلام عليكم
بالظبط زي ما الاعضاء حبايبي وضحوا ليك ... وانا شايف ردهم معظمه في جانب انك ممكن تجيب عربية زيرو بالمبلغ ده و نيسان برده وياباني و تقفيل انجليزي ومبيعاتها في اروربا بارقام ممتازة جدا جدا ماشاء الله ... واسمك اول مالك ليها
وانا ضد المستعمل تماما الا لو صيانات العربية كلها بالفواتير والضمان مش هاتتعبك.
بس هي دفع امامي مش خلفي ورباعي زي الاكس تريل ..... ومش معني انها تقفيل مصري يبقي عيب
لا ابدا والله ...... انا قعدت فيها اتبسطت .... وليها شخصية مختلفة و الدفع الرباعي مش اي حد بيحتاجه
بس عربية دفع رباعي و بالمبلغ ده وتقريبا لسه زيرو .... اعتقد ممكن تفكر فيها وتشوف مثيلاتها علي اي موقع بيع سيارات وتشوف في رينج كام
واطلع علي التوكيل طبعا وشوف تاريخها ايه واكشف عليها كويس
بس زي ما احمد قال ديه 2500 و القشقاي 1600 سي سي
فاعمل حساب البنزين والضريبة برده
--------------
انت لو مش فارقه معاك الدفع الرباعي ..... بص علي القشقاي وماتورها جديد وفتيسها اللي بينزل في الموراتو و شيك جدا والسقف الباونراما عامل شغل ممتاز جدا وبريستسج عالي ماشاء الله
وشوفت لون النهارده ليها ...... انا ماشي والعربية بلون ده اقتنعت بيها 100% من لون بس
لون بني-موف حاجة كده ........ اشيك بكتير كشكل من الاكس تريل
وطبعا طبعا متنساش الاستخارة وربنا ييسرلك كل خير يارب العالمين :))
الاكس ترايل عربية جميلة وماشية في مصر ومش رخيصة كمان المهم حالة العربية واعتقد انها ان شاء الله جديدة لانها عربية ماشية 30000 كيلو
تصحيح بس يا فندم للمعلومه: الاكس تريل ب ٢٢١٠٠٠ اليومين دول بعد الخصم ( كانت ب ٢٢٥ الف قبل الخصم و عمرها ما كانت ب ٢٥٠ الف من ساعه ما نزلت).
- العربيه جر رباعى
- تقفيل مصرى
- القشقاى متجر به بره و الريفيوهات عنها كويسه قوى كامان و اعتماديه فيعنى مش مبنى للمجهول قوى و العربيه تقفيل انجليزى لكن دفع امامى فقط فهى حاجه و الاكس تريل حاجه تانيه و برضه انت بتقارن كمان كسر زيرو ب زيرو و حسب اختياراتك تقدر تقرر انت عايز ايه
هو العربيه اللى حضرتك بتقول عليها اعتقد ١٧٥ الف ده كويس عليها زى ما هى و لو عايز حاله احسن كان فى واحده موديل ٢٠١٠ ماشيه ٢٠ الف و كان مطلوب فيها ١٩٠ سعر مبدأى بس اعتقد تخلص على اقل من كده .
الخلاصه شوف احتياجاتك يعنى عايز جر رباعى فى استخدامك و لا مش اشكال و عايز زيرو و لا لَا و برضه الشكل الخارجى و الداخلى و بعدين انا مستغرب هو حضرتك مش اشتريت e90 ؟ انا فاكر انى باركتلك عليها قريب يعنى ليه ماشى من غير عربيه؟
يبقا توكل على الله يا حبى .. طالما مقتنع .. لان ده اهم شئ
احنا بنقولك على كل حاجة هنا بالعقل .. وانت بتوزن الامور حسب احتياجاتك الشخصية
اوتو ايجيبت فى ابورواش .. اول ما تنزل من نزلة المحور طريق مصر اسكندرية .. امسك اليمين وهدى اوى .. حتلاقى يافطة على الطريق .. مكتوب عليها نيسان اوتو ايجيبت .. تدخل بعدها يمين
تمشى حوالى 2 كيلو تقريبا حتلاقيهم
بس العربية شوف بتعمل صيانة فين .. واخر تاريخ صيانة واكشف عليها فى المكان اللى كانت بتعمل فيه افضل وخاليهم كمان يوروك الهستورى بتعها
ده رائ
اكشف عليها كويس في توكيل أوتوا اجيبت في أبو رواش ..
لو العربيا طلعت تمام .. توكل على الله و هاتها .. عربية ممتازة ..
مبروك مقدمااااااااا ..
تحياتي لحضرتك و نورت القسم ..