فاكرين يا شباب العربية البيجو ال 405 الى ايران كانت بتصنعها كانوا مسمينها روعة (اسم جميل فعلا)
انا داخل الموضوع بدور علي تصميمات الراجل اللي كاتب الكلام اللي فوق دا :)اقتباس:
ان شاء الله تشوفوا تصميمين جداد من عندي بس انا دلوقتي في الشغل
لما ارجع البت هاسحبهم اسكانر وتشوفوا وتقولوا رأيكم
واحشني يا شريف و الله
و يالا فرجنا تصميماتك الجديده .
............
شكرا لتوضيحك الرسم يا ايمن :)
فعلا كان اسم جميل وكان فيه عربية اسمها سمند واعتقد ان الاسم ده فارسى ولو ان غلط ياريت حد يصحح
وممكن نسمى الموديلات بارقام مهمة فى تاريخنا زى 73 نسبا الى حرب اكتوبر أو 19 نسبا لثورة 1919
بس ياريت الدولة فعلا تبدا فى التفكير حتى فى انتاج سيارة مصرية لان انتاج سيارة هيعمل هوية ومكانة لبلدنا اللى مش فالحة الا فى غير تصدير الشيشة والمواد الخام والعقول والكفاءات المصرية والتى أثبتت نجاحها فى الخارج وقادرة لاثباتها فى الداخل
طيب دلوقتى ياجماعة لوحد يعرف موقع لتحميل الصور كويس يقولى عليه عشان ارفع التصميمات على المنتدى لأن موقع العملاق مش بيفتح معايا تقريبا عندهم مشكلة
مساء الخير على احلى وأجمل شباب أحسن منتدى ( :
معلش اتأخرت عليكم شوية
أسيبكم بقى مع التصميمات اللى انا كنت بارسمها هواية كده وخلاص ونفسى فى يوم من الأيام نلاقيها على أرض الواقع ونفتخر بيها كسيارة مصرية وأعرف انى ماضيعتش وقت رسمها على الفاضى
دى اول عربية :
http://www6.0zz0.com/2008/06/10/18/319947511.jpg
ودى ثانى عربية :
http://www6.0zz0.com/2008/06/10/18/880909264.jpg
ودى ثالث عربية :
http://www6.0zz0.com/2008/06/10/18/291414335.jpg
ودى العربية الأخيرة وكفاية كده عشان ماحدش يزهق ( :
http://www6.0zz0.com/2008/06/10/18/405662261.jpg
دول عينة من التصميمات اللى كنت بارسمها وانا فى الكلية وبعد ماخلصت كلية كمان
كل مالاقى نفسي فاضى او متضايق اروح عامل تصميم جديد لأى عربية من دماغى
وطبعا اللى هيسرق التصميمات دى ويبعتها لأى شركة ويقول ان هو اللى عملها ان شاء الله ربنا مش هيكرمه ابدا وهياخد جزاء السرقة يوم القيامة
طبعا هتقولوا طب انت ليه مابعتش حاجة ؟ لأى شركة
الاجابة هى انى ضعيف فى اللغة الانجليزية شوية ومش هعرف اشرح اى حاجة فى التصميم اللى عملته
اتمنى ان الصور تعجبكم ( :
ـــــــــــــــــــــــــ ـــــــــــــــــــــــــ ـــــــــــــــــــــــــ ــ
شريف الخولى
التصميمات جميله بجد ياشريف بس اعتقد ان المواتير المنسبه للتصميمات دى مش اقل من 2000cc عشان حجم العربيه حيبقي كبير
موضوع مشجع و يا سلام لو بقى رسمى أو تحت إشراف الإدارة