سبلهم دينهم ولا عملوا اى حاجة !
[overline]معلش الموضوع ده من اشد الموضيع اللى هنتحاسب عليها قدام ربنا
القصة امبارح ركب المترو الساعة 6 زحمة جدا جدا بسبب اضراب هيئة النقل
وحد ركب من محطة غمرة قعد يشتم ابشع الالفاظ فى شاب وبنت نزلين عشان الشاب كان حميها من كمية البشر اللى بتركب وهما نزلين فضل يشتم فيهم وفى البلد وفى الثورة ليه متعرفش وكل اللى بيعملوا اللى حوليه انهم بيهدوه الحيوان ده وحد بيقوله اسكت بقى عشان الناس
رده عليه
سب دين الناس كلهم باعلى صوت
رد الناس
ولا حاجة عادى جدا وكله حط وشه فى الارض ولا كانه دينهم
بصرحة انا ممسكتش نفسى مع انه كان عند باب وانا عند باب تانى
رديت عليه باعلى صوت عندى قولتله انت ياللى بتسب دين الناس احترم نفسك بدل ممسح بك الارض
تخيلوا رده بدل مكان عامل فيها عنتر وبيسب ويلعن اختفى بين الناس ومفتحش بقء بكلمة وحدة
وصمت تام فى العربية مع انها زحمة جدا وبيبصولى زى مكون انا الفاتح !
اقسم بالله كنت مستنيله كلمة وحدة وحدة بس وفعلا كنت هرحله وامسح بيه الارض واسويه بيه
القصة مش دى بس القصة اكبر من كده بكتير
سب الدين بقى زى صباح الخير فى الشعب اللى مليان عاهات ده انتاج 30 سنة من التخلف والجهل بكل حاجة الا البلطجة والاباحة
نزعل اوى ونقول نقاطع ونشجب وندين لما كافر فى هولندا يحرق المصحف وصور المسئ وفى الاخر مش بنعمل حاجة اتارى العيب فينا احنا احنا اللى بنسب دينا ونسمعوه بيتسب ونسكت ونقول حسابه عند ربنا ربنا هيحسبه وهيحسبنا عشان سمعنا دينه بيتسب وسكتنا
لما عيل صغير بيسمع سب الدين كده بيبقى لبانة فى بؤ ومحدش بيقوله انت بتعمل ايه برضه
انا مش متخيل ازاى تسب دين انت المفروض انك محسوب عليه
[/overline]
متسبوش كلب يسب دينكوا مهما كان اللى هيحصل