الموضوع: اجيب ايه من اليابان

المشاركة الأصلية كتبت بواسطة ahmed_afifi

السلام عليكم ورحمة الله وبركاته
اولا تسافر وترجع بالسلامة إن شاء الله
ثانيا بالنسبة للحاجات اللى ممكن تجيبها من اليابان انا حنبهك لبعض الحقائق المهمة فى البداية
1- الكهرباء فى اليابان 110 فولت ولكن فى مصر 220 فولت فلو حتشترى حاجة بالكهرباء تتأكد من انها للاستخدام انترناشيونال.

2- بالنسبة للتليفزيونات فاليابان بتشتغل على نظام مختلف عن مصر فغالبا التلفزيون اللى حتجيبو من هناك مش حيشتغل فى مصر.

3-بالنسبة لل dvd نفس الكلام فى البند السابق ينطبق عليها ولكن ممكن تجيب حاجة تكون غير مرتبطة بمنطقة معينة.

4-هناك تفاوات كبير فى الأسعار من مكان لاخر فيجب أن تبحث عما تريد فى أكثر من مكان

5- اذا كانت زيارتك بالقرب من العاصمة طوكيو فيمكنك الذهاب الى المدينة الالكترونية فى اكيهابارا ستجد الكثير من الاشياء الجيدة كما يمكنك الشراء من المحلات التى لا تحسب على السلعة ضريبة باعتبارك فى سياحة

6- بالنسبة للسلع ذات الماركات المعرفة ك كانون باناسونيك او ما شابه وحتى ان كانت مصنوعة فى الصين فهى ذات جودة عالية جدا

7-بالنسبة للاكل فلازم تبعد عن اى حاجة فيها لحوم او فراخ او مشتقاتها

بالنسبة للحاجات اللى ممكن تجيبها
1- الساعات
2-الكاميرات
3-أجهزة الكمبيوتر المحمول
4-ماكينة حلاقة الذقن أو الشعر
5-مستلزمات الكمبيوتر بشكل عام

بالنسلة للاسعار ممكن تكون زى مصر وأغلى بس عن تجربة هناك فرق شاسع فى الجودة

+111111

المشاركة الأصلية كتبت بواسطة ralliart

اسأل الأول إذا كان السياح بيدفعو ضرايب ولا لأ علشان الضرايب هناك غالية جداً (في بعض البلاد بتشتري عادي وبتحتفظ بالفواتير ولما تكون خارج من البلد بتقدمها وتسترد فلوس الضرايب)

كلام مضبوط ... يعنى المانيا مثلا وانت خارج بتقدم الفاتورة وانت خارج منها وتاخد خصم 20%