زجاج سيارتك فالبنزينة مممم شروخ اكيدة

**windofchange** · 23-03-2012 12:34 AM

السلام عليكم ورحمه الله وبركاته يا شعب نايل موتورز ان شاء الله تكونو بخير وصحة وسعادة ,,,,, كتير مننا بيدخل البنزينة ليه عشن يمون طبعا ههه فمن الخدمات الجميلة اللي يشكروا عليها انو بينط علي زجاج عربيتك ويبدأ الرش والتنظيف بمساحة صغيرة في ايده وزجاجك اصلا نظيف او مش عايز تنظفه عادي يعني *) ويا حظك ولحقته فالاول يكون رشللو رشتين وتقول له لأ شكرااا فيمسح اللي عمله بمسحه صغيرة,,, اما لو تركته يسترزق ويمسح الزجاج وده شيء كويس وتشوف كويس وانت سايق وكده تبدأ تكذب نفسك كل مرة ان الزجاج عندك مخدوش اساسااا لغاية ماتبتدي مرة بعد مرة كل ماتمون وتنظف زجاج سيارتك بالمرة تلاحظ ظهور خدوش جديدة حتي يتبدد الشك باليقين لأااااااااااااااااااااااا اااااااااااا وكل تتنظيفه ازاز تاخد عليها خدوش مجانية ايه الجمال ده الله ينور ياجدع ...حصلت معاك قبل كده ؟

**BLOODY_STONE** · 23-03-2012 12:43 AM

انا اخدت بالي من الموضوع ده من زماااان و بقيت اقوله و هو جاي من بعيد ... لا شكرا ... هو اكيد بيحس اني معفن و مش عايز اديله جنيه بس أعمل ايييييه ... للاسف اكتشفت الموضوع بعد فوات الاوان ...

**Land_Cruiser** · 23-03-2012 01:18 AM

بعض اللى بينضفوا الازاز دول بيرشوا المياه فى جزء من الثانيه و هوووب تلاقيه غرقلك الازاز و بعدين يقف متنحلك مستنى الحلاوه و فى منهم بينضف الازاز الجانبى اللى ناحيه السواق بس

**mada_76** · 23-03-2012 01:31 AM

انا بقى بتنرفز جدا منهم لانهم اغلبهم بييجي يرش علطول كأن العربية دي مركونة مثلا ومفيش حد سايقها .
وبعدين الحمد لله العربيات الزيرو خلت الواحد يضغط ضغطة واحدة ترش مياة والضغطة التانية تشغل المساحات وتخلى زجاجك فله وانت قاعد زي الباشا .
وللعلم بقى الناس دي بتوسخ العربية.
انا عربيتي هاتشباك ولما بينزل الصابون اللى هو حطه ده من على الزجاج الخلفي بلاقيه بعد كده عامل علامات طين وتراب على الشنطة .