حاجة تحرق الدم
حاجة تحرق الدم
المخلوع ونظامه السابق وبقاياهم اللى لسه موجودين جعلوا غالبية السلع الاستراتيجية في ايدي صفوه من رجال الاعمال والسبب
اولا : الاحتكار والمكاسب المهوله ...
ثانيا : التحكم في الشعب والبلد ...
لما يكون توريد القمح عن طريق شركات خاصة يجيبة لك اردء انواع القمح بأسعار متدنية ويتم توريده للحكومة بسعر اجود الانواع منها كسب مكاسب خرافية ومنها تملك زمام الامور في سلعة استراتيجية في لحظة يستطيع عمل ازمة خبز لشغل الناس عن شئ اخر وفي لحظة يستطيع حل الازمة بعد تدخل الرئيس وحكمته عشان يبين ان الراجل بيحل ازمات قيس على ذلك جميع السلع الاستراتيجية السكر الزيت البنزين السولار الغاز الحديد والاسمنت كلها في ايد رجال اعمال يتحكمون فيها كيفما يحلو لهم بعد ان تخلت الحكومة عن جميع مصانعها للسلع الاستراتيجية وايضا عن استيرادها عن طريقها وكلنا شوفنا حسين سالم لما عمل شركة التنقيب عن الغاز واحتكر الغاز والتلاعب الذى حدث في توريد الغاز الى اسرائيل بسعار بخسة تحت زريعة معاهدة السلام ...!!! وايضا الحديد وكيف احتكره احمد عز وماحدث في السوق العقاري من ازمات بسبب الحديد
وجميع محتكرو السلع الاستراتيجية ولائهم لسكان طره بسبب ارتباطهم معهم بعقود مريبه ورشاوي وعمولات
المفروض في المرحلة القادمة يتم سحب جميع حقوق توريدات السلع الاستراتيجية من هؤلاء وان تقوم الحكومة هي بإستيراد السلع الاستراتيجيه بنفسها دون وسيط .... ايضا محاولة تأميم المصانع الاستراتيجية من هؤلاء خصوصا ان عقودها جميعا تشوبها عدم النزاهه على الرغم ان غالبية العقود تجد ان المشتري يدخل معه شريك اجنبي اشخاص او شركات وبها بنود حين تحاول الحكومة ارجاع ممتلكاتها المنهوبه يتم اللجوء الى محاكم دولية
ـــــــــــــــــــــــــ ــ
نرجع لموضوع سولار غزة الخبر واضح انه له ابعاد اخرى يظهر فيها كيف كانت تتحكم اسرائيل وامريكا في مقدرات البلد بواسطة النظام السابق وبقاياه وهؤلاء المحتكرون بعد الانفراج من الحصار الذي كان مفروض على اهالينا في غزة والذي كان يساعد فيه بشكل كبير النظام السابق ظهرت قصة ان من احرق اقسام الشرطة ناس قدموا من غزة ...!!
ثم موضوع سرقة السيارات وادخالها الى غزة عن طريق عصابات من مصر والغزاوي يشتري السيارة دون معرفة ان كانت مسروقه ام لا لان ليس هناك توكيل سيارات بسبب الحصار والسيارات التي تدخل القطاع اما قادمة من اسرائيل او مصر
واخير موضوع السولار على الرغم ان الخبر مكتوب بطريقة يظهر ان مصر تقدمه مجانا وكأنها لم تقبض ثمنه بأسعاره العالمية ...!!
المشكلة مش في السولار اللى دخل غزة المشكلة في اليد التي تفتح وتغلق على مصر خيرها ......!!! حتى نتحسر على من كان يتدخل لحل الازمات التي كانت مفتعله بمباركته ..!!!
نفسى اعرف هو احنا بننتج اد ايه من السولار و البنزين فى مصر و بنستورد كام اصل حكاية التهريب و السوق السودا دى ما تظهرش الا لما المعروض يقل اصلا مش هيا اللى تعمل ازمة
طب معلش يا جماعة انا ليا رأي مخالف بالرغم انها حاجة تحرق الدم و تخلي الواحد يتجن بس نفكر واحدة واحدة
بالرغم العذاب اللي اتعذبناه و انا امبارح متعذب 5-6 ساعات و راجع البيت ع 12 و نص بليل و بدور ع بنزين و مقضيها زق بنفسي عشان محدش هيديني في جيركن و مش هسيب العربية و فيها الاسرة لوحدهم فضلت ازق في الشوارع و لفيت مدينة نصر زق لغاية ما لقيت بنزينة و اتخانقت مع بتوع البنزينة كمان و كنت خلاص باخد اخر حبة في الطرمبة و الحمد الله لحقت و طبعا حاجة تجنن و تعصب
لكن الموضوع لو ع كام يوم مفيش بنزين و نركب مواصلات او عجلة او نمشي حتي معنديش مانع طالما هيروح فعلا لأهل غزة
الناس هتقولي ليه هقولك لأن هناك مفيش طاقة و مفيش كهربا الناس بتموت في المستشفيات عشان الاجهزة مش شغالة بسبب ان مفيش كهربا
حط نفسك مكان الناس دول لو انت في مكانهم هيكون رد فعلك ايه
فالواحد لازم برده يراعي البلوة اللي هم فيها و اللي يشوف بلوة غيره تهون عليه بلوته و الحمد الله احنا يومين و بنلطم اومال هما اللي بيموتوا عشان الاجهزة مش شغالة
وكمان احنا يوم ما بيحصل ازمة بنزين يومين تلاتة وكل حاجة بترجع تاني الناس بتعمل من الحبة قبة ع سبيل المثال اللي بيدخل بدل ما يحط 10 -20 لتر بيفول و ميعملش حساب غيره
او يسمع ان هيبقي فيه ازمة كله ينزل يجري يفوول هنا الازمة بتزيد
هيحصل ايه لو قضينها مواصلات شوية لغاية ما تتحل وا لعربيات تتركن و محدش يقولي أصلي بعيد انا عشان انزل الجامعة بركب 3 مواصلات رايح و 3 مواصلات جي و مع ذلك بيب العربية و باخد المواصلات
و لو ع المليون لتر بنزين ع سولار الي هيروحولهم دول اساسا احنا بنخلصهم في يومين تلاتة هنا في مصر و يمكن أقل كمان
لو كل واحد فكر انه مستعد يتنازل في سبيل مساعدة المحتاج كما يحثنا ديننا ع مساعدة المحتاج يكفي الثواب اللي هنكسبه حتي لو بالنية فقط
و لا انا غلطان ؟؟؟
الله يكرمك يا باشا
داين تدان , يوما لك و يوما عليك
مش يمكن احنا نساعدهم انهاردة يجي يوم احنا اللي نبقي محتاجين مساعدتهم
لكن لو مساعدناش و جينا احتجنا هيدولنا ضهرهم و لا هيعرفونا
و حتي لو مساعدوناش بالرغم مساعدتنا احنا بنعمل اللي علينا لأنهم عرب زيينا و كله عند ربنا :)
اخواتك بيموتوا من البرد القارص
اخواتك مش لاقيين كهرباء ..... مش عشان راوتر النت و لا عشان شحن الموبايل ..... لأ .... عشان حضانة الاطفال في المستشفى او عشان اجهزة الانعاش في العناية المركزة
اخواتك مقطوعة بيهم السبل و محدش بيقدر يساعدهم غيرك لان بيتهم و بيتك الحيط في الحيط و بقية المداخل و المخارج مقفولة
اخواتك بيتقتلوا و يموتوا و انت قاعد في التكييف هنا بتستعمل اللابتوب بتاعك على شبكة وايرلس و بتنزل تروح شغلك مش خايف ترجع ما تلاقيش اسرتك احياء
و في الاخر شوية بنزين و سولار حارقينك أوي لما يروحوا لاخواتك؟
استغفرك ربي و اتوب اليك