الموضوع: مصر تضخ مليون لتر بنزين وسولار إلى غزة غدا كدفعة أولى

المشاركة الأصلية كتبت بواسطة aboomar22

الفكرة مش انك تساعد غزة او لا الفكرة ان فيه دول عربية عندها فائض كبير فى الوقود يعنى كل دول الخليج وعلى راسها السعودية فين هى من ازمة الطاقة فى غزة يعنى لو فيه راجل مريض وفقير ومحتاج جدا وليه اخ فقير ومش قادر على طلبات اولادة يعنى بالكاد بيقضى وليه اخوات اغنياء جدا جدا مين اولى ان يساعد البسيط ولا الغنى

المشاركة الأصلية كتبت بواسطة e_farid

يا جماعة الخير اللي أعرفه إن غزة مش بتاخد البنزين ولا السولار ببلاش،

وكانت هناك مشكلة من اسبوعين تقريبا على سعر السولار، لأن مصر سعرت اللتر السولار لغزة بواحد دولار، وساعتها حكومة غزة اعترضت على السعر وحاولت تتفاوض فيه شوية.

يعني مع احترامي للجميع، دي مش مساعدة ولا حاجه احنا بندفعها من جيبنا.

+11111 كلام سليم .... وهو اللى انا قلته هما مش بياخدوا السولار ببلاش بيخدوه بالسعر العالمي واللي بيدفع تمنه السعودية وبعض دول الخليج المشكلة... معانا ان مفيش منفذ لأهلنا في غزة غير مصر فهم محاصرون من البحر وباقي البر ...!!!

في مثل شعبي بيقول
اللي يعوزه البيت يحرم على الجامع
لو اني مش متفق مع المثل ده بنسبة 100 %
بس احنا في حاجة حتي لو بنبيعه يبقى اللي يفيض يتباع !!!!!!!!!!!!!!!!!!!!!!!!!!!!!

المشاركة الأصلية كتبت بواسطة abogogo

المخلوع ونظامه السابق وبقاياهم اللى لسه موجودين جعلوا غالبية السلع الاستراتيجية في ايدي صفوه من رجال الاعمال والسبب
اولا : الاحتكار والمكاسب المهوله ...
ثانيا : التحكم في الشعب والبلد ...
لما يكون توريد القمح عن طريق شركات خاصة يجيبة لك اردء انواع القمح بأسعار متدنية ويتم توريده للحكومة بسعر اجود الانواع منها كسب مكاسب خرافية ومنها تملك زمام الامور في سلعة استراتيجية في لحظة يستطيع عمل ازمة خبز لشغل الناس عن شئ اخر وفي لحظة يستطيع حل الازمة بعد تدخل الرئيس وحكمته عشان يبين ان الراجل بيحل ازمات قيس على ذلك جميع السلع الاستراتيجية السكر الزيت البنزين السولار الغاز الحديد والاسمنت كلها في ايد رجال اعمال يتحكمون فيها كيفما يحلو لهم بعد ان تخلت الحكومة عن جميع مصانعها للسلع الاستراتيجية وايضا عن استيرادها عن طريقها وكلنا شوفنا حسين سالم لما عمل شركة التنقيب عن الغاز واحتكر الغاز والتلاعب الذى حدث في توريد الغاز الى اسرائيل بسعار بخسة تحت زريعة معاهدة السلام ...!!! وايضا الحديد وكيف احتكره احمد عز وماحدث في السوق العقاري من ازمات بسبب الحديد
وجميع محتكرو السلع الاستراتيجية ولائهم لسكان طره بسبب ارتباطهم معهم بعقود مريبه ورشاوي وعمولات
المفروض في المرحلة القادمة يتم سحب جميع حقوق توريدات السلع الاستراتيجية من هؤلاء وان تقوم الحكومة هي بإستيراد السلع الاستراتيجيه بنفسها دون وسيط .... ايضا محاولة تأميم المصانع الاستراتيجية من هؤلاء خصوصا ان عقودها جميعا تشوبها عدم النزاهه على الرغم ان غالبية العقود تجد ان المشتري يدخل معه شريك اجنبي اشخاص او شركات وبها بنود حين تحاول الحكومة ارجاع ممتلكاتها المنهوبه يتم اللجوء الى محاكم دولية
ـــــــــــــــــــــــــ ــ
نرجع لموضوع سولار غزة الخبر واضح انه له ابعاد اخرى يظهر فيها كيف كانت تتحكم اسرائيل وامريكا في مقدرات البلد بواسطة النظام السابق وبقاياه وهؤلاء المحتكرون بعد الانفراج من الحصار الذي كان مفروض على اهالينا في غزة والذي كان يساعد فيه بشكل كبير النظام السابق ظهرت قصة ان من احرق اقسام الشرطة ناس قدموا من غزة ...!!
ثم موضوع سرقة السيارات وادخالها الى غزة عن طريق عصابات من مصر والغزاوي يشتري السيارة دون معرفة ان كانت مسروقه ام لا لان ليس هناك توكيل سيارات بسبب الحصار والسيارات التي تدخل القطاع اما قادمة من اسرائيل او مصر
واخير موضوع السولار على الرغم ان الخبر مكتوب بطريقة يظهر ان مصر تقدمه مجانا وكأنها لم تقبض ثمنه بأسعاره العالمية ...!!
المشكلة مش في السولار اللى دخل غزة المشكلة في اليد التي تفتح وتغلق على مصر خيرها ......!!! حتى نتحسر على من كان يتدخل لحل الازمات التي كانت مفتعله بمباركته ..!!!

المشاركة الأصلية كتبت بواسطة Axel

من ناحية ايه بالظبط ؟؟ يعني مفتعلة من أجل توفير الطاقة لأهل غزة ؟؟ و لا ايه المقصود ؟؟

مشاركتي السابقة تجاوب سؤالك عزيزي أكسل