فتيس عربيتى ال e46 بقى مبينقلش على أى غيار بعد التانى!!! أرجو المساعة سريعا

أنا عربيتى e46 أتوماتيك 318i موديل 2000 الفتيس القديم مش الأستيبترونيك ماشيه 180000 كم,
بدأت مشكلتى أنى لقيت فجأة الفتيس مش راضى ينقل لأكتر من التانى أبدا ولا بالحرق ولا الكيك داون.. روحت للميكانيكى بسرعة فكينا فلتر زيت الفتيس لقيناه مسدود مع إنى كنت لسه مغير الزيت ب FEBI المفروض أنه نوع كويس فغيرت الزيت تانى وقفلت, نقلت بصورة طبيعية بس أول العربية ما سخنت بعد 3-4 دقايق رجعت نفس المشكلة تانى!!
الجهاز قارى عطل أسمه "Secondary Oil Pump"......
ياريت المساعدة سريعا لأنى مش عارف المشكلة أيه ونفسى مغيرش فتيس علشان التكاليف

يا ريت حضرتك تجيبلي كود الـ error لأن مفيش حاجة إسمها secondary oil pump..ممكن secondary air pump ودي حاجة ملهاش علاقة بناقل الحركة

مشكور على الرد بإهتمام.... دى أرقام ال Fault Codes اللى موجودة عندى:
136, 146, 150
مع العلم أن لمبة الفتيس الصفرا بتنور لما أحرق زيادة على الغيار التانى اللى هو أخر غيار الفتيس بياخدة دلوقتى

اقتباس:

---

المشاركة الأصلية كتبت بواسطة profzizo

أنا عربيتى e46 أتوماتيك 318i موديل 2000 الفتيس القديم مش الأستيبترونيك ماشيه 180000 كم,
بدأت مشكلتى أنى لقيت فجأة الفتيس مش راضى ينقل لأكتر من التانى أبدا ولا بالحرق ولا الكيك داون.. روحت للميكانيكى بسرعة فكينا فلتر زيت الفتيس لقيناه مسدود مع إنى كنت لسه مغير الزيت ب febi المفروض أنه نوع كويس فغيرت الزيت تانى وقفلت, نقلت بصورة طبيعية بس أول العربية ما سخنت بعد 3-4 دقايق رجعت نفس المشكلة تانى!!
الجهاز قارى عطل أسمه "secondary oil pump"......
ياريت المساعدة سريعا لأنى مش عارف المشكلة أيه ونفسى مغيرش فتيس علشان التكاليف

---

أنا كان لدى نفس المشكله لكن ما كان يحصل معى إنه فى كثير من الأحيان السياره كانت لا تنقل من الغيار الثانى إلى الغيار الثالث و أنا رجلى على دواسة البنزين و كان لازم اترك دواسة البنزين لما الأر بى إم يعلى ولا ينقل الغيار و اترك السياره و الدواسه حتى تنقل الغيار تلقائيا المشكله كانت عندى فى البود بلف اللى بسمى عقل أو قلب الفتيس و بإختصار شديد هو ده الفتيس الأتوماتيك فى قطعة البودى بلف و لو طلع البودى بلف اللى به خلل نصيحه لا تغيره أو تصلحه و غير الفتيس بأخر استيبترونيك أفضل 1000 مره من الصيانه و الأصلاح. و تكلفته 4500 - 5000 جنيه للفتيس الأستيبترونيك الأستيراد و على تجربه. و ربنا يوفقك لما فيه الخير و الصالح لك و يكون الخلل و العيب بسيط :)

شكرا على الرد ولكنى عايز أى حل غير تغيير الفتيس يكون رخيص وكويس لأنى نويت أبيع ومس عايز أتحمل تكاليف زيادة

فى أنتظار أى حد يكون جرب حل التصليح مش التغيير...... ضرورى من فضلوكم

في واحد اسمه سعداوي
في صقر قريش المعادي
ده مشهور ومتخصصفي الفتيس الاتوماتيك
شفت عنده بي ام وهامر
جرب مش هتخسر حاجه

شكرا لإهتمامكم ولكن أتا عايز حد يكون أتجرب قبل كدة فى إصلاح عيب مماثل

منا بقولك روحلو وهو بيشتغل في الفتايس الاتوماتيك وكان عندو اخت عربيتك زيتي
احنا مش عارفين ايه العيب
هو هيقولك تغير زيت تغير مش عارف ايه
هو يقولك ايه المشكله
انت مش عايز تغير فتيس يبقي عايزتصلحه يعني تروح لبتاع الفتيس
سؤال
في اصوات احتكاك او صرخه او تكتكه؟

الأرقام اللي حضرتك كاتبها دي كلها متعلقة بحساسات داخل الفتيس..وبالأخص رقم 140 و 150 هما حساس تغيير النقلات وحساس تقليل النقلات علي حسب السرعة

هى ارقام الfaults دى بتتعرف منين؟ من الكشف بالجهاز ولا بتطلع على iDrive ؟

اقتباس:

---

المشاركة الأصلية كتبت بواسطة profzizo

فى أنتظار أى حد يكون جرب حل التصليح مش التغيير...... ضرورى من فضلوكم

---

يا فندم أنا قولت لحضرتك غير لأنى صلحت الفتيس و دفعت 1600 جنيه و وضعت زيت فتيس ب 160 جنيه و فى النهايه الفتيس مازالت به مشكله فى تأخير تعشيق المارشدير لمدة 3 - 4 ثوانى و ساعات بتحدث أشياء غريبه منها مثلا اجد فجأه و هذه حدثت مره وحيده إن لمبة الفتيش اضاءت و السياره كانت لا تتحرك إلا عندما ادوس بنزين بشكل جامد و الأر بى إم يطلع 3 - 3.5 و لهذا السبب قولت لضحرتك غير الفتيس أفضل السياره بيعت ربنا يبارك لك فى البيعه على أساس إن حضرتك تكون اصلحت الفتيس و ممكن تتحدث مع المشترى و يدفع مثلا النصف فى التكلفه و أنت النصف أو تبلغه بموضوع تغيير الفتيس و تبلغه إنه السعر هيكون فيه اختلاف لأن أنت هتغير الفتيس. و ربنا يوفقك إن شاء الله