والدي كان معاه بيجو 504 كان جايبها زيرو وفضلت معانا حوالي 28 سنه المهم هو ماكنش عاوز يبعها خالص وانا كل شويه اتحايل عليه وتم البيع وجبتله a4 2003 كان فرحان بيها اوي طبعا فرق بين العربيتين فضلت معانا سنه ونص قلت لما اركبه حاجه تانيه الراجل تعب بعتها وجبت 406 2004 عجبته اوي اوي عربيه فخمه جدا بجد المهم بقي يجي يقولي ماتركبش عربيتي وخليك في عربيتك ليه ياعم الحج يقولي العربيات الفرنساوي عاوزه معامله حنينه وانت رجلك مش رجل بني ادم من اللي انت بتعمله في عربيتي خليك في عربيتك شفتوا بقي بعد ماركبته كذا عربيه بيعاملني ازاي طبعا هو اللي دافع تمن العربيتين هو انا لاقي اكل انا قلت اشتكلكم منه