بعد معاناة في تجديدها ونقل ملكية العربية
وبعد ماقولت أخيراً مسكت الرخصة في أيدي
ابص الاقيها غلطانين في اسمين من أسمي + الضريبة اللي انا دافعها سنتين عملوها سنه
:36_1_35[2]:
قولت للظابط اية دا قالي الضريبة ابقي ارجع للموظف والاسم هنظبطهولك دلوقتي !!! بعتني للكومبيوتر وياريتة مانيل حاجة اديتله البطاقة و الرخصة طلعهالي زي ماهي بعد مابوظ التغليف بتاعها و التصحيح كان بقلم حبر و اتمسح والرخصة رجعت بالاسامي الغلط تاني !!
وانا سئلت الموظف يوميها برضة علي الضريبة وقالي في عقد ساقط يااستاذ عشان كدا متحسبش غير سنه واحدة وكان باين عليه بيقول اى كلام!!
انا دلوقتي اللي حصل اني دفعت سنة وانا بطلع شهادة بيانات للشهر العقاري وقالي الموظف وقتها لازم تدفع سنه لان الرخصة منتهية وهتنضافلك وبعد ماسجلت العربية رجعت بالعقد المسجل وقولتله سنة كمان طلعلي وصل بضريبة سنة بس + اني عامل تامين بسنتين
دلوقتي انا اعمل اية في غلطة الضريبة دي و الاسم .. اطنش ولا انا ليا حق و ارجع المرور والهم دا تاني ويانا ياهما :crying2: