سعر الريداتير عامل كام دلوقتي
عرض للطباعة
سعر الريداتير عامل كام دلوقتي
للعلم انا اللي كنت عامله نحاس
واللي بيتباع الومنيوم
وكنت اشتريت واحد الومنيوم استعمال بس مركبش مكان القديم طلع صغير
الف شكر علي الرد والمعلومات القيمه
عنوان زغلول بتاع الحضرة بالظبط وارقام تليفوناته
وشكراااا
[size="5"][/s
ize]
يا ترى فين الاقي قطع غيار لادا سمارا موديل 1989 بالمنصورة
وهل ينقع يركب لها تكييف ... شكرا
بس ف لحام الومونيوم للعلم ومعروف عند بتوع التلاجات لانهم بيلحموا بيه اخرام الفريزرات واعرف ورش تخصص لحام الومونيا ونحاس فقط
يا جماعة انا عاوز لادا سمارا كابورلية للبيع بعد ازن الجميع لو حد يعرف يقولى
السلام عليكم جميعا اخوتي الاعزاء
انا بصدد شراء سيارة لادا سمارا 94 مواصفات خليلي ومعلش انا حاولت اقراء كل الحجات المنشورة علي المنتدي الجميلة ومشكور الاخ الغالي الي بدء بالمشاركة الفاعلة بس كنت حابب اعرف سعرها كام
السيارة حالتها جيدة فرش الفبريكية ماتورها ماتفكش من مكانة فابريكية برة وجوة كل الي فيها تجريحات في الجناب وبارومة صغيرة في الرفرف اليمين قدام ومعروضة علي 15000 ارجوا منكم الرد علي في السعر وازاي اعرف امكاانيتها صاحبها بيقول بيسافر بيها علي 140 هي 1300 cc ومفيهاش تيكيف وارجوا افادتي بردوا هل يمكن اركبلها تكيبف ولا لأ انا الصراحة حبيتها من كلامكم بس في حجات محتاج اعرفها يعتي تكيفها علشان يركب يتكلف كام وكدة
وشكرا ليكم مقدما في انتظار اسهامتهم
السلام عليكم :
عندى لادا سمارة 2115 موديل 2007, التابلوه لونه ابهت جامد من الشمس ,وبعد كده واحد رشه باسبراى فتلف,
كنت عايز اجد له حل ,او اشترى واحد جديد سألت عليه فى عزبة شلبى قال عامل 700,
وكمان ,فرش باب السواق مكسور ومش نافع وسالت عليه فى عزبة شلبى قالوا 1000 :
مش عارف اعمل ايه,
هل ينفع ارش التابلوه او يتكسى جلد ,ومن الذى يعمل هذا
انا من اسكندرية ومحتار جدا,
وكمان :شنطة العربية السوستة تلفت ومش لاقيها ,وعايز اركب مساعد يرفع الشنطة اركب ايه واجده فين وبكام ؟؟؟؟؟؟
وممكن اركب تكييف ولا لا؟؟؟
طيب مفيش افكار اعمل بيها التابلوه او اصلح بيها الباب و هل ممكن يتركب ها تابلوه تانى او فرش باب تانى
لادا سمارا 94
امبارح اشتريت كالون كامل شنطة و باببين 60 جنية من المركو الروسي في التوفيقية
كمان اشتريت اكرة باب خلفي يمين ب 60 جنية من المركز نفسه
السلام عليكم
يا جماعة انا عضو معاكو من زمان وقرات الموضوع الممتاز ده بس ديه اول مره اشارك وبحب اشكركم كتير على المجهود الكبير المبذول والنصائح الغالية خصوصا من الاستاذ شنورى والاستاذ احمد شحاته والاستاذ عمرو وكل الناس وانا حبيت السمارا من الموضوع ده وربنا وفقنى وجيبت عربية سمارا موديل 92 فبريكة بره وجوه و الموتور والعفشة وكل حاجة فى العربية ممتازة بس الحمد لله قدر الله لى عمل حادث بالسيارة كانت واقف امام وسيارة داخلت فى العربية من الخلف والحمد لله عملت عمليتان فى رجلى اليمن وفى الانف والحمد لله بس المشكلة دلوقت ان العربية بتاعتى باظت خالص من ورا ومش عارف اعمل فيها ايه مش عارف ابيعها على كده ولا اصلحها مع العلم ان تصليحها هيكلفنى كتير وفى نفس الوقت لو بعتها كده الناس بتخفس بيها الارض وتقول ارقام غريبة مع العلم ان العربية قعدت معايا 35 يوم بس وحصلت الحادثة ومع العلم برده العربية كل حاجة فيها سليمة ما عدا الخبطة اللى ورا ارجوكم افيدونى افادكم الله وانا اسف انى طولت عليكم
وعليكم السلام ورحمة الله وبركاته.
أولا ربنا يباركلك وتشتري عربية كويسة لانى أنا كمان بدور على واحده سمارا واللي خلاني افكر فيها الشباب هنا في المنتدى لما اتلكموا عنها ربنا يباركلهم كلهم .وعلى فكرة انا روحت شوفت العربية اللي انت بتقول عليها دي في مدينة نصر .
أولا الصور اللي كانت معروضه مختلفة تماما عن الحقيقة أو بمعنى أصح مصورها من زوايا مش مبينة أى عيب في العربية وده انه بعتبره غش.
ثانيا روحت شوفتها لقيت زي مابيقولوا الصنايعية كنبه متركبلها موتور . بصراحة كان الموتور هو الحاجه الوحيدة الكويسة اللي فيها.
العربية كانت البارومة سارحه فيها من كل جانب وفي الاعتاب وكانت واخده خبطة في القايم ومافكرتش حتى انزل تحتها أشوف حالة الشاسية لان الجواب باين من عنوانه والفرش بتاعها حدث ولا حرج والطابلوه طالع عينه من الشمس ده غير بقى شوية شغل في الفتيس يعني هاتصرف عليها كتير وفي رأيي العربية ماكنتش تسوى أكتر من 11 ألف وطبعا اللي هايخدها هايشدها من الالف للياء.
واسف اني طولت عليك بس بصراحه اتنصب عليا قبل كده في عربية واللي باعهالي عملي البحر طحينة وفي الاخر صرفت عليها كتير جدا وبعتها بالخسارة عشان قوللت للي اشتراها على كل اللي فيها ومش عايزك تقع في نفس الموضوع.
لو الحادثة أثرت على الشاسية يبقى تبيعها بخسارة قريبة أحسن ما تصرف عليها كتيييييير وبرضه مش هاتجيب اللي انت صرفته ولو لم تؤثر على الشاسية يبقى تصلحها وتخليها معاك وربنا يباركلك فيها ان شاء الله.
بس أهم حاجه لو حبيت تبيع تصارح المشتري بكل اللي فيها عشان دي أهم حاجه حتى لو هاتبيع بخسارة بس يبقى ضميرك مرتاح.
متشكر على الرد السريع
ممكن رقم تليفون حضرتك استفسر من حضرتك على حاجة
الف سلامة عليك وربنا يشفيك بالنسبة للعربية لو قررت تصلحها كل حاجاتها موجودة فى عزبة شليى استيراد ممكن تجيب شنطة او اكصطدام او حتى نص خلفى كامل اللى اعرفه ان الاسعار فى عزبة شلبى كويسة بس اهم حاجة تكون بتعرف تغاصل كويس ويكون معاك حد فاهم عشان لو بيعتها حادئة هتخسر فيها كتير والامر ليك فى الاول والاخر وحسب امكانياتك
مساء العسل علي كل الشباب ال جميل سؤال علي السريع
عاوز وش فانوس خلفي وروحت عند حمدي والمركز الروسي وسيد نصار وملقتش
اجيب من فيين ؟ حد يعرف
هوة انتة معدله شاهين ولة زى ما هوة سمارة لو معدله شاهين هتلاقيه ان شاء الله بسهولة ولو زى ماهو سمارة اعتقد متتعب لحد ما تلاقى وش الفانوس
السلام عليكم اولا اشكر كل من فى المنتدى لمساعدتهم لنا ثانيا عاوز اسم واحد بتاع عفشة كويس فى الاسكندرية عاوز اشوف عفشة العربية و شكرا مقدما
مكان البلغاري فين بالظبط في اسكندريه
اخونا محمد الف حمد لله ع سلامتك والمهم انك بخير وزي الاخوه ما قالوا لك لو الشاسيه سليم غير الل الحادثه اثرت عليه واحتفظ بيها بس المهم سمكري شاطر وممكن تنزل انت وهو بعربيه ربع نقل تشتروا الحاجه من ع شلبي
الاخ تيتو البلغاري ف السيوف تروح عند دوران السيوف وتسال ع بوسطة السيوف هو وراها بس خد بالك عشان الشوارع هناك اتجاه واحد
من مشاركة اخونا الشيخ عمرو من جروب لادا سمارا الشكر موصول له
بعض الاسعار
بليه دبرياج ايطالي ٥٠
اويل سيل كوبلن داخلي ٢٠ .. الكوبلن المعدن مش الكاوتش وممكن تجيبه ب ١٠ انت وشطارتك بس خد بالك ف ناس بتبيع طقم اويل سيل الفتيس كله علي بعضه ب ٨٠ ج دوول نصابين
خرطوم فرامل خلفي سن خشن نتايه م الناحيتين ايطالي ٢٠ ج
ماسوره فرامل معدن الل بتركب في الماستر الخلفي سن خشن ١٠ ج
ماستر فرامل خلفي ايطالي ٣٠ ج والروسي ماركة فونيكس ٣٥ وكلاهما بيضرب بعد سنه ونص كده
زيت مكنه شيل الاحمر المتعدد ٣٠٠٠ كم ٢٠/٥٠ ب ٨٠ ج
زيت فتيس موبيل متعدد ٨٥/١٤٠ ب ٩٥ ج
الف شكر علي المعلومات
الاخوه الافاضل
مريت بشوية مشاكل ف سحب العربيه وصلحت الكربراتير كام مره والكربراتير دا كان استيراد ونصبحه لاي اخ ابعد عن المربراتير الاستيراد لان مشاكله كتير هات جديد ولو صيني واخونا المحترم احمد شحاته مركبه وشغال زي الفل ربنا يبارك له فيه..
المهم
العربيه كانت بتبقا ماشيه زي الفل .. الاقيها نتشت وقطعت جامد وترجع تسحب تاني غيرت الموبينا بواحده الكتروني مفيش جديد ..
فقررت لاسف اني اجيب كربراتير جديد وسلوك بوجيهات كربون وطالما انها خربانه خربانه جبت جوز كبالن خارجي بتوع السيينا لان الروسي الاصلي قعدوا سنه وشويه وطقطقوا ..
المهم اليكم الاسعار عشان ما اطولش عليكم
كربراتير سوليكس روسي 775 بالعافيه لانهم مسعرينه ف المحل 850 واتصلت بصاحب المحل فاصلت معاه
موبينا الكتروني 70 ياباني ودا سعرها جمله لان مش ممكن هتشتريها بالسعر ده .. دا مان واحد تاجر اكسسوارات شاريها لعربيته ومركبتش فركنها عنده والميمانيكي قالي تعالي نشوفها عنده لقينها اخدناها زي ماهوشاريها وقال مش عاوز مكسب والميكانيكي قال دي بتتباع اصلا باكتر من ١٠٠
طقم سلوك بوجيهات كربون تركي ٣٠
كوبلن سيينا ايطالي ١٢٠ والصيني ٧٥
بصراحه اتنفخت مصاريف .. وربنا يصلح الحال..
الاسعار من محل اوريجينال ف طنطا .. للعلم ناس محترمه جدا وبتعرف تفاصل معاهم .. تخيلوا ان كوبلن السيينا بيتباع عندنا ف البحيره الايطالي ب ١٥٠ الل جبته من طنطا ب ١٢٠ وعلي كده بقا حاجات كتير اسعارها مختلف جدا
طولت عليكم.. بس حبيت افيدكم بالاسعار والتفاصيل وعشان الكلام دا يكون موثق لاي اخ يحتاجه في اي وقت يستفيد منه
كل سنه وانتم طيبين
سؤال يا استاذ عمرو الاكره ووش الفانوس في طنطا تعمل كام دلوقتي
وربنا يبارك في عربيتك
يوجد بالمنصورة محل أبو العز لادا يوجد به كل قطع غيار لادا سمارا وصاحبه اسمه الحاج أحمد وناس محترمين جدا