الموضوع: مشاركة لبعض اسعار قطع غيار لادا سمارة

المشاركة الأصلية كتبت بواسطة Differential

بتاع شارع فؤاد اغلى بس انضف! حاجته اصليه فعلا بس المعاملة وحشة وغالي بس سنة بسيطة .. بس الفكرة لو ملقتش هنا شوف هنا.

بالنسبة للتابلوه انا كنت سألته عليه قبل كدا وقالي انه معندوش بتاع ال2115 ومبينزلش .. ومش موجود كمان في التوكيل .. انا كان عندي التابلوه فيه حتة بسيطة مكسورة في الشمال صلحتها وخلاص. ال2110 معرفش نظام التابلوه ايه..

انا اسمي سامح ورقمي .............. كلمني في اي وقت بكرة بس انا بعد بكرة مسافر برة هكون غير متاح .. وانا هنزل لابراهيم على العصر كدا وهتصل بيه الظهر اتأكد ان حاجتك وحاجتي موجودين .. لو هتكون موجود في نفس الوقت جايز نتقابل هناك :)

معلش ياباشا في اني باتقل عليك
بس العشم والله ماشاء الله الناس هنا كلها خدومين و في قمة الإحترام
يشجعني ذزقك ياباشا
أستسمحك هاتصل بيك على بعد الظهر كده أتأكد منك من الحاجة
أنا محتاج بالظبط
باب سواق كامل سبور طبعا ( العربية باب واحد )
و صفايات المية جوة وبرة وداير القزاز الكاوتش بتاع الباب اليمين
و الفبرة بتاعة قايم البرابريز الشمال الكسوة الفبر الداخلية
و عاوز كمان أغير الصدر حمالة الرادياتير اللي بيتربط فيها الركب الألومونيوم ولو الصدر كامل يبقى أفضل
دي الأساسيات وطبعا شوية رفايع تانية
للأسف كده مش هيسعدني الحظ و أشوف حضرتك بكرة لأني هامسك الطريق إن شاء الله بكرة آخر النهار بعد الشغل و هاروحله بعد بكره الصبح من بدري
على فكرة أخويا كمان معاه سمارا 95 4 باب و عاوزلها حاجات و شكلي كده هانزل تاني قريب
و أكيد هازعج حضرتك تاني و طبعا هنتقابل أكيد
أنا ناوي أرجع العربية زيرو بإذن الله

المشاركة الأصلية كتبت بواسطة colorado

معلش ياباشا في اني باتقل عليك
بس العشم والله ماشاء الله الناس هنا كلها خدومين و في قمة الإحترام
يشجعني ذزقك ياباشا
أستسمحك هاتصل بيك على بعد الظهر كده أتأكد منك من الحاجة
أنا محتاج بالظبط
باب سواق كامل سبور طبعا ( العربية باب واحد )
و صفايات المية جوة وبرة وداير القزاز الكاوتش بتاع الباب اليمين
و الفبرة بتاعة قايم البرابريز الشمال الكسوة الفبر الداخلية
و عاوز كمان أغير الصدر حمالة الرادياتير اللي بيتربط فيها الركب الألومونيوم ولو الصدر كامل يبقى أفضل
دي الأساسيات وطبعا شوية رفايع تانية
للأسف كده مش هيسعدني الحظ و أشوف حضرتك بكرة لأني هامسك الطريق إن شاء الله بكرة آخر النهار بعد الشغل و هاروحله بعد بكره الصبح من بدري
على فكرة أخويا كمان معاه سمارا 95 4 باب و عاوزلها حاجات و شكلي كده هانزل تاني قريب
و أكيد هازعج حضرتك تاني و طبعا هنتقابل أكيد
أنا ناوي أرجع العربية زيرو بإذن الله :c_laugh[1]:

والله حضرتك تؤمر :) انا هتأكد من الحاجات بتاعتك عند ابراهيم وهقولك النتيجة .. وزغلول عنده وجايز بسعر اقل مش متأكد بس هتصل بيه الصبح واقولك لما تكلمني

زغلول هتلاقي عنده حاجات ال2 باب اكتر من ال4 باب مش عارف ليه .. وشوفت عنده نص خلفي ومشوفتش امامي بس جايز مدفون في المخزن عموما حسب التساهيل ان شاء الله

ولو محتاج تسأل على حاجة في العربية عموما اتفضل برضه .. انا طالع من عمرة وطالع عيني في نفس الوقت عشان ارجعها زيرو ومبترجعش :d كل حاجة اصلحها الاقي وراها مقلب حلو من واحد من الصنايعية اللي اشتغلوا فيها .. معندهمش ضمير رغم ان الفلوس اللي طلبوها اخدوها من غير فصال!! وحتى لو فاصلت طالما وافق يعمل الشغل المفروض انه يطلعه مظبوط 100%

سؤال عام .. هيا الكتالوجات مرفوعة هنا على المنتدى ولا ارفعها؟؟

دي مجموعة الSpare parts catalogs او كتالوجات قطع الغيار للادا سمارا

دا الخاص بلادا 2113 و 2114 و 2115 اللي هيا السمارا الجديدة
LADA 2113 2114 2115 Spare Parts


دا الخاص بلادا 2108 او السمارا ال2 باب
LADA 2108 21089 Spare Parts

دا الخاص بالسمارا 2109 و 21093 اللي هما السمارا الهاتش باك او ال4 باب اللي منتشرة عندنا + السمارا السيدان اللي منزلتش كتير
LADA 2109 21093 21099 Spare Parts

ملاحظات عامة:

- الكتالوج الاولاني اتعمل سنة 2003، والاتنين التانيين سنة 2000 يعني اي تعديل على العربيات تم بعد الفترة دي اكيد مش موجود في الكتالوج والاحدث مش لاقيه على النت خالص .. وطبعا شركة لادا اصيلة جدا والعربيات ماشاء الله ماتعملش عليها اي تعديل لحد ما اتوقف انتاجها السنة قبل اللي فاتت :D

- في حالة انك لقيت رقم الجزء او الPart Number بتاع حاجة معينة موجود في اكتر من كتالوج دا معناه ان نفس الجزء بيركب .. لو فيه اختلاف الرقم بيكون مختلف .. الارقام دي للطلب من المصنع واكيد مش هيعملوا فيها غلطات

- حاول بقدر الامكان تراجع الكتالوج والواقع اللي عندك في العربية .. الله اعلم ممكن يكون فيه غلط بس انا ملقتش عندي لحد دلوقت

- معظم الاجزاء الفعلية في العربية مكتوب عليها الPart Number بشكل واضح اما كتابة بارزة او محفورة او على ستيكر مطبوع

- الكتالوج ب 5 لغات .. عشان الناس اللي ثقافتها روسي او الماني او فرنساوي او اسباني يعرفوا يقروا :D وبالنسبة للغلابة اللي زيي بتوع الانجليزي طبعا موجود .. وممكن تعمل كوبي من الملف على جوجل ترانسليت لو فيه كلمة او جملة مش فاهمها يترجمهالك .. او ممكن تسأل هنا

- الكتالوج في الاول بيشرح ازاي تستخدمه وازاي تقرا الاكواد اللي فيه .. وعربيتك بيبقى ليها رقم فرعي على حسب الاوبشن والموتور اللي راكب .. هتلاقيه مفصل الكلام دا عشان احيانا بيكون فيه اختلاف في الاجزاء بس دا مبيبقاش كتير يعني .. مجرد بس فروق الشكل

- الكتالوج مبيقولش تفك وتركب ازاي .. هوا بيقولك الاجزاء الموجودة في كل مكان ورسمة توضيحية ليها عشان لو حسيت ان فيه حاجة ناقصة او اتكسرت تعرف ايه هيا

فيه كتالوجات تانية Service Manual بيقولك ازاي تفك وتركب كل حاجة في العربية بالصور .. دا هرفعه لما ارجع من السفر باذن الله :)

هى الشركة المصرية للتجارة والتوكيلات حاجتها اصلى ومضمون ولا ايه بالظبط وفينها بالظبط فى التوفيقية
ومين احسن فى بيع قطع غيار السمارا الشركة المصرية ولا سيد نصار ولا حمدى لادا
ارجو الرد على سؤالى بالتفصيل

ببلنسبة للسيرفو انا جيبت واحد جديد وهو كويس بس لو كنت اعرف انه فيه منه استيراد كنت جيبته بس انا عرفت متاخر لان الاستيرادارخص من الجديد يجى نص التمن يعمله من 100 الى 150 جنيه

هى الشركة المصرية للتجارة والتوكيلات حاجتها اصلى ومضمون ولا ايه بالظبط وفينها بالظبط فى التوفيقية
ومين احسن فى بيع قطع غيار السمارا الشركة المصرية ولا سيد نصار ولا حمدى لادا
ارجو الرد على سؤالى بالتفصيل