فقط لمحترفى و محبى تحسين الاداء

صباح الفل على احسن واجدع منتدى فى الدنيا

بعد تفكير عميق استعنت بالله وقررت احسن اداء العربيه رغم انها بسم الله ماشاء الله مش محتاجه حاجه بس اعمل ايه بس مجنون تحسين اداء

انا معايا جين تو اوتوماتيك 2011 ولسه ما كملتش 10000 كيلومتر
انا عارف ان ناس كتير هتقولى لسه بدرى وملوش لزوم بس بجد انا حابب العربيه قوى ونفسى اجيب افضل ما فيها واطلع العفريت اللى جواها عشان كده انا عايز performance upgrade

وبما انى فاشل فى العربيات (معرفتى بميكانيكا و كهربا السيارات زى معرفتى بللغه الروسى بلظبط) فقولت اسال خبراء المنتدى عن التحسينات اللى ممكن اعملها دون التاثير على كفاءه الموتور او عمره الافتراضى
يعنى بسمع عن تحسينات كتير بس مش فاهم اوى زى البيجوهات وفلتر الهوا السبور او الاير انتاك ونظام عادم سبور الخ الخ
افيدونى بالله عليكو ايه اللى اقدر اعمله علشان اطلع العفريت والعربيه تجيب كل اللى عندها

والف شكر مقدما على مشاركاتكم

والله هي الجين مش محتاجة
لكن لو هتحسن بشكل سليم دون التزويد عن الاحتياج يبقي ربنا يوفقك للخير ان شاء الله
تقبل مروري اخي

بوجيهات رياضية + فلتر + هايدر كامل + فلتر رياضي
لو معاك أكتر ركب تربو + عدل نظام الفرامل + عفشه رياضية زي كوني مثلا" + طقم جنوط

وكل حاجه في دول ليها تفاصيلها
تحب تبدأ بايه ؟؟؟

http://www.nilemotors.net/Nile/178393-a.html

االفلتر و الانتيك ساهل قوي بس حاول تطول الانتيك علشان تجيب جسم الفلتر في ابعد نقطة ممكنة بعيد عن سخونة الموتور و الا حيسحب هوا سخن ودة نسبة الاوكسوجين فية اقل من الهوا البارد
لبوجيهات الاسبور اعتقد انها مضيعة فلوس الالو حتعدل نظام الاجنشن من اولة و تركب جهاز msd ودة مش متوافر و برضة مش الهورس باور الي في دماغك
نظام العادم كويس بس طبعا تركب علبة اصلي و موجود استعمال كتير و تشدلها مثلا ماسورة 2 بوصة او 2.5 على حسب و يا سلام لو تكون ستانلس ستيل وتروح لواحد فاهم يكوعهالك
اما الهيدرز فلازم ينطلب من برة ويكون نازل لموديل عربيتك لانة بيبقى مصمم بطريقة مخصوص لان ضرب بساتم كل موتور مختلف عن التاني حتى و لو بفارق بسيط بس بيفرق مفيش حد يقوللك دة ينفع و تركبة و يحصل بعد كدة ما لا يحمد عقباة و معتقدش فية حد يقدر يفصلة علشان السبب الي قولتهوللك و لانة بيتعمل من الاستانلس ستيل او الاستانلس المبطن بالسيراميك و طبعا عبال ما في حد يعرف يعمل الكلام دة هنا تكون مصر اخدت كاس العالم
اما الجنوط و الكاوتش مش محتاج لان بتوع الجنوط ماليين الدنيا
اما تركيب تربو محتاج تغير نص الماكينة تقريبا (عمود كرنك و بساتم و شواكيش) الالو حتمشي علي بووست واطي و محتاج حد فاااااهم يركبه ومنة موديلات يونيفرسال كتير تركب لاى عربية بس حتحتاج تغير حاجات كتير من اول طرمبة البنزين و الرشات لغاية الفرامل(الي يحضر عفريت لازم يعرف ازاى يصرفة)
و بالتوفيق
اتمنى اكون افدتك بالمعلومات المطلوبة

اقتباس:

---

المشاركة الأصلية كتبت بواسطة RACR

االفلتر و الانتيك ساهل قوي بس حاول تطول الانتيك علشان تجيب جسم الفلتر في ابعد نقطة ممكنة بعيد عن سخونة الموتور و الا حيسحب هوا سخن ودة نسبة الاوكسوجين فية اقل من الهوا البارد
لبوجيهات الاسبور اعتقد انها مضيعة فلوس الالو حتعدل نظام الاجنشن من اولة و تركب جهاز msd ودة مش متوافر و برضة مش الهورس باور الي في دماغك
نظام العادم كويس بس طبعا تركب علبة اصلي و موجود استعمال كتير و تشدلها مثلا ماسورة 2 بوصة او 2.5 على حسب و يا سلام لو تكون ستانلس ستيل وتروح لواحد فاهم يكوعهالك
اما الهيدرز فلازم ينطلب من برة ويكون نازل لموديل عربيتك لانة بيبقى مصمم بطريقة مخصوص لان ضرب بساتم كل موتور مختلف عن التاني حتى و لو بفارق بسيط بس بيفرق مفيش حد يقوللك دة ينفع و تركبة و يحصل بعد كدة ما لا يحمد عقباة و معتقدش فية حد يقدر يفصلة علشان السبب الي قولتهوللك و لانة بيتعمل من الاستانلس ستيل او الاستانلس المبطن بالسيراميك و طبعا عبال ما في حد يعرف يعمل الكلام دة هنا تكون مصر اخدت كاس العالم
اما الجنوط و الكاوتش مش محتاج لان بتوع الجنوط ماليين الدنيا
اما تركيب تربو محتاج تغير نص الماكينة تقريبا (عمود كرنك و بساتم و شواكيش) الالو حتمشي علي بووست واطي و محتاج حد فاااااهم يركبه ومنة موديلات يونيفرسال كتير تركب لاى عربية بس حتحتاج تغير حاجات كتير من اول طرمبة البنزين و الرشات لغاية الفرامل(الي يحضر عفريت لازم يعرف ازاى يصرفة)
و بالتوفيق
اتمنى اكون افدتك بالمعلومات المطلوبة

---

ya ragel danta mesh afadto danta afalto men el 3arabeya kolaha ! :D

عايز توصل لايه ؟؟؟ دا اهم سؤال لازم تساله لنفسك قبل ما تفكر في اي تعديلات ؟؟؟

1.عايز تزود ال Hp كمان 10 - 20 - 30 - 50 - 100
2.عايز تزود ثبات العربية
3.عايز تحسن الفرامل
4.عايز تغير في الشكل
5.عايز اعمل حاجة من كل حاجة !!!

لازم تجاوب على السؤال دا علشان الناس تعرف تفيدك ......

متابع جدا ... علي رواقه كده :))

من ضمن الاضافات المفيدة

Ultra racing strut bars

انا مركب فل اير انتيك ( Boxed ) و مش محتاج اداء اعلي من كدة في الوقت الحالي ..

متااااااااااابع بجنوووووووووون

طب نصايح تعديل الفرامل أيه؟

اقتباس:

---

المشاركة الأصلية كتبت بواسطة m.3abdel3al

عايز توصل لايه ؟؟؟ دا اهم سؤال لازم تساله لنفسك قبل ما تفكر في اي تعديلات ؟؟؟

1.عايز تزود ال hp كمان 10 - 20 - 30 - 50 - 100
2.عايز تزود ثبات العربية
3.عايز تحسن الفرامل
4.عايز تغير في الشكل
5.عايز اعمل حاجة من كل حاجة !!!

لازم تجاوب على السؤال دا علشان الناس تعرف تفيدك ......

---

زي ماقاللك الأستاذ عبد العال
انت اصلا عايز تحسن ايه ؟؟؟

متااااااابع

مادام الموضوع افتح عايز من اصحاب الخبره ايه افضل بوجيهات يعني الاسم او الموديل علشان لما اروح اشتريها وشكرا