مبادرة الأستعانه بالمياه كبديل عن البنزين

**mmaaggddyy** · 23-03-2012 05:29 PM

المشاركة الأصلية كتبت بواسطة ezatooo

السلام عليكم

أخواني أعضاء المنتدي
نظراً لنقص كميات الوقود وما تسببة من اضرار وارتفاع الباهظ في ثمنها كنت أفكر وأنتم معي في مبادر لكل فرد يمتلك معلومة في هذا الموضوع لنقوم بمناقشتها وطرحها علي الأعضاء لتعم الأستفادة للجميع . ونخرج من هذه المبادرة لواقع عملي ينفذ .

من خلال قراءتي لبعض المواقع المنفذة لهذا المشروع وجت انها فكرة ناجحة ومنفذة بالفعل وان الماء تستطيع ان تسير به السيارة مدة كبيرة ويكون الناتج من العملية هو ماء ايضاً

الله الموفق لما فيه الخير

يتبع بأذن الله

لو عاوز معلومات عن هذا الموضوع خش علي هذا الرابط :- (منقول من موقع آخر) :- https://www.facebook.com/pages/%D9%8...409793?sk=info للامانة عرفته من زميل فاضل في موقع آخر .

**hossam_nasr** · 23-03-2012 06:40 PM

السلام عليكم
انا مركب الخلية دى فريجاتا و وفرت معايا حوالى 40الى 50 % و مقدرتش اطورها اكتر من كدا علشان الخامات و الامكانيات عندنا محدودة و كمان فى دائرة الكتونية بتتعمل مش لاقى كل مكوناتتها و ادينا لسة بنحاول بحيث تتعمل بارخص التكاليف والله المستعان

**abdalah_hashem** · 23-03-2012 07:03 PM

فكرة المياة هى الاتى :-
اولا : االعربية شغالة بالهيدروجين وبدلا من تركيب خزان هيدروجين وملئة بالهيدروجين ودة مش متوفر فتعمل بالهيدروجين المستخلص من الماء

1- بتعمل عملية تحليل كهربى للماء عن طريق وضع سلكين الكهرباء الارضى والكهرباء فى الماء بحيث ميكونوش لامسين ويطلع غازين هيدروجين واكسجين بتاخد الاتنين ويدخلوا الموتور بدل البنزين

الهيدروجين يشتعل بفرقعة والاكسجين يساعد على الاشتعال

ويشتغلة زى البنزين عادى بس طبعا بيبقى فى اختلاف فى وقت الشرارة بتاعت البوجية لان الضغط اللى الهيدروجين لما يتحرق عندة يديك فية القوة الكافية لتحريك البساتم مختلف عن البنزين
وكمان الهيدروجين دة مش بيبقى كفاية الموضوع مش بسيط ولا سهل دة عايز دراسة متعمقة عن طبيعة احتراق غاز الهيدروجين وتبقى عارف الموتور فى كل لحظة حالتة اية

الموضوع دة بى ام عاملاة فى عربيات تجريبية بتاع الهيدروجين

شوف الفيديو دة وكمل منة باقى الفيديوهات وهتلاقى حاجات كتير ان شاء الله تفيدك

Chevrolet 2006 HHR Water For Fuel - HHO Gas Part 1 - YouTube

**mazagngi2010** · 23-03-2012 07:04 PM

المشاركة الأصلية كتبت بواسطة hossam_nasr

السلام عليكم
انا مركب الخلية دى فريجاتا و وفرت معايا حوالى 40الى 50 % و مقدرتش اطورها اكتر من كدا علشان الخامات و الامكانيات عندنا محدودة و كمان فى دائرة الكتونية بتتعمل مش لاقى كل مكوناتتها و ادينا لسة بنحاول بحيث تتعمل بارخص التكاليف والله المستعان

ممكن تفاصيل اكتر

**hossam_nasr** · 23-03-2012 07:37 PM

اول حاجة لازم تجيب ستنلستيل رقم 316 ودة احسن نوع بيدى احسن انتاج للهيدروجين
2: تفطع شرايح على حسب حجم الوعاء اللى حتستخدمه انا بستخدم فلتر مياة مرحلة واحدة الشفاف علشان اشوف التفاعل و لون اليه لو اتغير
3: نفرض انك قطعت 10 شرايح حتوصل كل خمسة مع بعض علشان مجموعة سالب و التانية موجب
4: حترتب الشرايح +-+-+- و هكذا و تعزل مابينهم و تخلى المسافة بين كل شريحة والتانية 2 ملى
5: حتوصل الطرفين اللى جايين من الشرايج بغطاء الوعاء علشان توصلهم بالبطارية
6: لازم الغطاء يكون محكم و تعمل فيه خرم علشان تاخد منه الهيدروجين عن طريق وضع خرطوم رفيع زى بتاع البنزين
7: حددخل الخرطوم على فلتر الهواء اللى رايح على الكربيراتير
8: طرف الكهربا اللى جاى من البطارية على الخلية اقطعه و حط مفتاح اوتوماتيك زى اللى فالبيت و يكون 30 امبير كحماية و دة مهم جدا جدا اوعى متحطهوش
اول ما توصل و تشغل حتشوف التفاعل بس اوعى تقول اجرب و احط نار اشوف دة غاز ولالا لانه شديد الاشتعال و كانه قنبله اصل انا عملت كدة مرة و فرقعت العلبة بس ربنا ستر هههههههه

وشغل و جرب
على فكرة فى شوية اضافات حبقى اقولك عليها لو فعلا حتنفذ

**د.أحمد السعيد** · 23-03-2012 08:26 PM

متابع
كلام جميل جدا

**m7mda7md** · 23-03-2012 10:14 PM

كلام كبـــــــــــــــــــــــ ــــــــــــــــــيــــــ ـــــــــــــــــــــــــ ـــــــــــــر

**ezatooo** · 24-03-2012 01:29 PM

المشاركة الأصلية كتبت بواسطة hossam_nasr

اول حاجة لازم تجيب ستنلستيل رقم 316 ودة احسن نوع بيدى احسن انتاج للهيدروجين
2: تفطع شرايح على حسب حجم الوعاء اللى حتستخدمه انا بستخدم فلتر مياة مرحلة واحدة الشفاف علشان اشوف التفاعل و لون اليه لو اتغير
3: نفرض انك قطعت 10 شرايح حتوصل كل خمسة مع بعض علشان مجموعة سالب و التانية موجب
4: حترتب الشرايح +-+-+- و هكذا و تعزل مابينهم و تخلى المسافة بين كل شريحة والتانية 2 ملى
5: حتوصل الطرفين اللى جايين من الشرايج بغطاء الوعاء علشان توصلهم بالبطارية
6: لازم الغطاء يكون محكم و تعمل فيه خرم علشان تاخد منه الهيدروجين عن طريق وضع خرطوم رفيع زى بتاع البنزين
7: حددخل الخرطوم على فلتر الهواء اللى رايح على الكربيراتير
8: طرف الكهربا اللى جاى من البطارية على الخلية اقطعه و حط مفتاح اوتوماتيك زى اللى فالبيت و يكون 30 امبير كحماية و دة مهم جدا جدا اوعى متحطهوش
اول ما توصل و تشغل حتشوف التفاعل بس اوعى تقول اجرب و احط نار اشوف دة غاز ولالا لانه شديد الاشتعال و كانه قنبله اصل انا عملت كدة مرة و فرقعت العلبة بس ربنا ستر هههههههه

وشغل و جرب
على فكرة فى شوية اضافات حبقى اقولك عليها لو فعلا حتنفذ

السلام عليكم

الله ينور عيك والله انت استاذ وكلامك صح 100% 100%

اولاً : احنا عايزين طريقة لتجديد المياه المعكرة نتيجة فصل الهيدروجين عن الأكسجين وبكده بدل مايتم توقف السيارة وتغيير المياه يدوي تتغير اتوماتيك .
ثانياً : بالنسبة للتطوير المشروع ده ماهي الدوائر اللأكترونية اللأزمة وفكرة عملها لتحديد المكونات المطلوبة للتصنيع .
ثالثاً : امكانية عمل جهاز منزلي لتعبئة اسطوانات غاز محمولة مثل اسطوانات الغطس انا كنت غواص وضغط الأسطوانة بيوصل ل200 بار ويمكن حملها ممتلئة بسهوله .
رابعاً : الناتج من حرق الهيدروجين هو مياه نقية بنسبه 100% ولا يوجد اي غازات ضارة علي الأطلاق .

السؤال هو ؟

كم خلية تحتاج السيارة لتسير بالسرعة العادية أو العالية لأنة معروف ان كلما زات سرعة السيارة زاد السحب علي الوقود .

يتبع بأذن الله

**m7mda7md** · 24-03-2012 02:06 PM

طيب طالما ناتج التفاعل مياه نقيه ‏،ممكن الناتج ده يستخدم بعد كده و يتحط في الخليه بحيث تكون دوره مغلقه بس اكيد هيكون فيه فقد في الميه و الا كده هنحصل علي عربيه بتمشي من غير اي وقود و دي حاجه عظيمه جدا حتي لو اقصي سرعه ليها 50 او 60‏ كيلو ف الساعه

-

الموضوع: مبادرة الأستعانه بالمياه كبديل عن البنزين

LinkBack

أدوات الموضوع

عرض

-

-

-

-

-

-

-

المواضيع المتشابهه

مبادرة من الاعضاء تتماشي مع مبادرة الادارة

الطريق الحلزوني كبديل للطريق الدائري وربطه بكوبري 7 أكتوبر

mac mini كبديل للابتوب

هل يمكننا تشغيل السيارات بالمياه بدلاً من البنزين ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة