عرض للطباعة
مهندس طارق
انا أشتريت سيارة لانسر 1300 خليجى وعاوز أعمل صيانة 1000 هل يتم تغيير الزيت والفلتر فى محطة البنزين أوأحسن فى التوكيل وماهو أحسن زيت موتور وسعر الفلتر وأنا من الأسكندرية أرجو أعطائى اسماء مراكز الخدمة والصيانة بالأسكندرية وهل مراكز الصيانة بتقبل التعامل مع السيارات الخليجى
ولك منى جزيل الشكر وعظيم الأحترام
اولا ممنوع الكتابة باللون الاحمر لأنة مخصص للادارة فقط (راجع قوانين المنتدى)
ثانيا انا معتقدش اصلا انك بتغير زيت ولا فلاتر ولا اى حاجة
ومستنين رد الباشمهندس طارق
أعتذر لكتابة باللون الحمر
ومستنين رد الباشمهندس طارق
أعتذر لكتابة باللون الأ حمر
ومستنين رد الباشمهندس طارق
استاذ أشرف أهلا بيك معانا في المنتدى وألف مبروك العربية
صيانة الألف ضرورية جدا وهي تغيير زيت وفلتر زيت ومراجعة على العربية بشكل عام
ممكن تتعمل في اي مركز خدمة معتمد أو اي مركز خدمة عادي والمراكز المعتمدة في اسكندرية هما المأمون والصفوة المذكورين في الصفحة دي
http://www.mitsubishi-motors.com.eg/services/aftersales/service.jpg
الزيت المناسب يكون اللي بيقعد 10 آلاف كيلو لأن موعد الصيانات بعد الآلف الأولى هي كل 10 آلاف كيلو متر ، وهو موبيل 1 وده المستخدم في التوكيل او شل لو بتفضل شل
سعر الفلتر الأصلي 50 جنيه وسعر الصيانة حوالي 65 جنيه في مراكز الخدمة المعتمدة الى جانب سعر الزيت موبيل وان حوالي 250 جنيه
ومراكز الخدمة المعتمدة بتقبل العربيات الخليجي والفرق ان الخليجي بيدفع تكلفة مصنعية الصيانة الأولى (صيانة الـ 1000 كيلو) اما المصري فالمصنعية دي مجانا
:clover: الف الف شكر للمهندس طارق على المعلومات القيمة :clover: