الموضوع: نويت اشترى كاميرا ومش عارف انواعهم ....

السلام عليكم ورحمه الله وبركاته ...

انا كنت بفكر انى اشترى ياما موبايل او كاميرا .... فكان فى دماغى سونى اريكسون اكسبيرا الجديد بكاميرا HD ..(مع العلم انى معايا نوكيا 95 واشتريته من 5 سنين عشان الكاميرا بتاعته اول مرة تنزل 5 ميجا اوبتيكال ) ..

وقررت انى اشترى كاميرا ديجتال او هاندى كاميرا او حتى برو ... المهم ميزانيتى 1500 جنيه ..

دلوقتى انا مش عارف الفرق بين انواع الكاميرات اللى فوق وايه افضلهم (انا عارف ان ده على حسب احتياجاتى وده هكتبها فى اخر الموضوع ) .

وعلى حسب معلوماتى ... افضل الكاميرات (كانون - نيكون - سونى -فوجى )

يعنى انا شفت فى موقع الشناوى حاجات كتير ...مثلا

ديجتال كانون ... سعرها مناسب ..

Canon PowerShot A480

Canon IXUS 95IS

فوجى ...

Fujifilm FinePix S1000

Fujifilm FinePix S700

Fujifilm FinePix S1800

Fujifilm FinePix F72

حاجة كدا سعرها غريب على الميجا بيكسل ..
Fujifilm FinePix C20

سونى ... ومش عارف اسعارها غالية ليه ..
Sony DCR-DVD610

Sony DCR-HC54

Sony CyberShot W570

Sony CyberShot W350

Sony CyberShot W380

Sony CyberShot W320


اسعار السونى غريبة ... يعنى ممكن بتمنها اشتر اتنين BenQ ... مش عارف ليه ...

احتياجاتى ....
1- مش مهم الحجم ..
2- الميزانية 1500 جنية
3- الصور تكون نقية ....
4- الفيديو يكون واضح ..
5- بطارية تعيش وتصور كتير ...
6- مش مهم الزوم اوى ...
7- الاستعمال هيكون نظيف وقليل ( مش مهم الصيانة )
8- الميمورى تكون كومباكت ...





اهم حاجة ...... تقولولى الفرق بين الكاميرات اللى فوق والفرق بين الديجتال والبرو والفيديو ....

شكرا جزيلا....