لعنه الله علي الكيونت و ليتعفن مخترعوه في الجحيم

الحكايه ابتدت لما واحد معرفه ( انا مش عايز اعرفه اساسا ) فات عليا في البيت عشان ياخد رقمي الجديد فطبعا اتحرجت لانه واقف علي باب بيتي فقمت مديله الرقم بعدها ب 48 ساعه اتصل بيا و قال انه عايزني فشغل فقعدت اتهرب لحد النهارده انهارت مقاومه الحاحه و لزجاته و قلت اقابله و قابلته فعلا في كافي شوب تحت بيتي فاتلاقيته عايزني اشتغل معاه في الكيو زفت نت و جابلي واحد صاحبه و قعد يصدع دماغي لمده 3 ساعات في كلام ملوش وش من قفا و انا قايله انا مش هتشغل فيه حتي لو هشحت و لكن فضل يرغي برضه و لما اتلاقي ان مفيش رجا مني وشه اتقلب و حسسني اني حمار مبفهمش فقمت سايبهم و ماشي و ندمت علي ال 3 ساعات اللي ضاعوا دول ... بجد موضوع الكيو زفت نت ده بقه عامل زي السرطان و بعدين لما كل الناس تعد هتسوق لمين ؟ لسكان المريخ :khd:

هههههههههههههههه..نصب فنصب وبيستغلوا حاجة الواحد للشغل والربح السريع

نفس الحكاية معايا زميل ليا
قعد بتاعة ساعتين ع كافيه
يشرح ع ورق ومكسب هرمى ومكسب مضمون ومعرفش ايه
وفى الاخر دخلت من هنا وطلعت من هنا انا معنديش استعداد اقعد اقنع فى الناس كل يوم ع الاقل ساعتين وانا حاسس انى عايز انصب عليه واخيبه خبتى وتطير فلوسى مش لقيها فى الشارع ياعنى

انا فاضلى 2 فى المستوى الاول ..تيجى معايا :,:

لما تلاقى حد عامل نفسه حبيبك كده و خايف على مصلحتك .قوله ادفعلى من مكسبك و هبقى اردهملك من مكسبى :argue2:


اعرف واحد أجر الانترا 2011 شهرين ب 7000 جنيه علشان يوهم الناس انه عمل فلوس

ما انا سألته و قولتله طالما هي بتكسب كده اللي بيخليك تشتغل اصلا ؟ قام قايلي انا لسه مكلمتش سنه و قلتله بعد 4 سنين معاك رقمي و كلمني و قولي وصلت لايه و قمت سايبه و ماشي

ممكن يا جماعة حد يفهمني ايه موضوع الكيونت والتسويق الهرمي دة
انا لسة قارية عليه عالفيس ومش فاهمة اي حاجة
وايه اللي خلى الشيخ علي جمعة افتى بحرمانيتها وحرمانية التعامل معاها

http://www.nileup.com//uploads/images/s633ec8048e.jpg

لازم تقدر احساسه بانه "لبس" و محتاج حد تاني يشيل الليلة

اقتباس:

---

المشاركة الأصلية كتبت بواسطة nonetta

ممكن يا جماعة حد يفهمني ايه موضوع الكيونت والتسويق الهرمي دة
انا لسة قارية عليه عالفيس ومش فاهمة اي حاجة
وايه اللي خلى الشيخ علي جمعة افتى بحرمانيتها وحرمانية التعامل معاها

---

شوفي حضرتك لو ببتعاملي مع اوريفلام مثلا حتفهمي الفكرة اوريفلام لما تجيبلهم حد بيدوكي هدية عينية كده بس ده ميعتبرش شغل فيه مكسب ليكي
هي نفس الفكرة تقريبا

اول حاجة بتشتري سلعة مثلا ب 5000 جنيه وتتيح ليكي انك تحطي 6 اشخاص تحتك وكل واحد فيهم لو اشترى ب 5000 جنيه حتاخدي تقريبا 200 دولار مش فاكر الرقم بالظبط و ال 6 اللي تحتك لو كل واحد جاب فيهم يعني فرضا 6
حيدخلو هو 200 وحيدخلك برضو 200
بس شوفي الشركة كسبت قد ايه في كده

بس فيه شرط انك لازم تحطي 3 في كفة يمين و3 في الشمال

لو عندك في الكفة اليمين 1000 واحد والشمال 2 مش حتاخدي ولا حاجة :d


و3 في كفة شمال
------------------

طبعا البضايع كلها هجص
والموضوع هجص ونصب

شبه موضوع طلع من زمان كان اسمه البيز ناس وهو كله نصب x نصب

اقتباس:

---

المشاركة الأصلية كتبت بواسطة screenplays

الحكايه ابتدت لما واحد معرفه ( انا مش عايز اعرفه اساسا ) فات عليا في البيت عشان ياخد رقمي الجديد فطبعا اتحرجت لانه واقف علي باب بيتي فقمت مديله الرقم بعدها ب 48 ساعه اتصل بيا و قال انه عايزني فشغل فقعدت اتهرب لحد النهارده انهارت مقاومه الحاحه و لزجاته و قلت اقابله و قابلته فعلا في كافي شوب تحت بيتي فاتلاقيته عايزني اشتغل معاه في الكيو زفت نت و جابلي واحد صاحبه و قعد يصدع دماغي لمده 3 ساعات في كلام ملوش وش من قفا و انا قايله انا مش هتشغل فيه حتي لو هشحت و لكن فضل يرغي برضه و لما اتلاقي ان مفيش رجا مني وشه اتقلب و حسسني اني حمار مبفهمش فقمت سايبهم و ماشي و ندمت علي ال 3 ساعات اللي ضاعوا دول ... بجد موضوع الكيو زفت نت ده بقه عامل زي السرطان و بعدين لما كل الناس تعد هتسوق لمين ؟ لسكان المريخ :khd:

---

رزق الهبل علي المجانين او بالاحري (الطماعين في رزق سريع )

مفروض الانسان قبل مايدخل في اي موضوع يعرف هل هو حلال ولا لأ لكن حاليا بيسالو بيكسب كويس ولا لأ عشان كده ممكن يخدع اقرب الناس ليه عشان يكسب (هو في ظنه هيكسب)ده لو كسب شلن اصلا

رزق الهبل و المجانين علي الله بس هما الاتنين اسباب فقط في الارض و قاعد يقول اسماء مشاهير شغالين في الكيو زفت نت ده مش عارف علي ايه ؟ علي اساس انهم مش معاهم فلوس مثلا

http://sphotos.xx.fbcdn.net/hphotos-...94268544_n.jpg

اقتباس:

---

المشاركة الأصلية كتبت بواسطة ziours

شبه موضوع طلع من زمان كان اسمه البيز ناس وهو كله نصب x نصب

---

الله ينور عليك الكلام ده من سنه 2002 و اعرف ناس اتنصب عليهم من الموضوع ده

111111+

سؤال خارج الموضوع : انا طول عمري بستغرب انك حاطط صوره اللادا في توقيعك و لكن انتبهت للرقم دلوقتي فازاي الرقم ده راكب علي العربيه دي ؟ هههههههههههههههههههه

دار الافتاء المصريه والازهر اصدر فتوي بتحريم التعامل مع الشركة دي وعلي الرغم من كده تلاقي الناس المشتركه بتقول ان الشيوخ دول ميعرفوش اساسا الشركه شغاله ف ايه واصدروا الفتاوي دي من كلام الناس
ربنا يهدي