حاسس ان انا هعمل حادثة ! !

**Donzi** · 24-03-2012 02:18 AM

المشاركة الأصلية كتبت بواسطة hosam_optrawy

قدر الله وماشاء فعل

طبعا الحسد مذكور فى القرأن بس متحطش فى دماغك ان كل دا بيحصلك عشان الحسد دا قضاء وقدر فى الاول والاخر مكتوب

عموما نصيحتى ليك , طلع حاجه لله او ادبح خروف لو فى امكانيه

ظبط عربيتك لانى قريتلك مشاركه انك معملتش فيها حاجه من 5 سنين غير زيت فاكيد فى حاجات كتير محتاجه تغيير

شغل قرأن فى العربيه وقول دعاء الركوب زى مابتعمل حاليا

حاول تخف شويه من الشد والجرى

ربنا يستر طريقك ان شاء الله

+111111111111111111

تمام كدا
طلع فلوش لله او ادبح حاجة و سيب العربية مريحة شوية لحد ما الهاجس دا يروح من دماغك و بعدين توكل على الله و اركبها

**Ashraf_Ibrahim** · 24-03-2012 02:23 AM

خير يا حج احمد لا تقلق
وتفاءل بالخير تجده
انا العربية جالها حالة كدة 3 اسابيع ورا بعض يحصلها حاجة لحد ما عملت موضوع في هيوناي تقريبا كان عنوانه قولولي اعمل ايه
هههههههههههههههههه
ازاز اتكسر وبطارية باظت واتخبطت من اتوبيس وهي واقفة وحجات عظيمة
بس ايا ما كان متخليش الوساوس تسيطر عليك
عربيتك كويسة جدا
كل اللي بيحصل دا عادي جدا ومكتوب انه يحصل مهما كنت حريص ومهما كنت حويط
امهر ناس في السواقة وبيتخبطوا ايه المشكلة؟
عربيات بتبقا في مكانها وتتخبط
عربيات تركنها سليمة تيجي تشغلها تلاقي فيها حاجة بايظة فعادي جدا متقلقش
كل ما في الامر اقرا دعاء الركوب
وشغل قرآن وطلع صدقات كتير متنساش ان الناس ليها حق في فلوسك
وقول الحمد لله ولا تقلق واخرج بعربيتك عادي جدا
وادعيلي وابقا هاتهالي اجربها :D
بس امضيلي اقرار انك مسؤول عن اني اجربها وانك اتحايلت عليا عشان اعمل كدة :lol:

**Sehsss** · 24-03-2012 07:01 PM

لا حول ولا قوة إلا بالله

**ashouhdy** · 24-03-2012 07:36 PM

طول مانت خايف حتتخبط ذيى بالضبط

ليا واحد معرفة ميعرفش فى السواقة حاجة وبيرمى العربية فى اى حتى وبعيد عن الرصيف متر و مبتتحكش (عشان مش فى دماغة)

وانا بركنها مسطرة ومحافظ عليها جدا انزل الاقيها مخبوطة

سبحان الله

**SYD** · 24-03-2012 09:01 PM

ازيك يا حاج احمد
دة كلام دة
يا راجل دي حاجات بسيطة
ربنا يحفظك ويستر طريقك
بص كل كلام الناس دة صح وحلو
انا كمان عربيتي لما عملتها معايا عملتها من وسع اوي لدرجة خلتني مش عارف ابدأ منين وانتهي فين
كل حاجة فيها باظت تماما ووقفت اكتر ما مشيت
ولو قلتلك ايه الي حصل مش هتصدق بس انا عامل بيه موضوع كبير جدا في قسم السيات

الحسد ، وارد وانا ماجبش اجل وداغ العربية غير الحسد والحمد لله بفضل الله
العربية بوظها فقر ، احتمال وكنت قربت اصدقه

الحل السحري
دعاء الركوب
دعاء الخروج
الزكاة

الأدعية معروفة وذكرها احد الأخوة من شوية

الزكاة حاجة غريبة يمكن محدش يعرفها كتير او هيقول اني بفتي من دماغي بس هو دة رأيي

الرسول عليه الصلاة والسلام قال ايه ؟؟
العين تزني وزناها النظر
وقال بردو
ما نقص مال عبد من صدقة
بص يا احمد بدون مقدمات كتير
انا اقصد ان زكاة الشئ منه هو نفسه وبردو احيانا الحاجة هي نفسها تكون معصية
يعني مثلا زكاة المال - اخراج المال
زكاة الصحة - اني مثلا احج او اساعد حد
زكاة العلم - نشره
زكاة العربية - اساعد بيها او اوصل حد مزنوق او اعمل بيها هي نفسها خير

مش هضحك عليك
انا ماكنتش بعمل كدة الفترة الي فاتت من ساعة لما جبت العربية الأبيزا
بالعكس
كنت بهرب من اي حوار هتدبس فيه بتوصيلة بعربيتي
مش عارف ليه عملت كدة بالعربية دي
في حين عربيتي الي قبلها كنت ممرمطها وعاملها تاكسي وسبيل لله وبالتالي كانت ماشاء الله عليها لا عمرها باظت ولا عمرها عطلت يوم ولا عمرها كسفتني
سبع سنين بحالهم وقفت فيهم 4 ايام فقط عشان البطارية كانت انتهت ومرة وقفت 3 ايام عيب في الفرامل
غير كدة مشيت سبع سنين ماوقفتش لدرجة كان بيجي عليها ايام تمشي بال12 ساعة في اليوم

حاول تزكي بعربيتك

وشوف النتيجة بعد كدة

والله المستعان
،
،