الى اصحاب الخبرة ياريت تقولولى اجيب اية اهم حاجة فى المحل عشان انا فتحت بالفعل
ولسة مبتدى فية ومين التجار الكويسسين الى اجيب منهم من التوفيقية يارايت الافادة اهم حاجة يكونوا بيبعوا بالجملة
الى اصحاب الخبرة ياريت تقولولى اجيب اية اهم حاجة فى المحل عشان انا فتحت بالفعل
ولسة مبتدى فية ومين التجار الكويسسين الى اجيب منهم من التوفيقية يارايت الافادة اهم حاجة يكونوا بيبعوا بالجملة
مبروووووك عليك المحل وان شاء الله ربنا يرزقك من وسعه بأمر الله
بدام فاتح اكسسوارات وكماليات يبقى الاول تجيب سنسور بارك
انذار
زينون
فوجات لعربيات مختلفة
فوحات
ليدات
كفرات لطارة الدركسيون
مخادع الراس
والسفنج اللى بيتحط على الكراسى اللى قدام اللى ب50 جنيه الواحدة دة
واكتر تجار جملة مشهورين فى التوفيقية
السجان
والشركة الدولية
طيب عملت ايه في موضوع محل الزيت؟
وفتحت إزاي من غيرماتجيب بضاعة ؟؟؟؟؟؟؟؟؟؟؟؟؟
والأهم طبعا
=====
تحدد نوع الزبون بتاعك
=====
يعني شغلك هيكون على العربيات الملاكي..ولا على النص نقل..ولا على الميكروباصات
وده بيتحدد
حسب المنطقة الي انت فاتح فيها
لو قريب من موقف ..هيبقا معظم شغلك على الميكروباصات والنص نقل
والنوعية دي لها إكسسوار مختلف عن الملاكي
.
أنا شايف إنك تجيب الحاجات الرخيصة الأول
يعني
ستيكرات - مخادع - كاسيتات صيني - سماعات صيني رخيصة - طقم سماعات واحد بس من نوعية محترمة وليكن بايونير - كاسيت واحد بس نوعية محترمة بايونير او سوني - علامات العربيات - بادجات - لمبات بأنوار مختلفة
خد بالك محلات الاكسسوار مش إكسسوار بس
لا
بتلاقي فيها حاجات تانية ..كتاوت مسامير أسلاك كهربا شكرتون ................إلخ من رفايع الصنايعية
وتشوف أقرب الصنايعية ليك..وتشوف هما بيحتاجوا يشتروا ايه من المحلات..وتوفره ليهم
وشغل دماغك وانت تلاقي كل حاجة سهلة
وربنا ييسر ليك الأمور
ابدا بالحجات اللى ماشية اللى بيحبوها بتاع التكاتك والنص نقل وكدة
بعد كدة شوف الحجات اللى مطلوبة من الملاكى وكل ميتطلب منك حاجة مثلا تسجلها وتقولة جية يوم كذا وهكذا بقى لحد متعرف اكتر الحجات اللى ماشية
ربنا يوفقك..ومتنساش تعمل خصومات خاصة لنايل موتورز :d
لا انا موضوع الزيوت مش انشاء الله قريب بس بالنسبة للاعضاء يعنى فى خصم كبير طبعاااااااااااااااااااااا اااااا
مش محتاجة كلام انشاء الله بس لما افتح انشاء الله هقولكوااااااا انا لسة فى التشطيبات الاخيرة
انتو بالامانة والله اخواتى وانشاء الله لما افتح هعملوكوا كل الى انتوا عاوزينوا
كدة تمام اوى الكلام داااا كلة بس عاوز اعرف انتو بتجيبوا منين من التوفيقية ويارايت تقولولى على التجار المحترميين عشان انتوا عارفيين الغش كتيررررر
انت الأول تعرف الحاجات الي هتجيبها ايه ؟
وتشوف سعرها في السوق كام
وليكن مثلا الــ سارينة
شوف بتتباع في المحلات بكام .. وليكن بــ 200 ج
انت تنزل تشوفها في التوفيقية بعد ماتعرف صاحب المحل الي هتشتري منه بكام ..وليكن بــ 150 ج
يبقا انت تشوف الــ 50 ج مكسب فيها..كويس معاك ولا لأ
ولو تقدر تجيبها بــ 130 أو كمان أقل ... حاول
وتلف وتسأل
وتجيب ورقة وقلم..وتلف على كـــــــــل محلات التوفيقية محل محل
وتعرف سعر الحاجة الواحدة في كل المحلات كام
وتشوف الأرخص
وتفاصل .. وتناهد فيهم لحد ماتجيب أقل سعر
المهم زي ماقولتلك
تحدد زبونك الأول ..ملاكي ولا ميكروباص ولا نص نقل ولا تكاتك
كل نوع فيهم..له إكسسواراته
وربنا يفتح ليك باب رزق .. يغنيك ويرضيك