هات 100 جنية بس دلوقتى حالا
قاعد فى امان الله وفجاة التليفون رن
لاقيت صاحبى بيكلمنى ويقولى انت فين
قولتله فى البيت
قالى طيب هات 100 جنية دلوقتى وانزل
ياابنى فى حاجة طيب
اة فى هات بس الفلوس ولما تنزل هاشرحلك
انا اللى جة فى دماغى ان فى مشكلة ولا حاجة وكنت شايل فلوس كنت رايح تانى يوم ادفعهم فى التعاقد بتاع الغاز عندى فى الشقة قمت ساحب منهم 100 ج وفى دماغى انى افكلة زنقتة واتصرف انا فيها بعدين
المهم نزلت قابلتة قالى فين الفلوس
اديتة الفلوس وقلتلة فى اية بقى
قالى لما نقعد هافهمك
المهم وصلنا الكافية وقعدنا
اية يا ابنى خطتنى فى اية
قالى انت عارف انى صاحبك ومش هارضالك الازية ولا هاحطك فى حاجة مش مضمونة وكلام كدة كتير
المهم انا اول لما لاقيت الكلام ككدة فهمت على طول بس قولت اسيبة يكمل كلامة
كمل كلامة كتير اووووووى افلمهم فى الاخر طلع الحوار انة فى شركو شبيهة بكيونت
طيب انت يا عم الحاج اية مصلحتك وكمان انا اية مصلحتى
قالى التيشرتات اللى انت هاتاخد منها طالعة من الورشة عندى وكمان انا ليا مصلحة من الناس اللى هاتيجى تحتينا
من هنا لهنا خد ال 100ج طبعا بعد محاولات كتير وتحت شعار لما ادفع اللى عليا هاجيبلك ال 100ج
وطبعا اتصل بيا بعديها كتير علشان نقعد بس انا عمال اتهرب لغاية ما الاقى سبب اخلع بية لانى صاااحبى جدا ومش عايز ازعلة منى
قولولى بقى اية رائيكوا فى الحوارات دى