دا برود ياباشا فكك منه وقوله مع نفسك وهاتهاله صريحه
عرض للطباعة
قوله هو انا باجي استحمي في حمامكوا عشان اساهم في اصلاحه ؟
السلام عليكم و رحمة الله و بركاته
اللى حمامه بينقط هو اللى يشيل الليلة, الا اذا كنت أنت راجل غنى أوى و جارك ده فقييييييييييييييييير أوى, و أنت عاوز تساهم معاه من باب الانسانية, يبقى كلام تانى, لكن العادى, أنه هو اللى يشيل الليلة.
قال يبعتلك الفاتورة قال !!!!!!!!!!!!!!!, مابعتلكش العيال ولاده, ياخدوا منك المصروف الصبح ؟؟؟!!!!!
ايه الاستهبال و القرف ده, هتخلوا الواحد يتوقف على الفاضى و لا ايه.
المشكلة دى بصراحة مقرفة جداااا وبتسبب حساسيات كبيرة بين الجيران
بس لازم فيها الصراحة عشان يبقى الكل على نور
وطبعااا كل واحد بيشيل ليلتة
أنا مختلف معاكم ..
الماسورة فى بيته أيوه ، لكن أنا اللى متضرر ..
هو ماكانش متضرر حاجة وعملها عشانى.
لو ماعملهاش ماكانش هيخسر حاجة.
بس التصليح عمل له قلبة فى بيته وصنايعية داخلين خارجين
وكل ده عشانى.
أعتقد من اللياقة المساهمة فى المصاريف بالنصف.
اصل خلي بالك يا باشا كمان أنتا تحت رحمتك بمعنى مدام هو أشيم توقع منو اي حاجة مثلا انو ممكن يخلي العيال تتنطط فوق السقف بتاعك في عز الليل وساعتها يا فرحتي لا نتعرف تنام ولا نتعرف ترتاح المشكلة في الناس نسوي يعني إيه جار وان. الرسول وصانا عليه والمشكلة كمان السكاكين الي معبده مش زحمة والضمير بس أنا عجوز اقول لحضرتك حاجة في موسير زي الشريف البلاستيك المصنع باعها بعد ما السباك يركب ويخلص كل حاجة لازم تتصل على المصنع بيجو يشكو مجانا على شغل السباك ويدو جوائز للسباك اذا شغلو مزبوط وربان يوفقك
ام الآي بااااااد مش عارف اكتب فيه كلمتين على بعض وبدل ما يصحح الكلام بيخلي كلامي غير مفهوم أنا أسف
الزملاء بيقولو اللي المفروض يحصل نظريا
لكن في ارض الواقع
المتضرر بيتحمل نصيب في التكاليف
يعني مثلا انا حصل معايا موقف مشابه من كام سنة
والراجل م الآخر قالي مش عامل حاجة ومش معايا فلوس اكسر ارضية الحمام واركب غيرها
عاوز اقولك اني عملت محاضر وشكاوي ف الحي وخناقات وبهدلة ومعرفتش اعمل اي حاجة وفضلت المية ترشح عندي وتنقط بغزارة شهووووور .... وقلبت حياتي جحيم
وف الاخر الجيران كلهم تدخلو وقسمنا التكاليف سوا
والمشكلة مش في التكاليف .... انا عارف اني ح ادفع من الاول
المشكلة ان هو رافض يكسر حمامه
الموضوع يتحل بالاتفاق والتراضي احسن
تخيل انه كبر دماغه وطنش وقالك مش مصلح حاجة
ح تعمل ايه ؟؟؟
محاضر وشكاوي ............... آسف في اللفظ ... بلها واشرب ميتها ... وعلى المتضرر اللجوء للقضاء ... ولما القضاء يبقى ينصف اللي مات ف التحرير يبقى ينصف اللي الحمام بتاعو بيرشح
خناق وقلة قيمة ..... بردو مش ح تقدر تجبره ع التصليح
ح تعمل ايييييية ؟؟؟؟
...
...
المفاوضة انك تدفعله جزء من التكاليف
25%....50% .... انت وشطارتك
انا مش باقولك غير الواقع من خلال تجارب شخصية
سيبك من النظري اللي مش ح تقدر تطبقه ومحدش ح يقدر يطبقه معاك وخليك ف الواقع
ده الواقع