الموضوع: يا ترى جارى بيفكر صح

المشاركة الأصلية كتبت بواسطة a7med_pharma

لقف

ساعتها عند بعند
وأقفل السكة عليه وهو نازل
أحط كراكيب كتيررررررررررررر على السلم..مايعرفش ينزل

ورخامة برخامة بقا

للاسف مينفعش لسببين
الاول-- مش هو لوحده اللى ساكن اعلى منى _ انا فى ال2 وهو فى ال3 والعماره 5ادوار
ثانيا -- مش هينفع لانه بيستخدم اسلوب - بعد انك -لو سمحت -لو ممكن - كلمات متسمحش لك
برد فعل عنيف - ولو استخدمت اسلوب وقح او شديد هبقى انا اللى بديت بالعداوه وانا اللى غلطان

المشاركة الأصلية كتبت بواسطة egyzizo

أنا مختلف معاكم ..
الماسورة فى بيته أيوه ، لكن أنا اللى متضرر ..
هو ماكانش متضرر حاجة وعملها عشانى.
لو ماعملهاش ماكانش هيخسر حاجة.
بس التصليح عمل له قلبة فى بيته وصنايعية داخلين خارجين
وكل ده عشانى.

أعتقد من اللياقة المساهمة فى المصاريف بالنصف.

غالبا هو كان هيطنش زى ال3 مرات اللى قبل كده
بس لما نديت على 2 من جيراننا - اعتقد هو اتحرج خصوصا لما واحد فيهم قال له انا اعرف السباك اللى فى المنطقة وقال له تعال بينا واخده معاه

المشاركة الأصلية كتبت بواسطة me_medoo

ام الآي بااااااد مش عارف اكتب فيه كلمتين على بعض وبدل ما يصحح الكلام بيخلي كلامي غير مفهوم أنا أسف

شكرا لاهتمام و تعب حضرتك بالرد
ومفيش احسن من الكمبيوتر فى سرعة الكتابة والرد ورغم كده الواحد بيغلط كتير فى الكتابة

المشاركة الأصلية كتبت بواسطة aif

الزملاء بيقولو اللي المفروض يحصل نظريا
لكن في ارض الواقع
المتضرر بيتحمل نصيب في التكاليف
يعني مثلا انا حصل معايا موقف مشابه من كام سنة
والراجل م الآخر قالي مش عامل حاجة ومش معايا فلوس اكسر ارضية الحمام واركب غيرها
عاوز اقولك اني عملت محاضر وشكاوي ف الحي وخناقات وبهدلة ومعرفتش اعمل اي حاجة وفضلت المية ترشح عندي وتنقط بغزارة شهووووور .... وقلبت حياتي جحيم
وف الاخر الجيران كلهم تدخلو وقسمنا التكاليف سوا
والمشكلة مش في التكاليف .... انا عارف اني ح ادفع من الاول
المشكلة ان هو رافض يكسر حمامه
الموضوع يتحل بالاتفاق والتراضي احسن
تخيل انه كبر دماغه وطنش وقالك مش مصلح حاجة
ح تعمل ايه ؟؟؟
محاضر وشكاوي ............... آسف في اللفظ ... بلها واشرب ميتها ... وعلى المتضرر اللجوء للقضاء ... ولما القضاء يبقى ينصف اللي مات ف التحرير يبقى ينصف اللي الحمام بتاعو بيرشح
خناق وقلة قيمة ..... بردو مش ح تقدر تجبره ع التصليح
ح تعمل ايييييية ؟؟؟؟
...
...

المفاوضة انك تدفعله جزء من التكاليف
25%....50% .... انت وشطارتك
انا مش باقولك غير الواقع من خلال تجارب شخصية
سيبك من النظري اللي مش ح تقدر تطبقه ومحدش ح يقدر يطبقه معاك وخليك ف الواقع
ده الواقع

يظهر انها هترسي على كده فعلا

انا من ساعت ما قريت الحكاية بتاعتك ... بقيت أقعد في الحمام أبص على السقف بتاعي وأفكر في مشكلتك ... وأقول يانهر أزرق لو يحصل معاية الموقف ده ... والتاني يقعد يقولي اصل عاوز سيرميكة كولبترا ولا سيراميكة فنيسيا ... وهتلي شكارة اسمنت وعوزين اسمنت ابيض واسمنت احمر واسمنت اخضر ... وياسلام بأه لو جاري الي تحت مني المجاري سربت عليه ...هههههههههههه هبعتلو الفاتورة على طول وأقلو بالنص يا معلم ... وعاوزين بالمرة طقم خلطات ايطالي علشان الحنفية متنقطش .

السلام عليكم و رحمة الله و بركاته

احنا حمامنا لما سرب على اللى تحتنا, صلحناه على حسابنا بالكااااااااااااااااااامل و بسرعة شديدة جدا.

الماسورة عنده فى بيته, آه, بس هو اللى بيأذى الناس بالقرف بتاعه, يبقى هو اللى يمتنع عن ايذاء الآخرين, ازاااااااااااااااى, أنه يصلح العيب اللى عنده, هو لازم يكون بيتأذى هو كمان عشان يصلح ؟؟!!!!