حد جرب موبيلات G tide الصيني المعتمدة ؟؟

**Donzi** · 24-03-2012 09:26 PM

المشاركة الأصلية كتبت بواسطة SHNORY

زباله و توكيلهم زباله
لو الموبايل راح التوكيل مش بيتغير غير بشكوي في حقوق المستهلك
انما لو شغال عادي بيبقي كويس
زيه زي اي صيني

المشاركة الأصلية كتبت بواسطة Egyzizo

جبت واحد لوالدتى فى عيد الأم اللى قبل الى فات وشغال معاها كويس
من شهر بس البطارية اتنفخت ، وغيرتها.
غير كده بتشكر فيه.
وامكانياته كويسة على فكرة بس الكاميرا عادية.
يعنى فيه تخصيص نغمات ، وتخصيص صور لكل متصل والحاجات الأساسية دى كلها.
وصوته كويس سواء صوت النغمات أو صوت المتصل أو المتحدث.

بس اختارى موديل عالى شوية (فوق الـ 200 جنيه)
علشان اللى أقل من كده بتبقى خامات ضعيفة وتحسى انه بلاستيك أطفال.

حيرتوني

**Donzi** · 24-03-2012 09:30 PM

المشاركة الأصلية كتبت بواسطة memo823000

انا معايا ال x1-01 ب 240 بس مالوش حل معايا
اترزع رزعات ولا الدمووووووع
بطاريه 4 ايام لانه اساسا 12 ساعه رغى
mp3 جميل جدا بجاك عادى بشغله على كاسيت العربيه بشريط من راديو شاك واى سماعه او صب يركب عليه
سماعه خارجيه عاليه ومجسمه من غير متخروش لما الصوت يعلى
كارت ميمورى خارجى يشتغل لحد 16 جيجا
كشاف
وطبعا خطين وصوته نقى جدا وعالى جدا ماشاء الله
العيب الوحيد مفهوش بلوتوث وانا مشفارق معايا لانه مش موبايلى الاساسى ده للمرمطه فقط
وادى مواصفاته
nokia x1-01 - full phone specifications

ولو عايز حاجه اعلى بخطين نوكيا نزلت حاجه كويسه ولسه جديده ونفس امكانيات اللى فوق وزود عليه خامات افضل شكل احسن و بلوتوث وكاميرا 2 ميجا وusb وكارت الميمورى ل 32 جيجا وبيدخل على النت وان شاء الله هيعجبك اسمها x2-02
وموجوده فى السوق فى حدود 450 جنيه و وادى المواصفات
Nokia X2-02 - Full phone specifications

ونصيحه بعد تجربة الجى تايد ابعد عنه تماما لان بطاريته اقل من يوم رغى وكمان بتتنفخ بعد استعمال اقل من سنه وصوته عالى على الفاضى من غير نقاء وخاماته شكل لى الفاضى
وطبعا طبعا النوكيا والسامسونج برقابته وكل قرش بتدفعه بتلاقيه حتى وانت بتغير
لاكن الصينى عامتا الفلوس اللى بتدفعها كانك بترميها
والله المستعان

ما انا عارفة النوكيا دول و في واحد كمان بخطين و كيباد اسمو نوكيا 200 بس سمعت ان هوا بيشغل خط و عشان يشغل التاني لاز يتعمل سويتش يعني توقف خط و تشغل التاني

اللي عجبني في الجي تايد دول موديل g 808 عشان بيتفتح و يتقفل و فيه كيباد برضو و الوان و حركات

عشان كدا قلت اسأل على التقييم لان الموضوع مش شكل و بس

بس ايه حكاية البطارية اللي بتتنفخ دي غريبة اوي

**Donzi** · 24-03-2012 10:16 PM

طيب ايه سبب انتفاخ البطارية دا ؟؟ و هل كل الموديلات بيركبلها بطارية نوكيا ؟؟

**Mzeid** · 25-03-2012 03:28 AM

المشاركة الأصلية كتبت بواسطة khaled ayman

الحمد لله انت عامل ايه ؟
الحمد لله الموبيل شغال تمام ..
هو بس البطاريه مش حلوه لو فاتح نت 24 ساعه زيى كده :)
الفيس و تويتر و الميل شغالين 24 ساعه
هو مش بيفصل شحن ..بس على ما اجى انام بيكون باقى فيه 3% علما بأنى قافل ال power saver

شكرا يا خالد .. :)

و أنت اخبار المحلة ايه على حسك ؟