| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 30

  1. #1

    الصورة الرمزية hosamsief

    رقم العضوية : 26525

    تاريخ التسجيل : 30Nov2008

    المشاركات : 436

    النوع : ذكر

    الاقامة : القاهرة

    السيارة: Beetles

    السيارة[2]: Excel

    دراجة بخارية: كان زمان

    الحالة : hosamsief غير متواجد حالياً

    افتراضي افهم ايه المطلوب الاول ...و بعدين اتصرف ... - Facebook Twitter whatsapp انشر الموضوع فى :

    hasad">

    اتعجب بشده من تصرف بعد الناس من ذوى المؤهلات العليا التى يفترض فيها حسن الفهم الجيدة و حسن التصرف و الذكاء ......
    يوم الاثنين الماضى .... جائنى المدير المالى و تعلو وجهه علامات الجدية المصطنعه و قالى : بص يا حس احنا عملنا اعلان عن طلب موظفين جداد محاسب و مسئول مبيعات و حطينا رقم موبايلك فى الاعلان و ان شاء الله هينزل الاعلان فى اهرام الجمعه القادمه .....!!!
    فسألته انا و قولتله : طيب ايه الشروط المطلوبة ؟؟؟؟ فرد بلا مبالاة و قالى ... محاسب عادى يعنى و مسئول مبيعات عندة خبرة ييجى على دماغ صاحب الشركه ..... و سابنى و خلع ..
    انا دماغى ورمت ... و حضرت علبيتن اسبرين علشان الصداع بتاع يوم الجمعه ده و انتم متعرفوش ايه قيمه يوم الجمعه ده بالنسبة لى .... المفروض ان كل مشاوير الاسبوع كلها بتتأجل ليوم الجمعه و زيارة اهلى و صيانه السيارة و كمان الاستحمام الاسبوعى ليه و العربية كمان ......
    حاولت طبعا استمتع لانى مش عارف اقاوم .... الى ان جاء يوم الجمعه .... ملحوظه انا نمت الخميس الساعه 5 فجرا بعد رحله و معاناة البحث عن البنزين الى ان وفقى الله بعد دعوات خاشعه الى انى مونت و الحمد لله .....
    صحيت الجمعه الساعه 11.30 و تناولت لقمه على السريع و نزلت صليت الجمعه و كان الموبايل صامت ..و خرجت من الجامع ببص فى الموبايل لاقيت 5 مكالمات فائته من ارقام مختلفه ؟؟ هم الناس ده مش عارفة ان ده وقت صلا ولا ايه ؟؟ المهم مع اول اتصال .....
    صوت حريمى يقترب من الخمسين سنه : ايوة يا بنى انت عاملين اعلان عن محاسبين ؟؟
    انا : ايوة يا امى ... فعلا
    هى : طيب ايه الشروط
    انا : هو مين يا امى اللى متقدم للوظيفه ؟؟؟...........هى : ابنى
    انا : و هو حضرتك مكلمناش ليه ؟؟؟ ردت و قالت ... معلش يا بنى اصل هو نايم و انا بدورله على شغل ...... تخيلوا ....
    انا و انا مفروس و بفتكر امى و هى بتبصلى شزرا لما اتأخرت فى احضار هدية عيد الام ... : خلية يا امى هو اللى يكلمنا علشان ياخد العنوان و يعرف الشروط ... المهم قفلت و هو بتدعيلى و بتوصينى علية .....
    اتصال اخر : الو ايوة ... بخصوص الوظيفة و سكت ... رديت علية و قولت .. احنا منزلين وظفتين انهى واحدة ؟؟؟؟ هو طيب استنى دقيقه اشوف الاعلان !!!!!!!! انا جالى انهيار عصبى و قطعت الكلام و حسيت ان كابل الاديو اتخلع من دماغى .......
    جالى اتصال بعدها بدقيتين : بخصصوصص الاعععععلان ببببتاع انهارده .؟؟؟ فقولتله... اقفل لو سمحت انا من ناقص لبخه فى الكلام .. انا اصلا بجمع بالعافية ... و قفلت
    اتصال رابع : الو .. فى اهرام انهارده ... فكملت انا قولتله اوكيه ... انهى و ظيفه قالى ...محاسب ... فقولتله .. خد العنوان .. فرد عليه و قالى خليك معايا على الخط 5 دقايق لغايه ما اجيب ورقه و قلم .... فرديت عليه قولتله حضرتك بتهزر .. قالى و فيها ايه متستنى شوية و قعد يجعر على واحد عندة علشان يجيبله ورقه و قلم ...قمت رازع الخط و كان هاين عليه اعض التليفون من الغيظ .......
    خامس اتصال : من واحدة بنت محاسبة ...هى : السلام عليكم ... انا رديت السلام .. هى : انا محاسبة .. ايه شروط الوظيفه ... انا بخجل : انا اسف هى الاعلان مطلوب محاسبين ذكور فقط ؟؟ هى : ليه بقى التفرقه العنصرية ده ؟؟ انا: معلش اصله هيشتغل فى المخازن .. هى : اه ... طيب و قامت ندهت لواحد عندها لسه صاحى من النوم ... و كان تقريبا الاحبال الصويته بتاعه لسه نايمه ...قعد يفح شوية فى التليفون و لا فهمت ولا سمعت ايه كلمه منه ...
    و قولتله خش اتشطف و افطر كده و فاوء .. و بعدين كلمنى ......
    اتصال اخر : الووووووووووو .. فقولتله خد العنوان ؟؟؟ 32 شارع ......كذا .. كذا ......
    فرد : و قالى عنوان ايه يا عم ؟؟؟ هو انا يعنى مش عارف بيتكوا ؟؟؟ فقولت ايه الهطل دع ... هو الانترفيو هيبقى عندنا فى البيت ...
    فرد و قالى : ايه عم حسام ...انت نايم و لا ايه ؟؟... انا سعيد ... نسيبك يا راجل .... انا جايكم انهارده علشان عيد الام ......!!!!!
    فضحكت و وقعت على الارض و قولتله ... معلش يا سعده اصل فى اعلان عن شغل فى الشركه عندنا و فى ناس بتتصل تاخد العنوان و عاوزين محاسب ؟؟؟
    فرد بسرعه و قالى : طيب ادينى العنوان بسرعه و مطلوب ايه !!!!!!!!!!!!!!!!! قمت رزاع فى وشه السماعه و قولت لامى ده ميخشش البيت عندنا خالص ...


    اتصال اخر : واحد نايم على نفسه : الو .. الوه ..
    انا : اللهم طولك يا روح ... ايوة سعادتك ... خير ..
    هو : الاعلان هه الاعلان ... اللى فى الجرنان ... الجرانان ..؟؟
    انا : يا عم انت ما سك علية ذله ... ايوه .. ماله بقى الاعلان ...
    هو : المحاسب ... انتم مش عاوزين محاسب .. انا المحاسب .... و قام داخل فى غيبوبه ؟؟
    انا : ايو ه ... خد بقى العنوان ..... كذا كذا ... المهم ... يرد و يقولى : هو انا يعنى لازم اجى ...؟؟؟ اه و الله العظيم تلاته!!!
    انا : مرارتى ... خلاص انفقعت ... و جالى شلل رباعى ... فقولت لو تحب حضرتك اجيب المدير المالى و صاحب الشركه عندكم فى البيت و نعمل الانترفيو عندك ... ماشى ؟؟ فرد و قالى : طب خد العنوان !!!!!!!!
    اتصال اخر يبدو انه من لهجته انه من اطراف مصر : الو... هو المرتب قام ؟؟؟ فرديت عليه و قولتله : 500 ساسونا و خمسين زباطه ..... ده العمله الجديدة بتاعتنا ..
    فقالى : يعنى يبقى كام بالمصرى .... فقولتله يعنى حته بخماشر.. كده ... قالى .. لا كده جليل و الله.....طيب سلام ...
    و خد على كده بقى : عاهات و الله عاهااااااااااااااات .....لغايه الساعه 10 بليل ...
    و دخلت نمت و صحيت الصبح : لاقيت المدام عماله تجس دماغى و تقولى انت عيان ولا ايه ؟؟
    فتحسست راسى ... و قولتلها خير فى ايه ؟؟؟ ردت و قالتلى اصلك عمال تخطرف طول الليل .. و بتقول كلام غريب .....
    انا : كلام غريب ... فيه ايه بالظبط ...هو انا قولت ايه .... ؟؟؟
    قالتلى : عمال تقول الو .. الو ... 32 ... و محاسب و اكسيل ... محدش يتصل بيا خالص .......
    بصتلها كده ... و قولتلها .... لا انا طبيعى ... واضح انك كنتى بتحلمى .... مفيش الكلام ده خالص .........
    اعزائى راغبى العمل ... برجاء فهم الاعلان جيدا و معرفه المطلوب جيدا و تحضير ورقه و قلم و عدم السئوال عن المرتب و الرحمه ثم الرحمه بالشخص الذى يقول بالرد عليكم ..........

    [gdwl]لا يستطيع رفع صور للتوقيع[/gdwl]


  2. #2

    الصورة الرمزية أبو ياسين

    رقم العضوية : 1282

    تاريخ التسجيل : 01Jul2007

    المشاركات : 987

    النوع : ذكر

    الاقامة : maddi

    السيارة: tiida

    السيارة[2]: لانوس

    دراجة بخارية: NO

    الحالة : أبو ياسين غير متواجد حالياً

    افتراضي -

    جامدة جدا

    اللهم اغفر لى و ارحمنى برحمتك


  3. #3

    الصورة الرمزية mero100

    رقم العضوية : 84819

    تاريخ التسجيل : 03Jan2011

    المشاركات : 1,991

    النوع : ذكر

    الاقامة : Cairo , Nasr city

    السيارة: not yet

    السيارة[2]: chevrolet lanos 2011

    دراجة بخارية: no

    الحالة : mero100 غير متواجد حالياً

    افتراضي -

    انت مشكله بجددددددددددددددددددددددد ددددددددد

    عندك موهبه والله

    حقيقي تنفع مؤلف مسرحي .... او مؤلف سيناريوهات افلام كوميدي . انا مقدرتش امسك نفسي من الضحك الهستيري خصوصا عند حته 500 ساسونا و 50 ظباطه

    [mtohg=#ff0000]http://nileup.com/up/uploads/nilemotors_13797137751.jpg[/mtohg]
    مع تحيتي
    عمرو ابراهيم


  4. #4

    الصورة الرمزية محمد بدر

    رقم العضوية : 41935

    تاريخ التسجيل : 06Jun2009

    المشاركات : 1,533

    النوع : ذكر

    الاقامة : suez

    السيارة: KIA SPORTAGE

    السيارة[2]: Honda Civic 2010

    دراجة بخارية: لايوجد

    الحالة : محمد بدر غير متواجد حالياً

    افتراضي -

    برافووووووووووووووووووووو ووووووووووووووووووووووووو ووووووووووووووووووووووووو وووووووووووووووووووووو


  5. #5

    الصورة الرمزية MTAK

    رقم العضوية : 604

    تاريخ التسجيل : 12May2007

    المشاركات : 3,344

    النوع : ذكر

    الاقامة : مصر المحروسة-السويس

    السيارة: لا يوجد

    السيارة[2]: الحمد لله Tiida 07 auto

    دراجة بخارية: لا

    الحالة : MTAK غير متواجد حالياً

    افتراضي -

    تحفه
    و لكنها تحفه مؤلمه
    من نوع الكوميديا الرمادى اللى داخل اهو على الاسود
    و اشد ما اوجعنى

    الام اللى بتتصل علشان وظيفه لابنها و المحروس نايم

    بس انت حكيت كل ده و نسيت تقولنا اهم حاجه فى الموضوع
    .
    .
    .
    .
    .
    .
    .
    .
    .
    .
    .
    هو العنوان فييييييييييييييييييين

    كيميائى / محمد طه
    ------------------
    بسم الله الرحمن الرحيم
    وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ
    صدق الله العظيم
    التوبة 105


  6. #6

    الصورة الرمزية Screenplays

    رقم العضوية : 105302

    تاريخ التسجيل : 26Jun2011

    المشاركات : 3,817

    النوع : ذكر

    الاقامة : Port Said \ Cairo

    السيارة: Toyota Corolla 2008

    السيارة[2]: Hyundai Verna 2009

    دراجة بخارية: Kia Cerato 2010

    الحالة : Screenplays غير متواجد حالياً

    افتراضي -

    ههههههههههههههههههههههههه ه لا حول و لا قوه الا بالله الناس شاربه ميه بطيخ الظاهر كده


  7. #7

    الصورة الرمزية mr_vampire

    رقم العضوية : 55956

    تاريخ التسجيل : 16Dec2009

    المشاركات : 3,827

    النوع : ذكر

    الاقامة : EGYPT

    السيارة: BMW

    السيارة[2]: LANCER

    دراجة بخارية: ISA

    الحالة : mr_vampire غير متواجد حالياً

    افتراضي -

    طب محدش اداك القاضية بدون تثبيت اكتاف وقالك:

    بخصوص الوظيفة اللي عاملين اعلان عنها. متعملوش حسابي فيها.


  8. #8

    الصورة الرمزية hosamsief

    رقم العضوية : 26525

    تاريخ التسجيل : 30Nov2008

    المشاركات : 436

    النوع : ذكر

    الاقامة : القاهرة

    السيارة: Beetles

    السيارة[2]: Excel

    دراجة بخارية: كان زمان

    الحالة : hosamsief غير متواجد حالياً

    افتراضي -

    اقتباس المشاركة الأصلية كتبت بواسطة mtak مشاهدة المشاركة
    تحفه
    و لكنها تحفه مؤلمه
    من نوع الكوميديا الرمادى اللى داخل اهو على الاسود
    و اشد ما اوجعنى

    الام اللى بتتصل علشان وظيفه لابنها و المحروس نايم

    بس انت حكيت كل ده و نسيت تقولنا اهم حاجه فى الموضوع
    .
    .
    .
    .
    .
    .
    .
    .
    .
    .
    .
    هو العنوان فييييييييييييييييييين
    حضرتك تجيب اهرام الجمعه و هتلاقى رقم تليفونى منور الجرنان ... كلمنى و هديلك العنوان ...

    [gdwl]لا يستطيع رفع صور للتوقيع[/gdwl]


  9. #9

    الصورة الرمزية rompo10

    رقم العضوية : 80905

    تاريخ التسجيل : 22Sep2010

    المشاركات : 2,674

    النوع : ذكر

    الاقامة : cairo elbehera

    السيارة: بيجو 406

    السيارة[2]: bmw 523i

    دراجة بخارية: no

    الحالة : rompo10 غير متواجد حالياً

    افتراضي -

    اي محاسب عاوز يشتغل من رجاله المنتدي يجري علي الاستاذ حسام واسطه لغايه عندك دا بعد اذنك طبعا يا استاذ حسام (هو ماينفعش خريج حقوق يشتغل محاسب)

    rompo10


  10. #10

    الصورة الرمزية mr_vampire

    رقم العضوية : 55956

    تاريخ التسجيل : 16Dec2009

    المشاركات : 3,827

    النوع : ذكر

    الاقامة : EGYPT

    السيارة: BMW

    السيارة[2]: LANCER

    دراجة بخارية: ISA

    الحالة : mr_vampire غير متواجد حالياً

    افتراضي -

    hasad">

    هو مينفعش خريج حقوق يشتغل محاسب ؟؟؟؟ سؤال موضوعي فعلا .ههههههههههههه الراجل جه يفضفض معاكو من اللي حصلو تقومو تعملو عليه حفلة تانية غير حفلة الجمعة.

    قلبي معاك يااستاذ حسام هتلاقيها منين ولا منين.



 
صفحة 1 من 3 1 2 3 الأخيرةالأخيرة

المواضيع المتشابهه

  1. اروح لمهندس الرش الاول ولا السمكرى الاول
    بواسطة bassoma في المنتدى لادا
    مشاركات: 9
    آخر مشاركة: 05-12-2011, 05:01 AM
  2. باركولي الاول ---- و بعدين ساعدوني :)
    بواسطة gomgoma22 في المنتدى بـى إم دابـــليو
    مشاركات: 52
    آخر مشاركة: 25-10-2011, 07:47 AM
  3. اروح لمهندس الرش الاول ولا السمكرى الاول
    بواسطة bassoma في المنتدى جسم السيارة داخليا وخارجيا
    مشاركات: 2
    آخر مشاركة: 20-10-2011, 02:17 PM
  4. اركب الفلتر الاول ولا انضف الاول !!؟؟
    بواسطة MoodA في المنتدى كــماليــات السيـــارات و الإكسسوارات
    مشاركات: 4
    آخر مشاركة: 10-09-2011, 03:55 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2