الموضوع: استفسار عن عداد ال ار بى ام للفيرنا

يا ريت حضرتك توضح الصوت عالي مقارنة بعربيه أيه ؟
أما الرجه فده ترصيص (في الغالب راكب عند حضرتك الكاوتش و الجنط الأصلي )
أما مشكلة السحب بعد 125 فحاول حضرتك تمشي علي الغيارات فتره كل غيار ياخد rbm عالي شويه و جرب بعدها و قولنا أيه الأخبار

مش من الطبيعي بعد ال100 و مدي الغيار الخامس إن صوت العربيه يعلي (يكون مسموع أه مزعج لأ)
و rbm 3.5 لسرعة 120 كم طبيعي تقريبا
جرب تقرص علي الغيارات مشوار طويل و بعد كده نلاحظ أخبار الصوت أيه
_بتغير زيت أيه _؟

المشاركة الأصلية كتبت بواسطة hanyemad123

يا رجاله الفيرنا الكرام

كنت جايب سرعه 120 كم/ س ال ار بى ام كان على 3.5 و كنت على الغيار الخامس

صوت العربيه كان مسموع بدرجه ملحوطه ( الصراحه بدايه من 100 حسيت بالصوت )

وبعدين العربيه لما كانت على الغيار الرابع بعد ما عدت سرعه 80 حسيت ان الموتور بقى مسموع و ال ار بى ام كان قرب على ال 3

ياجماعه هو ده طبيعى و لا العربيه فيها حاجه

مش معقول ان يكون الموتور على 3.5 و هيا على سرعه 120

فيرنا 2007 1600 32 الف كم و لسه عامله سيرفس ال 30

طبعا ده غير الرجه اللى كانت فى العربيه كلها بدايه لما عديت ال 110 لغايه ما عديت ال 120 و بعدين هديت شويه

بس مش عارف ليه حسيت ان العربيه تقيله فى السحب بعد ال 125 مش عايزه تعلى بسهوله

اولا يا استاذ هاني ده الطبيعي جدا ان العربية علي سرعة 120 بتبقي علي 3.5 علي الار بي أم وصوت العربية بيكون مسموع وملحوظ لان العزل بتاع الفيرنا مش كويس بالذات العزل اللي بين الحوض والصالون

بالنسبة للرجرجة ريح نفسك انا رصصت يجي 60 مره وظبط زوايا يجي 50 مره وبردك بتحدف وفيبريشين بعد 110 كيلو وحلها بجنوط وكاوتش محترم

والكوري سحبه بعد ال 110 بيقل بعكس الالماني والفرنسي اللي بيكون سحبه تحت ال 100 ضعيف وبعد ال 100 غول في السحب

متقلقش نفسك اللي انتا فيه ده طبيعي جدا