الموضوع: أرقام غريبة كل شوية على الموبايل

لو نمره غريبه رنت على ، اقوم طالبها على طول ( عشان لو عاوزنى فعلا ) ، ولو مردش .... اقوم مسجلها عندى برقم كودى ( عشان اعرفها ) ... بعد كده معبرش خالص ... حتى لو قعدت ترن للصبح.

" اما لو 73 اتصال متتالى من نمر مختلفه .... تبقى غريبه قوى "

على فكرة انا مش عارف اشمعنى ارقام بالذات اللى بيحصل معاها الموضوع دا.
بس عموما دى الحالات اللى اكيد ممكن يحصلك حاجة كدا بسببها :

1-رقمك مميز اوى و فى الحالة دى بتلاقى مخابيل كتير بيتصلوا يجربوا الرقم.
2-رقمك انتشر معرفش ازاى و دا اللى نفسى اعرفه , نفسى اعرف يعنى ايه انتشر.
3-رقمك مستعمل بس مش معنى كدا انك اشتريت الرقم من شخص لأ فودافون نفسها مثلا لما بيرجعلها رقم بتنزله تانى على انه خط جديد و دا من اكبر اسباب المعاكسات يعنى مثلا لو رقمك 0123456789 و بعد استخدامه مدة طويلة قفلت الخط نهائيا بعدها بمدة الشركة بتبيع الخط دا تانى لشخص جديد فبيجيلو مكالمات من الناس القديمة.
4-ناس كتير بتجرب ارقام سواء رقم قريب من رقمها او رقم على تاريخ ميلادها او اى حاجة او رقمك فى شبكة تانية كدا.

معظم الارقام دى بتبقى 018-016 علشان كدا محدش بقا بيرد على رقم 018 او 016 الا لو كان يعرفه علشان الخطوط دى بتتباع ب10 جنيه و حاجات غريبة كدا فناس بتشترى خطوط كدا مش متسجلة و ملهاش عقود يعاكسوا بيها.

المشكلة دى ملهاش اى حل نهائيا غير يا تستحملها يا تغير الرقم لان فودافون مينفعش تمنع ارقام معينة تتصل بيك مش عارف ليه.
انا لو عليا امنع اى رقم 016 او 018 من انه يتصل بيا فلو الموضوع اتعمم بالتالى الارقام ال012 و 010 تزيد تمنها فالناس الزبالة اللى بتعاكس متقدرش تشتريها!!!!!!
فعلا حاجة بقت تدايق و انا مش عارف البلد حصلها ايه تلاقى الاهبل من دول يتصل الساعة 2-3 بالليل مش فاهم ليه!!!!!!
الحل اقترحته شركة فودافون قبل كدا و ان شاء الله يطبقوا سنة 9090
الحل انهم ممكن يحطوا التليفون اللى بيتعمل منه معاكسات فى blacklist فبالتالى اى حد يعاكس و تبلغ عنه , بيتعمل ban لل serial number بتاع التليفون على ال3 شبكات فميقدرش يتصل يعاكس تانى.
على فكرة معلومة بس لوا تيجى تعمل اى مكالمة اول حاجة بتوصل للشبكة ال serial number بتاع التليفون و للعلم شركات الموبايل يقدروا يعرفوا نوع التليفون اللى بتتكلم منه و جرب كدا كلم خدمة العملاء و اسالهم نوع تليفونك ايه ممكن يقولولك و انا جربتها بنفسى (طبعا متكلمتش مخصوص, وسط المكالمة سالت الراجل وديا كدا و قالى نوع تليفونى)

موضوع البرامج اللى بتنزل على التليفون دى غير مجدية نهائيا و الحل بسيط يرفعوا اسعار الخطوط الجديدة ل 100 جنيه على الاقل ضمانا لجدية المشترك مش خط ب 10 جنيه!!!! و تشحن مرة واحدة بس و صلاحية مدى الحياة و الكلام الفارغ دا, دا كل واحد عنده 10 خطوط على الاقل دلوقتى!!!!!!!!!