الكلاكس فصل والايرباج..مش عارف اتصرف ازاى

شاء القدر انى اكون فى اخر محافظات مصر ولا فى توكيل ولا مركزمتخصص فى النيسان
من حوالى 10 ايام وانا كلاكس العربية(صنى 2005) مش بينطق
والنهارده قولت اروح لواحد كهربائى اعرفه وهوصنايعى محترم بصراحة شاف وشيك على كل الفيوزات وملقاش فيها عيب وجرب الكلاكس نفسه بتوصيلةمباشرة على البطارية كان شغال
فقالى كده العيب يبقى من الدركسيون قلتله طيب شوفه
فك صرة الدركسيون وشافها وبصراحة حسيت انه مش بيجرب وانه عارف بيعمل ايه...وبعدين قبل ما يقفل قالى كده هتحتاج الاسطوانه اللى بيبقى فيها شريط الايرباج ..طبعا انا صعقت وقلتله انا الكلاكس بس اللى فاصل قالى معلش بس هتحتاج الاسطوانه دى ولما جيت ادور العربية لقيت لمبة الايرباج بتنور وتطفى يعنى فيها خلل اضافة لمفيش كلاكس >>
طيب هى بكام قالى معرفش
دلوقتى انا عايزحد يشور عليا اعمل ايه وهى بتتباع بكام بره التوكيل وجواه لان العربية بره التوكيل لانى كمان مش بسافر بيها ؟؟؟
ياريت حد يساعدنى لان اللمبة منورة وخنقانى بجد

بصراحة مشكلة غريبة فعلا ..

معلش هاكتفي بمتابع ...

متااابع ...

هي لمبة الاير باج كانت بتنور قبل الكهربائي مايفكها ولا لأ ؟

بص

انا معرفشي الصني ايه نظامها بس هقولك علي اللي اعرفة شبة كده بالظبط في الانسر بوما

الاسطوانة دي الصنايعية بيسموها قرص الكلاكس

دي بيبقي جواها سلك طري اسمه "فلكس" السلك ده بيبقي سهل الحركة و بيبقي جواه اكتر من سلك و كل واحد بيبقي معزول عن اللي جنبة و بيبقي مبطط

للأسف في الانسر لما بتحب تصلح الكلاكس منغير ما تغير القرص بتتضطر تلغي الاير باج وظيفيا و بتشغل الكلاكس و دي مش اي صنايعي بيعمها

و الافضل تغير القرص

سعر القرص في الانسر من 350 الي 500 حسب تاجر الاستيراد اللي بتجيبة منه و اظن في النيسان هيبقي قريب من كده

و سعرة جديد في التوكيل 1200


اتمني اكون افادتك و لو في اي معلومة انا قولتها غلط يبقي سوء فهم مني للموضوع بس انا حاولت افيد

والله اعلي و اعلم

مشكلة فعلا غريبة، بس أنا رأيي حتى لو مكانك بعيد شوف أقرب توكيل ليك واكشف عليها أفضل

حاول تروح على توكيل في اسكندرية او القاهرة وانا تحت امرك لو حبيت ادلك على مكان

اقتباس:

---

المشاركة الأصلية كتبت بواسطة maged george

هي لمبة الاير باج كانت بتنور قبل الكهربائي مايفكها ولا لأ ؟

---

لاماكانتش بتنور

لا توكيل ولا غيرة لوح لاي حد كهربائي عادي مش بتاع عربيات خليه يفتح الدائرة هيلاقي سلك طويل وهتلاقيه اتقطع خليه يلحمه.. المشكله دي حصلت عندي بس كانت غلطه من واحد مش لوحدها

العيب عندك في السلك الموصل الي الزميل الفاضل قال عليه فلكس وده بيبقي نشف من كثر الاستخدام فبيتقطم فيفصل سلوك من الي جواه وهي خاصة بالايرباج والكلكس وده ما تخليش اي صنايعي يلعب فيه علشان الايرباج ما يفتحش حاول تشتري الفلكس من الوكالة ويا اما يركبوهللك او دور علي مركز صيانة نظيف يركبهوللك

بص حضرتك كدة الكلوك اسبرنج باظ ودة عبارة عن قرص بلاستيك تحت طارة الدركسيون بيكون جواها كابل شبة كابل الداتا بتاع الكمبيوتر وعند انقطاعة الكلاكس بيفصل ولمبة الايرباج بتنور واحيانا حاجات تانية حسب نوع العربية ودة مفيش حل الا انك تغيرة بواحد جديد.ولو لقيت كلوك اسبرنج كابلة مدور مش مبطط اشترية لان عمرة اطول.

اقتباس:

---

المشاركة الأصلية كتبت بواسطة almoez

لا توكيل ولا غيرة لوح لاي حد كهربائي عادي مش بتاع عربيات خليه يفتح الدائرة هيلاقي سلك طويل وهتلاقيه اتقطع خليه يلحمه.. المشكله دي حصلت عندي بس كانت غلطه من واحد مش لوحدها

---

الدائرة دى فين بالظبط ياريت تحدد بوضوح؟

اقتباس:

---

المشاركة الأصلية كتبت بواسطة atala

العيب عندك في السلك الموصل الي الزميل الفاضل قال عليه فلكس وده بيبقي نشف من كثر الاستخدام فبيتقطم فيفصل سلوك من الي جواه وهي خاصة بالايرباج والكلكس وده ما تخليش اي صنايعي يلعب فيه علشان الايرباج ما يفتحش حاول تشتري الفلكس من الوكالة ويا اما يركبوهللك او دور علي مركز صيانة نظيف يركبهوللك

---

يعمل كام الفلكس ده يا غالى ؟

اقتباس:

---

المشاركة الأصلية كتبت بواسطة koheya

بص حضرتك كدة الكلوك اسبرنج باظ ودة عبارة عن قرص بلاستيك تحت طارة الدركسيون بيكون جواها كابل شبة كابل الداتا بتاع الكمبيوتر وعند انقطاعة الكلاكس بيفصل ولمبة الايرباج بتنور واحيانا حاجات تانية حسب نوع العربية ودة مفيش حل الا انك تغيرة بواحد جديد.ولو لقيت كلوك اسبرنج كابلة مدور مش مبطط اشترية لان عمرة اطول.

---

طيب الكلوك اسبرنج ده بكام يا اخى؟

حسالك باذن الله اليومين دول على القسة دى
بس الايرباج نور .. عشان فك الدريكسيون ..
فى السجل الميكانيكى المثبت عندنا فى القسم .. موجود طريقة طفى الايرباجز

انا شاكر لكم كلكم يا شباب
وبالنسبة للمبة الايرباج انا فعلا استخدمت الطريقة الموجوده ونجحت معايا والحمد لله بس الكلاكس دلوقتى مش شغال عندى وطبعا انا عطلت كده الايرباج معايا
ا.احمد ياريت تسالى عن موضوع فصل الكلاكس ده واللمبه وايه العطل بالظبط لحسن الواحد بقاله كام يوم مخنوق بسبب الموضوع ده ....

الحمد لله إنك ارتحت شوية .. إن شاء الله كله سهل

بص يا سيدى انا سالتلك فى اوتوايجيبت

قالولى ان الاسبرنج ده تمنه فى حدود 1000 جنيه

فقولتلهم ممكن يشتريه .. ويركبه عند حد عنده فى مطروح .. قالولى خالى بالك دى قطعة كهرباء ولازم تركب صح .. عشان ليها ظبطة معينة فى التركيب .. ولو ركبت غلط ممكن تضرب تانى

قولت طيب ممكن تتجاب استيراد .. قالولى بردوا الاستيراد فى الحاجات الكهرباء مش مضمونة

وبعدين قولتلهم فيها مشكلة لو مشى كدا بيها لفترة عقبال ما ينزل مصر .. ويعملها .. قالولى اه مفيش مشكلة
وتركيبها اذا كانت القطعة متوفرة وموجودة بتاخد حوالى ساعة ونص تركيب

تحياتى

اقتباس:

---

المشاركة الأصلية كتبت بواسطة ahmed.tv

بص يا سيدى انا سالتلك فى اوتوايجيبت

قالولى ان الاسبرنج ده تمنه فى حدود 1000 جنيه

فقولتلهم ممكن يشتريه .. ويركبه عند حد عنده فى مطروح .. قالولى خالى بالك دى قطعة كهرباء ولازم تركب صح .. عشان ليها ظبطة معينة فى التركيب .. ولو ركبت غلط ممكن تضرب تانى

قولت طيب ممكن تتجاب استيراد .. قالولى بردوا الاستيراد فى الحاجات الكهرباء مش مضمونة

وبعدين قولتلهم فيها مشكلة لو مشى كدا بيها لفترة عقبال ما ينزل مصر .. ويعملها .. قالولى اه مفيش مشكلة
وتركيبها اذا كانت القطعة متوفرة وموجودة بتاخد حوالى ساعة ونص تركيب

تحياتى

---

والله يا أ.احمد انا شاكر ليك مجهودك فى السؤال والرد عليا وانا هستنى شوية لما ربنا يسهلها واحاول انزل اعملها فى التوكيل افضل
فعلا الواحد بيحترم الناس الموجوده فى قسم نيسان بالاخص لانهم دايما فى عون اخوانهم

الصديق العزيز اساس المشكلة ممكن تكون انك غيرت جزء من العفشة الأمامية ولة علاقة بالدركسيون او قمت بضبط زوايا والدركسيون لف عدد من اللفات أكثر من 2.5 يمين او شمال
والأسبرنج الموجود أسفل الطارة هو المسئول عن دائرة الأير باج وعن تشغيل الكلاكس
وكل ما تحتاجة هو تغير ( كويل الأيرباج ) ومعلش التعليم مش ببلاش

eng : Hany amer

اقتباس:

---

المشاركة الأصلية كتبت بواسطة hanyhamer

الصديق العزيز اساس المشكلة ممكن تكون انك غيرت جزء من العفشة الأمامية ولة علاقة بالدركسيون او قمت بضبط زوايا والدركسيون لف عدد من اللفات أكثر من 2.5 يمين او شمال
والأسبرنج الموجود أسفل الطارة هو المسئول عن دائرة الأير باج وعن تشغيل الكلاكس
وكل ما تحتاجة هو تغير ( كويل الأيرباج ) ومعلش التعليم مش ببلاش

eng : Hany amer

---

لا ابدا انا معملتش اى حاجة فى العفشة او اى شىء فى الدركسيون ولا ظبط زوايا ..المشكلة حصلت فجاه

اقتباس:

---

المشاركة الأصلية كتبت بواسطة mitsukero

بص

انا معرفشي الصني ايه نظامها بس هقولك علي اللي اعرفة شبة كده بالظبط في الانسر بوما

الاسطوانة دي الصنايعية بيسموها قرص الكلاكس

دي بيبقي جواها سلك طري اسمه "فلكس" السلك ده بيبقي سهل الحركة و بيبقي جواه اكتر من سلك و كل واحد بيبقي معزول عن اللي جنبة و بيبقي مبطط

للأسف في الانسر لما بتحب تصلح الكلاكس منغير ما تغير القرص بتتضطر تلغي الاير باج وظيفيا و بتشغل الكلاكس و دي مش اي صنايعي بيعمها

و الافضل تغير القرص

سعر القرص في الانسر من 350 الي 500 حسب تاجر الاستيراد اللي بتجيبة منه و اظن في النيسان هيبقي قريب من كده

و سعرة جديد في التوكيل 1200


اتمني اكون افادتك و لو في اي معلومة انا قولتها غلط يبقي سوء فهم مني للموضوع بس انا حاولت افيد

والله اعلي و اعلم

---

شكر خاص ليك على الشرح والتوضيح والمعلومات

اقتباس:

---

المشاركة الأصلية كتبت بواسطة y2y1500

شكر خاص ليك على الشرح والتوضيح والمعلومات

---

العفو انا حبيت اساعد علي الرغم من اني مبعرفشي في الصني بس بحس ان الصني و الانسر متقاربين في التكنولوجيا شوية

اتمني اني مكنشي قولت حاجة غلط